Nöün Paulus Toropwe ngeni ekewe Souläng lon Rom 1:3 - Chuukese Bible

³ A kapas usun Nöün we, ach Samol Jesus Kraist: Lon an wiliti aramas, a uputiu lon tettelin eman mwirimwirin Tafit.

Nöün Paulus Toropwe ngeni ekewe Souläng lon Rom 1:3 Iomraidhean Croise

Keneses 3:15

Üpwe afiukemi me ewe fefin, pwal mwirimwirum me mwirimwirin. Men epwe puri mökürom, nge en kopwe küw apilipilin pechen.”

Kölfel 2:7

Ngang üpwe pwärätä mine a pwüngüla me ren ewe Samol mi Lapalap. Iwe, a üreniei, “En nei mwän, ikenai üa nounuk.

Jeremaia 33:26

mürin üpwe tongeni pöütala ekewe mwirimwirin Jakop me Tafit nei chon angang. Üsap pwal filätä eman me lein mwirimwirin Tafit epwe nemeni ekewe mwirimwirin Apraham, Isaak me Jakop. Nge ngang üpwe aliwini ekewe chon oola o eäni ümöümöch ngeniir.”

Amos 9:11

Iwe, ewe Samol mi Lapalap a apasa, “Epwe war ewe fansoun lupwen üpwe aüsefälietä ewe mwün Tafit mi wewe ngeni eu imw mi turula. Üpwe apinasa pwangan o försefäli mine a ta me won. Üpwe försefäli pwe epwe usun chök lon fansoun lom.

Mateus 1:1

Iei tettelin uruwon än Jesus Kraist kewe lewo, i eman mwirimwirin Tafit, nge Tafit eman mwirimwirin Apraham.

Mateus 1:16

Jakop semen Josef pwülüen Maria we, neminewe a nöünätiu Jesus mi pwal iteni Kraist.

Mateus 1:6

nge Jesi semen Tafit ewe king. Tafit semen Salomon, a nöüni me won pwülüen Uria we,

Mateus 12:23

Iwe, ekewe aramas meinisin ra mairü ren mine Jesus a föri o ais, “Ifa usun, epwe ätei ewe nöün Tafit?”

Mateus 15:22

Iwe, eman fin Kanaan mi nom lon ena leni a feito ren o kökkö ngeni, “Ai samol, Nöün Tafit, kopwe tongeei. Nei nengin a fokun riaföü, pun eman anün rochopwak a wäni.”

Mateus 26:63

Nge Jesus a chök fanafanala. Iwe, ewe Souasor mi Lap a pwal apasa ngeni Jesus, “Kopwe pwon fän akapel iten ewe Kot mi manau o ürenikem ika en ewe Kraist, Nöün Kot.”

Mateus 27:43

A lükü Kot o püsin aita ngeni pwe i Nöün Kot. Iwe, sipwe pii are Kot a mochen amanaua i lon ei otun!”

Mateus 3:17

Mürin eu möngüngü a möngüngüwu seni läng a apasa, “Iei i nei mi achengicheng, üa unusen pwapwa ren.”

Mateus 9:27

Lupwen Jesus a feila seni ewe leni, ruoman mwän mi mesechun ra tapwela mürin. Ra kökkö ngeni fän leüömong, “Nöün Tafit, kopwe tongekem!”

Lukas 1:35

Ewe chon läng a pölüeni, “Ngünmifel epwe feitiu womw, nge manamanen ewe mi Unusen Tekia epwe nom womw. Iei mine ewe mi pin epwe uputiu ngonuk, epwe iteni Nöün Kot.

Lukas 1:69

A awora fän itach eman Chon Amanau mi manaman, i eman mwirimwirin nöün chon angang Tafit.

Johannes 1:14

Ewe Kapas a wiliti aramas o nonom lefilach. Sia nengeni an we ling, ewe ling Saman a ngeni, pun i Nöün Aleman, a uren ümöümöch me let.

Johannes 1:34

Ngang üa küna ei, üa pwal pwärätä pwe ätei Nöün Kot.”

Johannes 1:49

Iwe, Nataniel a üreni, “Sense, en Nöün Kot! En ewe kingen Israel!”

Johannes 10:30

Ngang me Semei eman chök.”

Johannes 10:36

Nge me rei, Semei a apiniei o tinieito won fanüfan. Epwe ifa usun ämi oupwe tongeni apasa pwe üa eäni kapasen turunufas, pokiten üa apasa pwe ngang Nöün Kot?

Johannes 20:28

Iwe, Tomas a pölüeni, “Ai Samol me ai Kot!”

Johannes 20:31

Nge ekei manaman ra makketiu, pwe ämi oupwe lükü pwe Jesus ewe Kraist, ewe Nöün Kot, nge ren ämi lükü i oupwe eäni manau.

Johannes 5:25

Enlet üpwe wesewesen ürenikemi: Epwe war ewe fansoun, nge a fen war, lupwen ekewe mi mäla repwe rongorong mwelien Nöün Kot, nge chokewe mi rongorong repwe küna manau.

Johannes 7:42

Ekewe Toropwe mi Pin ra apasa, pwe Kraist epwe eman mwirimwirin Tafit, epwe uputiu lon Petleem ewe telinimwen Tafit.”

Föför 2:30

I eman soufos a silei met Kot a eäni pwon ngeni: Kot a pwon fän akapel pwe epwe awora eman mwirimwirin Tafit pwe epwe king, usun chök Tafit.

