Nöün Paulus Toropwe ngeni ekewe Souläng lon Rom 1:1 - Chuukese Bible

¹ Ngang Paulus, eman chon angangen Kraist Jesus, üa kö pwe üpwe eman soukünö mi imwüla fän iten ai üpwe arongafeili än Kot we Pworausen Manau.

Nöün Paulus Toropwe ngeni ekewe Souläng lon Rom 1:1 Iomraidhean Croise

1. Kronika 23:13

Nöün Amram kewe mwän: Aaron me Moses. Iwe, Aaron me mwirimwirin kewe ra imwüla tori feilfeilachök, pwe repwe wisen tümwünü ekewe pisek mi unusen pin, repwe keni apach mi pwokus lupwen ar fel ngeni ewe Samol mi Lapalap, repwe pwal angang ngeni o afeiöchü ekewe aramas fän itan tori feilfeilachök.

Aisea 49:1

Oupwe aüselingaei, ämi kewe fanüen lematau, oupwe rongorong, ämi chon ekewe mwü mi nom toau. Ewe Samol mi Lapalap a filiei seni lon letipen inei o ngeniei itei, lupwen üa uputiu.

Jeremaia 1:5

“Üa sileek me mwen kosamwo fis me lon letipen inom, nge me mwen om kosamwo uputiu üa filuk. Üa awisok pwe kopwe eman soufos ngeni chon ekewe mwü.”

Markus 1:14

Iwe, mürin an Johannes tolong lon imwen fötek, Jesus a feila Kalilea o arongafeili ewe Pworausen Manau seni Kot.

Johannes 12:26

Iö a mochen angang ngeniei epwe tapweto müri, pun ia ngang üpwe nom ie, ikenan nei chon angang epwe pwal nom ie. Iwe, Semei epwe asamolu chokewe mi angang ngeniei.

Johannes 15:15

Üsap chüen aita ngenikemi nei chon angang, pun eman chon angang esap silei mine an samol a föri. Nge üa aita ngenikemi chiechiei, pun üa asile ngenikemi meinisin mine üa rongorong me ren Semei.

Johannes 15:20

Oupwe chechemeni pwe üa ürenikemi, ‘Esap wor eman chon angang a lap seni an masta.’ Are ra ariaföüüei, repwe pwal ariaföüükemi. Are ra aleasochisi ai kewe kapas, repwe pwal aleasochisi ämi kewe kapas.

Föför 13:9

Mürin Saul mi pwal iteni Paulus a uren Ngünmifel, a newenewen ngeni Elimas

Föför 20:24

Nge manauei esap aüchea ngeniei. Üa chök mochen awesala ai kitir o awesöchüela ewe angang ach Samol Jesus a ngeniei pwe üpwe föri. Iei ewe angang ai üpwe pwärätä ewe Pworausen Manau usun ewe ümöümöchün Kot.

Föför 21:40

Mürin ewe sounemenem a mwüt ngeni. Iei mine Paulus a ütä won ewe latö o a änipö ngeni ekewe aramas, pwe repwe fanafanala. Iwe, lupwen ra fanafanala, Paulus a popuetä le kapas ngeniir lon fosun Ipru:

Föför 22:21

Iwe, ach Samol a üreniei, ‘Kopwe feila, pun ngang üpwe tinukela won ekewe fanü toau ren ekewe chon lükün Israel.’”

Föför 22:7

Üa turutiu lepwül o üa rong eu möngüngü a üreniei, ‘Saul, Saul, pwota ka ariaföüüei?’

Föför 26:1

Iwe, Akripa a üreni Paulus, “Äm aia mwütätä ngonuk pwe kopwe pwärätä fän itom.” Iei mine Paulus a aitiewu pöün, a popuetä le püsin peni i o üra,

Föför 26:14

Iwe, äm meinisin aia turutiu lepwül, nge ngang üa rong eu möngüngü mi kapas ngeniei lon fosun Ipru, ‘Saul, Saul, pwota ka ariaföüüei? Ka püsin afeiengauok ren om ü ngeniei, usun eman kow a chepeti ewe wok mi nom lepöün ewe chon tümwünü.’

