Pwärätä 9:11 - Chuukese Bible

¹¹ Iwe, a wor eman nöür king mi nemeniir, i ewe chon läng mi nemeni ewe leni mi alolol. Itan lon kapasen Ipru Apaton, nge itan lon kapasen Krik Apolion (wewen “Ewe chon Kata”).

Pwärätä 9:11 Iomraidhean Croise

Hiop 26:6

Ewe lenien sotup a pwäla me fän mesen Kot, ewe leni mi alolol esap wor pwölüpwölün.

Hiop 28:22

Ewe leni mi alolol me mäla ra apasa, ‘Äm aia chök rongorong püngöpüngan.’

Hiop 31:12

a usun chök eu ekkei a külong lon ewe leni mi alolol, epwe kenala meinisin mine ai.

Kölfel 88:11

Ifa usun, repwe apworausa om we tong ellet me lon peias, ika om allükülük me lon ewe leni mi ta?

Än Salomon Fos 15:11

Ewe lenien sotup me ewe leni mi alolol ra pwä me mwen ewe Samol mi Lapalap. Ifa usun, än eman aramas epwe tongeni aopala ekiekin letipan me fän mesen Kot?

Lukas 8:31

Iwe, ekewe anün rochopwak ra tüngor ngeni Jesus, pwe esap asürela lon ewe leni mi fokun alolol.

Johannes 12:31

Iei ewe fansoun pwe fanüfan epwe küna kapwüng, iei ewe fansoun ewe samolun ei fanüfan epwe koturula.

Johannes 14:30

Üsap chüen kapas chomong ngenikemi, pun ewe samolun ei fanüfan epwele war. Esap wor an nemenem woi.

Johannes 16:11

Epwe pwal amefi ngeniir usun apwüng, pun ewe samolun ei fanüfan a fen küna apwüng.

Johannes 5:2

Ünükün ewe Asamalapen Sip lon Jerusalem a wor eu koluk, a iteni Petesta lon kapasen Ipru. Ikenan a wor eu ut mi wor limu refirefin lon.

Johannes 8:44

Ämi nöün sememi, ewe Tefil, ämi oua chök mochen apwönüetä mochenin sememi. I eman chon niela aramas seni lepoputän, esap fokun nom won pekin let, pun esap wor let ren. Lupwen a kapas chofona, a chök fos lon örünian, pun i eman chon chofona me semen chon chofona.

2. Korint 4:4

Ewe koten ei fanüfan a achuna ekiekin letipen chokewe resap lükü, pwe resap tongeni küna saramen ewe Pworausen Manau usun ewe lingen Kraist, i ewe mi lapalapeni lapalapen Kot.

Efisos 2:2

Lon ena fansoun oua manaueni ewe manauen fanüfan mi ngau. Oua aleasochis ngeni ewe mi nemeni ekewe ngününgau mi nom fän läng, ewe ngün mi nemeni ekewe aramas mi aleasolap ngeni Kot iei.

1. Johannes 4:4

Nge ämi nei kana, oua nöün Kot, oua akufu ekewe soufos chofona, pun ewe Ngün mi nom lomi a manaman seni ewe ngün mi nom lon chokewe ra pop seni fanüfan.

1. Johannes 5:19

Sia silei pwe kich sia nöün Kot, inamwo ika unusen fanüfan a nom fän nemenien Ewe mi Ngau.

Pwärätä 12:9

Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.

Pwärätä 16:16

Mürin ekewe ngün ra achufengeni ekewe king lon ewe leni mi iteni lon kapasen Ipru Armaketon.