Föför 3:13

Än Apraham, Isaak me Jakop we Kot, än ach kewe lewo we Kot a alingala nöün Chon Angang Jesus. Nge ämi oua atolonga lepöün ekewe souemwenin chon Juta o amamäsini i me mwen Pilatus, oua fen mwo nge föri ei, lupwen Pilatus a ekiekin angasala i.

Föför 8:36

Lupwen ar sasai won ewe al, ra tori eu leni ia a wor koluk ie. Iwe, ewe nöüwis a üra, “Nengeni, a wor koluk ikei! Met a epeti ai üpwe papatais?”

Föför 9:20

A müttir feila lon ekewe imwen felikis o a popuetä le afalafal pwe Jesus i ewe Nöün Kot.

Nöün Paulus Toropwe ngeni ekewe Souläng lon Rom 1:9

Kot, ewe eman üa angang ngeni ren unusen letipei ren ai afalafala ewe Pworausen Manau usun Nöün we, i nei chon pwärätä pwe üa fokun chechemenikemi

Nöün Paulus Toropwe ngeni ekewe Souläng lon Rom 4:1

Iwe, met sipwe apasa usun Apraham, än äm chon Juta we lewo? Met a fis ngeni?

Nöün Paulus Toropwe ngeni ekewe Souläng lon Rom 9:3

fän iten aramasei lon fitukei! Ai äneän pwe amwo püsin ngang üpwe nom fän än Kot anümamau o imwüla seni Kraist fänäsengesiir.

Nöün Paulus Toropwe ngeni ekewe Souläng lon Rom 9:5

Ir mwirimwirin ar kewe lewo re Ipru mi iteföüla, pwal Kraist eman me leir lon an nom lon fituk. Sipwe mwareiti Kot tori feilfeilachök, ewe mi nemeni mettoch meinisin. Amen.

1. Korint 1:9

Kot a allükülük, i ewe a körikemi pwe oupwe chiechi ngeni Nöün we Jesus Kraist ach Samol.

1. Korint 10:18

Oupwe ekieki usun ekewe aramasen Israel. Chokewe mi mongö seni ewe asor ra chiechifengen me Kot, i ewe, ekewe aramas ra uwala ar asor ngeni won ewe rongen asor.

Kalatia 4:4

Nge lupwen a war ewe fansoun mi kapwüngüla, Kot a tinato püsin Nöün. A uputiu seni eman fefin o a nonom fän ekewe Allük,

1. Tesalonika 1:10

pwal usun ämi witiwiti nöün we epwe feito seni läng. Iei i Jesus nöün we i a amanauasefäli seni mäla, epwe angasakich seni än Kot song epwe feito.

1. Timoty 2:5

Pun mi wor eman chök Kot, pwal eman chök chon afför lefilen Kot me aramas kana, iei i ewe aramas Kraist Jesus,

1. Timoty 3:16

Kich sia pwärätä pwe a fokun lapalap monomonen ach lükülük: I a pwäla lon fituk, a pwä pwe a pwüng me ren Ngünmifel, chon läng kana ra küna i, chon fanüfan ra rongorong pworausan, won fanüfan mi wor chon lükü itan, Kot a angeatä lon lingan.

2. Timoty 2:8

Kopwe chechemeni Jesus Kraist, ewe mi manausefäl seni mäla, i eman mwirimwirin Tafit, usun a pwäla lon ai afalafala ewe Pworausen Manau.

1. Johannes 1:3

Mine aia fen küna o rongorong aia pwal asile ngenikemi, pwe ämi oupwe etikem lon äm chiechifengen me ewe Sam me Jesus Kraist Nöün we.

1. Johannes 3:23

Iei an allük: Sipwe lükü Nöün we Jesus Kraist, sipwe pwal echenifengenikich lefilach, usun Kraist a fen allük ngenikich.

1. Johannes 3:8

Are eman a sopwela le föri tipis, i nöün Tefil, pun Tefil a tipis seni lepoputan. Iei popun pwe Nöün Kot a war an epwe atala än Tefil angang.

1. Johannes 4:15

Are eman a pwärätä pwe Jesus i ewe nöün Kot, Kot a nonom lon, nge i a nonom lon Kot.

1. Johannes 5:1

Eman mi lükü pwe Jesus ewe Kraist, i eman mi up seni Kot. Eman mi echeni eman sam a pwal echeni nöün.

1. Johannes 5:20

Sia pwal silei pwe Nöün Kot a feito o fang ngenikich ach weweöch, pwe sipwe silei ewe Kot mi let. Sia nonom lon ewe Kot mi let pwal lon Nöün we Jesus Kraist. I ewe Kot mi let me ewe manau esemüch.

1. Johannes 5:5

Iö a tongeni akufu fanüfan? Ewe chök aramas mi lükü pwe Jesus i Nöün Kot.

2. Johannes 1:7

Chomong chon atuputup ra fetalfeil won unusen fanüfan, ir aramas resap pwärätä pwe Jesus Kraist a feito o wiliti aramas. Ei sokun aramas eman chon atuputup me ewe pölüen Kraist.

Pwärätä 2:18

“Kopwe makkei ngeni ewe chon künöön ewe mwichefel lon Tiatira: Iei alon ewe Nöün Kot, mesan ra wewe ngeni pulopulen ekkei, pachapachan ra meriweriw usun piras mi amis.