Pwärätä 8:5 - Chuukese Bible

⁵ Mürin ewe chon läng a angei ewe sepi fän iten apach mi pwokus, a amasoua ren ekewe molien ekkei mi nom won ewe rongen asor o a monetiu won fanüfan. Iwe, a fis ngüngü, chopun chopulap, fifi me chechechin fanü.

Pwärätä 8:5 Iomraidhean Croise

1. King 19:11

Iwe, ewe Samol mi Lapalap a üreni, “Kopwe towu o ütä won ei chuk me mwei, pun ngang ewe Samol mi Lapalap üpwe le feila senuk.” Mürin, eu watten asepwäl mi fokun pöchökül a asönü ekewe chuk o amökkükisietiu ekewe achau me fän mesen ewe Samol mi Lapalap, nge ewe Samol mi Lapalap esap nom lon ewe asepwäl. Mürin ewe asepwäl a fis och chechechin fanü, nge ewe Samol mi Lapalap esap nom lon ewe chech.

Kölfel 18:13

Ewe Samol mi Lapalap a pwal apüngü chopulap lon läng, Ewe mi Unusen Tekia a aronga mwelian.

Ekistos 19:16

Nge lesosorun ewe aülüngatin rän a fis chopulap me fifi. A wor eu kuchuchol won ewe chuk, a pwal tik eu rappwa mi tikimong. Iwe, ekewe aramas mi nom lon ewe leni ra chechech ren ar niuokus.

Aisea 29:6

pwe ewe Samol mi Unusen Manaman epwe feito o afeiengaueer ren chopulap me chechechin fanü me akürang watte, ren ewiniär me mölümöl, pwal ren ekkei mi ngetenget.

Aisea 30:30

Nge ewe Samol mi Lapalap epwe föri pwe aramas repwe rongorong mwelian mi osomong, epwe pwal aküna ngeniir pöün mi feitiu wor fän an song mi watte. Epwe wor ekkei mi ngetenget, pwal üttomong me mölümöl me ütten fau.

Aisea 66:6

Oupwe aüseling! Mi wor akürang me lon ewe telinimw, pwal miiniinin mwelien eman seni lon ewe imwenfel. Iei mwelien ewe Samol mi lapalap a ngeni chon oputa liwinin ar föföringau.

Jeremaia 51:11

Ewe Samol mi Lapalap a äpwächa ekewe kingen Metia, pun a ekiekietä pwe epwe ataela Papilon. Iei usun ewe Samol mi Lapalap epwe ngeniir chappen ar ataela imwan imwenfel. Oupwe seimi nöümi föün esefich o amolätä ämi kewe tittin maun.

Lifitikos 16:12

Mürin epwe angei eu sepien asoren ötüöt mi masou ren molien ekkei seni ewe rongen asor mi nom fän mesen ewe Samol mi Lapalap. Epwe pwal angei ruukumuch apach mi pwokus o kinikisitiu. Iwe, epwe uwala ekei mettoch pekilan ewe cheech lon ewe leni mi unusen pin

Sekaraia 14:5

Nge ämi oupwe aleni ewe lemol le sü, pun ewe lemol mi fis lefilen ekewe chuk a tori Asel. Ewer, ämi oupwe sü usun ämi kewe lewo ra sü ren ewe chechechin fanü mi fis lon mwün Usia ewe kingen Juta. Mürin, ewe Samol mi Lapalap ai we Kot epwe feito, nge ekewe chon pin meinisin repwe eti.

Mateus 24:7

Fanü me fanü repwe fiufengen o mwü me mwü repwe maunfengen. Epwe wor lengita me chechechin fanü ekis meinisin.

Lukas 12:49

“Ngang üa feito pwe üpwe soni ekkei won fanüfan o üa äneän pwe epwe fen nget.

Föför 16:26

Iwe, a müttir fis eu chechen fanü mi fokun watte, pwe ewe imwen fötek tori longolongun a mwökütüküt. Lon ewe chök otun ekewe asamalap meinisin ra sukula, nge ekewe selimächä mi föfö ngeni ekewe chon fötek ra pichila.

Föför 4:31

Iwe, lupwen ra wes le iotek ewe leni ia ra mwichfengen ie a mwökütüküt. Ir meinisin ra urela ren Ngünmifel o ra popuetä le asilefeili än Kot kapas fän pwora.

Pwärätä 11:13

Lon ewe chök otun a wor eu chechechin fanü mi pöchökül o eu leengolun ewe telinimw a tala. Iwe, fisungeröü aramas ra mäla ren, nge ekewe lusun aramas mi chüen manau ra fokun rükö o mwareiti manamanen ewe Kot mi nom läng.

Pwärätä 11:19

Mürin än Kot we imwenfel lon läng a sukula, o a pwä ewe pworofel mi nom ikenan. Iwe, a fis fifin inefi, ngüngü me chopun chopulap, pwal chechechin fanü me üten fau mi püngüchou.

Pwärätä 4:5

Seni ewe lenien motun king a towu inefi, ngüngü me chopun chopulap. Me mwen ewe lenien motun king a wor füfoch töl mi tin, ir ekewe füman Ngünün Kot.

Pwärätä 6:12

Iwe, üa nenengeni pwe ewe Lam a ülei ewe awonuen pwau. A fis eu chechechin fanü mi fokun lapalap. Akkar a fokun rochola usun chök mangaku mi chol seni tuk, nge ewe maram a fokun parala usun chök paren cha.

Pwärätä 8:3

Iwe, pwal eman chon läng mi amwöchü eu sepi seni kolt fän iten apach mi pwokus a feito o a ütä ren ewe rongen asor. A angei chomong apach mi pwokus, pwe epwe achu ngeni än ekewe chon pin iotek pwe epwe eäni asor won ewe rongen asor seni kolt mi nom mwen ewe lenien motun king.