Föför 27:23

Pun lepwin ewe eman nöün Kot chon läng, ewe Kot üa nonom fän nemenian o üa angang ngeni, a feito rei

Föför 9:15

Nge ach Samol a üreni Ananias, “Kopwe feila, pun ei mwän üa filätä pwe epwe angang ngeniei, epwe asilefeili itei ngeni chon lükün Israel, ngeni ekewe king pwal ngeni chon Israel.

Nöün Paulus Toropwe ngeni ekewe Souläng lon Rom 1:16

Üsap säwäsini ewe Pworausen Manau, pun iei ewe manamanen Kot mi tongeni amanaua chokewe meinisin mi lükü, a akom ngeni ekewe chon Juta, nge mürin pwal ngeni ekewe chon lükün Israel.

Nöün Paulus Toropwe ngeni ekewe Souläng lon Rom 1:5

Ren Jesus Kraist, Kot a ngeniei ewe ümöümöch, pwe üpwe wiseni ewe wisen soukünö fän itan, pwe üpwe emweni aramasen ekewe mwü meinisin pwe repwe lükü i o aleasochis ngeni.

Nöün Paulus Toropwe ngeni ekewe Souläng lon Rom 1:9

Kot, ewe eman üa angang ngeni ren unusen letipei ren ai afalafala ewe Pworausen Manau usun Nöün we, i nei chon pwärätä pwe üa fokun chechemenikemi

Nöün Paulus Toropwe ngeni ekewe Souläng lon Rom 11:13

Iwe, iei üpwe kapas ngenikemi chon lükün Israel: Lupwen fansoun üa eman soukünö ngeni ekewe chon lükün Israel, ngang üpwe alapala ai angang.

Nöün Paulus Toropwe ngeni ekewe Souläng lon Rom 15:16

pwe üpwe eman chon angangen Kraist Jesus ai üpwe angang ngeni ekewe chon lükün Israel. Üa angang usun eman souasor lon ai afalafala ewe Pworausen Manau seni Kot, pwe ekewe chon lükün Israel repwe wiliti eu asor mi tiw me ren Kot, a pin ren Ngünmifel.

Nöün Paulus Toropwe ngeni ekewe Souläng lon Rom 15:29

Iwe, üa silei pwe lupwen üpwe torikemi, üpwe uwato remi unusen än Kraist we feiöch.

Nöün Paulus Toropwe ngeni ekewe Souläng lon Rom 16:18

Pun chokewe mi föri ei sokun föför resap angang ngeni Kraist ach Samol, nge ra angang ngeni püsin inisir. Ren ar kapas motoutou me kapas amichimich ra atupu ekewe aramas mi miritimang.

Nöün Paulus Toropwe ngeni ekewe Souläng lon Rom 16:25

Ousipwe mwareiti Kot! I a tongeni anükücharakemi lon ämi lükülük ren ewe Pworausen Manau üa afalafala, ewe pworaus usun Jesus Kraist, pwal ren pwälan ewe monomon mi let a monomonola me lom lon chomong, chomong fansoun.

1. Korint 1:1

Ngang Paulus, ewe mi kö me ren letipen Kot an epwe nöün Kraist Jesus soukünö, pwal pwiich ei Sostenes,

1. Korint 9:1

Ifa usun, sap ngang eman aramas mi ngas? Ifa usun, sap ngang eman soukünö? Üsap fen küna ren mesei ach Samol Jesus? Ifa usun, sap ämi uän ai angang fän iten ach Samol?

2. Korint 1:1

Ngang Paulus, eman nöün Kraist Jesus soukünö ren letipen Kot, pwal pwiich ei Timoty, aia kapong ngeni chon ewe mwichefel lon Korint, pwal ngeni ekewe chon pin meinisin lon unusen ewe fanü Akaia.

