Pwärätä 9:1 - Chuukese Bible

¹ Mürin ewe alimanün chon läng a ettiki nöün rappwa. Iwe, üa küna eföü fü a turutiu won fanüfan o a angei kien ewe pwang mi alolol lon fanüfan.

Pwärätä 9:1 Iomraidhean Croise

Aisea 14:12

Ka fokun turutiu seni läng, en Fü Rän, Nöün Mallen Rän! Ka turutiu won fanüfan o tatakis lepwül, en ewe mi atekisonätiu mwü me lom.

Lukas 10:18

Nge Jesus a pölüeniir, “Üa küna Satan pwe a turutiu seni läng usun chök fifi.

Lukas 8:31

Iwe, ekewe anün rochopwak ra tüngor ngeni Jesus, pwe esap asürela lon ewe leni mi fokun alolol.

Nöün Paulus Toropwe ngeni ekewe Souläng lon Rom 10:7

“Kosap pwal ais: Iö epwe feitiu lon lenien mäla?” (wewen, iö epwe uweatä Kraist seni mäla).

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.

Pwärätä 1:20

Iei wewen ewe monomonen ekewe füföü fü ka küna me lon pöüifichi, pwal wewen ekewe fisu lenien atittin seni kolt: ekewe füföü fü, ir ekewe chon künöön ekewe fisu mwichefel, nge ekewe fisu lenien atittin, ir ekewe fisu mwichefel.

Pwärätä 11:7

Iwe, lupwen repwe wes le arongafeili ar afalafal, ewe manmwacho mi towu seni lon ewe pwang mi alolol epwe maun ngeniir. Iwe, epwe akufuur o niirela,

Pwärätä 17:8

Ewe manmwacho ka küna a manau me lom, nge iei esap chüen manau, epwele feitä seni lon ewe pwang mi alolol pwe epwe tolong lon feiengauen pöütmwälila. Ekewe aramas mi nom won fanüfan iter esap mak lon ewe puken iten chon manau me mwen än Kot esamwo föri fanüfan, ir meinisin repwe mairü lupwen repwe nenengeni ewe manmwacho, pun a manau me lom o iei esap chüen manau, nge epwe pwal pwäsefäl.

Pwärätä 20:1

Mürin üa küna eman chon läng a feitiu seni läng, nge a amwöchü lepöün efoch kien ewe pwang mi alolol, pwal efoch selimächä mi fokun chou.

Pwärätä 20:10

Mürin ewe Tefil mi atupur a koturulong lon ewe nomun ekkei me primston ia ewe manmwacho me ewe soufos chofona ra fen koturula ie. Iwe, repwe küna riaföü lerän me lepwin tori feilfeilachök.

Pwärätä 6:13

Iwe, ekewe fü ra turutiu won fanüfan usun chök föün ewe irä fiik resamwo nup ra turutiu, lupwen eu asepwäl mi pöchökül a amworeretiu.

Pwärätä 8:10

Mürin ewe aülümanün chon läng a ettiki nöün rappwa. Iwe, eföü fü mi watte a ngetenget usun efoch töl a turutiu seni läng o turutiu won eu leülüngatin ekewe chanpupu me ekewe puächen koluk.

Pwärätä 8:12

Mürin ewe afömanün chon läng a ettiki nöün rappwa. Iwe, eu leülüngatin ewe akkar a rochola, pwal eu leülüngatin ewe maram me eu leülüngatin ekewe fü, pwe eu leülüngatir resap chüen saram. Lerän esap wor saram lon ükükün rüanü awa, lepwin esap pwal wor saram lon ükükün rüanü awa.

Pwärätä 8:2

Mürin üa küna ekewe füman chon läng mi ütä mwen mesen Kot, pwe ra angei füfoch rappwa.

Pwärätä 9:2

Lupwen ewe fü a suki ewe pwang mi alolol, ötüöt a ötütä seni lon, usun ötüötün eu um mi watte. Akkar me enienin asepwäl ra rochola ren ewe ötüöt seni lon ewe pwang mi alolol.