Pwärätä 9:2 - Chuukese Bible

² Lupwen ewe fü a suki ewe pwang mi alolol, ötüöt a ötütä seni lon, usun ötüötün eu um mi watte. Akkar me enienin asepwäl ra rochola ren ewe ötüöt seni lon ewe pwang mi alolol.

Pwärätä 9:2 Iomraidhean Croise

Keneses 15:17

Nge lupwen akkar a tuputiu, lupwen a kirochola, och ötüötün um me efoch töl mi ngetenget a fetal lefilen ekewe kinikinin fituken man.

Keneses 19:28

Iwe, a netiuei Sotom me Komora me unusen ewe lemol, nge a chök küna och ötün ekkei a ötütä seni ewe fanü, a wewe ngeni ötün eu um mi fokun watte.

Ekistos 19:18

Ewe chuk Sinai a pwölüla ren ötüöt, pun ewe Samol mi Lapalap a feitiu won lon ekkei. Nge ötün a ötütä usun ötün eu lenien um mi watte o unusen ewe chuk a fokun chechech.

Aisea 14:31

Ämi chon Filistia meinisin, oupwe kechü lon asamalapen tittin ämi telinimw, oupwe pupuchör lon telinimwemi fän niuokus. Pun eu mwichen sounfiu a feito seni efeng, nge esap wor eman me leir epwe nisin.”

Taniel 3:6

Nge iö esap chapetiu o fel ngeni, epwe koturulong lon ewe lenien ekkei mi fokun sarara lon ewe chök otun.”

Sowel 2:10

Iwe, fanüfan me läng ra chechech, lupwen ra feito. Akkar me maram ra rochola, nge fü kana resap chüen tin.

Sowel 2:2

Ei rän epwe eu ränin rochopwak me toputop, pwal eu ränin kuchuchu me rochokich. Iwe, eu mwicheichen pwiin lifichimas mi fokun pöchökül epwe pwölüela ekewe chuk usun chök rochokichin pwin. Ei esap fis seni me lomlom, esap pwal fis ren ekewe täppin aramas repwap up lon kan fansoun mwach.

Sowel 2:30

Iwe, üpwe awarato manaman won läng pwal won fanüfan, cha me ekkei, pwal kuchun ötüöt.

Föför 2:19

Üpwe awarato manaman seni läng o föri asisil won fanüfan. Epwe wor cha me ekkei me kuchu mi ötüöt usun ötüötün ekkei.

Pwärätä 14:11

Iwe, ötüötün ewe ekkei mi ariaföüür a ötütä tori feilfeilachök. Lerän me lepwin esap wor ngas fän iten chokewe mi fel ngeni ewe manmwacho me uluulun we, fän iten chokewe meinisin mi eäni asisilen itan.”

Pwärätä 16:10

Mürin ewe alimanün chon läng a ninätiu masouen sepian we won än ewe manmwacho lenien motun king. Iwe, rochokich a pwölüela mwün ewe manmwacho, nge ekewe aramas ra küüwu chönawer pokiten watten ar metek.

Pwärätä 8:12

Mürin ewe afömanün chon läng a ettiki nöün rappwa. Iwe, eu leülüngatin ewe akkar a rochola, pwal eu leülüngatin ewe maram me eu leülüngatin ekewe fü, pwe eu leülüngatir resap chüen saram. Lerän esap wor saram lon ükükün rüanü awa, lepwin esap pwal wor saram lon ükükün rüanü awa.

Pwärätä 9:1

Mürin ewe alimanün chon läng a ettiki nöün rappwa. Iwe, üa küna eföü fü a turutiu won fanüfan o a angei kien ewe pwang mi alolol lon fanüfan.

Pwärätä 9:11

Iwe, a wor eman nöür king mi nemeniir, i ewe chon läng mi nemeni ewe leni mi alolol. Itan lon kapasen Ipru Apaton, nge itan lon kapasen Krik Apolion (wewen “Ewe chon Kata”).

Pwärätä 9:17

Iwe, lon künaei we üa küna ekewe oris me ekewe chon wawa, a iei usur: a wor chechen leupwer mi parapar usun ekkei, a arauarau usun ewe fau aüchea itan safaia, a pwal oleol usun primston, nge mökürer ra wewe ngeni möküren laion. Iwe, seni lon awer a towu ekkei, ötüöt me primston.