2. Korint 11:5

Üa ekieki pwe üsap fokun kuf ren ätekewe oua aita ngeniir “soukünö mi lap”.

2. Korint 11:7

Üa afalafala ngenikemi ewe Pworausen Manau seni Kot, nge ousap möni ngeniei och. Üa püsin atekisonaeitiu, pwe ämi oupwe tekiatä. Ifa usun, üa tipis ren ei?

2. Korint 12:11

Ngang üa föri föförün eman esap mirit, nge ämi oua arianiei, pwe üpwe föri iei usun. Ämi ätekewe oupwe aitöchüei. Inamwo ika ngang üa aücheangau, üsap fokun kis seni nöümi kana “soukünö mi lap”.

2. Korint 2:12

Iwe, lupwen üa tori Troas pwe üpwe afalafala ewe Pworausen Manau usun Kraist, üa küna pwe ach Samol a suki eu asam ngeniei fän iten ewe angang.

2. Korint 4:5

Pun aisap afalafal usun püsin äm, nge aia afalafal usun Jesus Kraist, pwe i Samol, nge aia nöümi chon angang fän iten Kraist.

Kalatia 1:1

Ngang Paulus, eman soukünö, üsap angei wisei seni eman aramas, esap pwal feito seni eman aramas, nge üa angei seni Jesus Kraist me Samach Kot ewe mi amanauasefäli Jesus seni mäla.

Efisos 1:1

Ngang Paulus eman nöün Kraist Jesus soukünö fän letipen Kot, üa kapong ngeni ekewe chon pin lon Efisos mi allükülük lon manauer lon Kraist Jesus:

Efisos 1:13

Pwal ämi oua wiliti nöün Kot aramas lupwen oua rongorong ewe kapasen Kot mi let, iei ewe Pworausen Manau oua küna manau ren. Ämi oua lükü Kraist, nge Kot a pwaunikemi pwe oupwe nöün ren an ngenikemi ewe Ngünmifel, usun i a fen pwonei.

Efisos 4:11

I ewe mi “ngeni aramas lifanger”. A filätä ekoch pwe repwe soukünö, pwal ekoch repwe soufos, pwal ekoch repwe chon asoulängala aramas, nge pwal ekoch repwe soumas me sense.

Tuteronomi 10:8

Lon ewe fansoun ewe Samol mi Lapalap a aimwüela chon ewe ainangen Lefi pwe repwe mwärei än ewe Samol mi Lapalap we pworun pwon. Repwe pwal ü fän mesen ewe Samol mi Lapalap pwe repwe angang ngeni o afeiöchü aramas ngeni itan, usun ra föri tori ikenai.

Filipi 1:1

Äm Paulus me Timoty, äm nöün Kraist kewe chon angang, aia kapong ngeni ekewe chon pin lon Kraist Jesus mi nom lon Filipi, pwal ngeni ekewe soumasen mwichefel me ekewe sounkoa:

Filipi 2:11

nge ir meinisin repwe pwärätä pwe Jesus Kraist i Samol, pwe Kot Sam epwe ling ren.

Kolose 1:1

Ngang Paulus eman nöün Kraist Jesus soukünö ren letipen Kot, pwal pwiich ei Timoty,

Kolose 1:25

Kot a awisaei, pwe üpwe eman chon angang ngeni mwichefel, i ewe mi ngeniei ei angang ai üpwe föri pwe oupwe feiöch ren. Iei ewe angangen arongafeili unusen an we kapas,

1. Tesalonika 2:2

Ämi oua silei pwe aia fen küna riaföü me itengau lon Filipi me mwen äm feito remi lon Tesalonika. Inamwo ika a wor chomong chon ü ngenikem, nge ach Kot a ngenikem pwora pwe aipwe aiti ngenikemi ewe Pworausen Manau mi feito seni i.

