Pwärätä 9:6 - Chuukese Bible

⁶ Lon fansoun ekei limu maram aramas repwe äneänei ar repwe mäla, nge resap tongeni mäla. Repwe mochen mäla, nge mäla epwe sü seniir.

Pwärätä 9:6 Iomraidhean Croise

2. Samuel 1:9

Mürin, Saul a üreniei, ‘Kopwe feito rei o nieila, pun üa fokun kinas, nge üa chüen manau.’

Aisea 2:19

Ekewe aramas repwe sülong lon pwangen achau pwal lon pwangen fän pwül me mwen än ewe Samol mi Lapalap song me lingen an manaman, lupwen a feito pwe epwe achecha fanüfan.

Jeremaia 8:3

Nge chokewe meinisin mi chüen manau me lein chon ei mwü mi ngau repwe efich mäla lap seni manau me lon ekewe leni ia üa asürela ie. Ngang ewe Samol mi Unusen Manaman üa kapas.”

Osea 10:8

Ekewe lenien fel won ekewe leni tekia mi nom Awen, ewe ia chon Israel ra tipis me ie, repwe tala. Iräfölüföl me pötöwölingau repwe märitä won ar kewe rongen asor. Mürin ekewe aramas repwe üreni ekewe chukutekia, “Oupwe pwölükeemila,” repwe pwal üreni ekewe chukutekison, “Oupwe turutiu wom.”

Lukas 23:30

Mürin repwe kapas ngeni ekewe chuk, ‘Oupwe turutiu wom,’ repwe pwal kapas ngeni ekewe chukutekison, ‘Oupwe pwölükeemila.’

Pwärätä 6:16

Ra kökkö ngeni ekewe chuk me ekewe achau, “Oupwe turutiu wom o aopakem seni mesen ewe eman mi mot won ewe lenien motun king, pwal seni än ewe Lam song.