1. Tesalonika 2:8

Iwe, pokiten aia fokun tongekemi, aia pwal pwapwa le fang ngenikemi sap chök ewe Pworausen Manau seni Kot, nge pwal püsin manauem, pun aia fokun echenikemi.

1. Tesalonika 2:9

Ämi pwiim kana, oua fokun chechemeni usun äm angang weires. Äm aia angang lerän me lepwin pwe aisap aweiresikemi lupwen aia afalafala ngenikemi ewe Pworausen Manau seni Kot.

1. Timoty 1:1

Ngang Paulus, eman nöün Kraist Jesus soukünö fän än Kot ach we Chon Amanau allük me Kraist Jesus ach apilükülük,

1. Timoty 2:7

Iei popun üa fil pwe üpwe eman soukünö me eman senseen ekewe chon lükün Israel ai üpwe arongafeili ewe kapasen lükülük me let. Ngang üa kapas wenechar, üsap chofona.

2. Timoty 1:11

Kot a awisaei pwe üpwe eman soukünö me sense, pwe üpwe arongafeili ewe Pworausen Manau.

Titus 1:1

Kapong seni ngang Paulus, eman nöün Kot chon angang me eman nöün Jesus Kraist soukünö. Kot a filiei o tinieila, pwe üpwe alisi nöün Kot kewe mi fil lon ar lükülük o emweniir ngeni ar repwe silei ewe let sia kaiö seni ach lamalam.

Ipru 5:4

Esap wor eman a seikätä püsin i an epwe wiseni ewe wisen souasor mi lap. Nge Kot echök a seikätä eman aramas an epwe wiseni ewe wisen souasor mi lap, usun chök mine a fis ngeni Aaron.

Ipru 7:26

Iei usun Jesus ewe Souasor mi Lap a alisikich lon ach osupwang meinisin. I ewe mi pin, esap wor an mwäl ika an tipis. Kot a aimwüela i seni chon tipis o atekiatai seni ekewe läng.

James 1:1

Ngang James, eman nöün Kot me ach Samol Jesus Kraist chon angang, üa kapong ngeni ekewe engol me ruu ainang mi toropasfeil won unusen fanüfan.

1. Petrus 4:17

A tori ewe fansoun pwe Kot epwe popuetä le eäni kapwüng, nge epwe akomwen popuetä won nöün Kot aramas. Iwe, are epwe popuetä rech, epwe ifa usun sopolan chokewe resap aleasochisi ewe Pworausen Manau seni Kot?

2. Petrus 1:1

Ngang Simon Petrus, eman nöün Jesus Kraist chon angang me soukünö, üa kapong ngeni ämi mi angei eu lükülük mi aüchea usun chök äm ren än ach Kot me Chon Amanau Jesus Kraist pwüng.

Jutas 1:1

Ngang Jut, eman chon angang ngeni Jesus Kraist, ngang pwal pwiin James, üa kapong ngeni chokewe mi kö o chen me ren Samach Kot o nom fän tümwünüen Jesus Kraist.

Pwärätä 1:1

Iei ewe kapasen pwärätä seni Jesus Kraist, Kot a ngeni an epwe pwäri ngeni nöün kewe chon angang usun met epwe müttir fis. Kraist a asile ngeni nöün we chon angang Johannes ekei mettoch ren an tinala nöün chon läng ren.

Pwärätä 22:6

Mürin ewe chon läng a üreniei, “Ekei kapas ra let o allükülük. Ewe Samol Kot, ewe Kot mi fang ngeni ekewe soufos Ngünün, a tinala nöün chon läng pwe epwe pwäri ngeni nöün kewe chon angang mine epwe fisikai.”

Pwärätä 22:9

Nge i a üreniei, “Kosap föri iei usun! Ngang eman chiechiom chon angang me chiechien pwiüm kewe soufos, pwal chiechien chokewe meinisin mi aleasochisi ekewe kapas mi mak lon ei puk. Kopwe fel ngeni Kot!”