Pwärätä 8:11 - Chuukese Bible

¹¹ Iten ewe fü “Maras”. Iwe, eu leülüngatin ekewe koluk ra maras, nge chomong aramas ra mäla ren ar ün ewe koluk, pun a maras.

Pwärätä 8:11 Iomraidhean Croise

Ekistos 15:23

Nge lupwen ra tori Mara, resap tongeni ün kolukun Mara, pun a maras. Iei mine ewe leni a iteni Mara .

Än Salomon Fos 5:4

nge sopolan a kipwin usun chök kipwinin ewe irä maras, a pwal wor ekinasean usun chök ekinasaen efoch ketilas mi seisei me ruepek.

Jeremaia 23:15

Iei mine ngang ewe Samol mi Unusen Manaman üa apasa fänäsengesin ekewe soufosun Jerusalem: Üpwe amongö ngeniir mongö mi maras o aünü ngeniir koluk mi poison, pun ra achöfetalei ar föförün tipis lemenen unusen ewe fanü.”

Jeremaia 9:15

Iei mine oupwe aüselinga met ngang ewe Samol mi Unusen Manaman ewe Koten Israel üa apasa: Üpwe amongöü ngeni nei aramas mongö mi maras o aünü ngeniir koluk mi poison.

Kölün kechü 3:19

Üa chechemeni ai riaföü me ai siamü, iei och mi maras o kipwin ngeniei.

Kölün kechü 3:5

A senätä o apwelifeili ünüki weires me riaföü.

Amos 5:7

Feiengauen chokewe mi sorei mine a pwüngüöch o purätiu mine a pwüng.

Amos 6:12

Ifa usun, oris ra sä won achau? Ifa usun, eman a tuw won achau ren ätemwänin kow? Nge ämi oua sorei pwüngüöch ngeni poison, nge pwüng oua sorei ngeni pwüngingau.

Sekaraia 13:8

Lon unusen ewe fanü ruu leülüngatin aramas repwe mäla, nge eu leülüngatin repwe manau.

Sekaraia 13:9

Nge ewe eu leulüngatin mi chüen manau üpwe atolongeer lon ewe ekkeiin riaföü, pwe üpwe limetiir usun eman a limeti silifer lon ekkei, üpwe sotuniir usun eman a sotuni kolt won ekkei. Mürin repwe kökköri itei, nge ngang üpwe pälüeniir. Üpwe apasa, ‘Ämi nei aramas,’ nge ir repwe apasa, ‘Ewe Samol mi Lapalap i ach we Kot.’”

Tuteronomi 29:18

Oupwe afälikemi pwe esap wor me leimi eman mwän ika fefin, eu famili ika eu ainang ikenai epwe tokola seni ewe Samol mi Lapalap ach we Kot, pwe epwe feila o fel ngeni koten ekewe mwü. Pun ika eman epwe föri iei usun, epwe usun chök waaren efoch irä pwennan a märitä o uani ua mi poison me maras,

Ipru 12:15

Oupwe tümwünüfichikemi pwe esap wor eman leimi epwe kul seni än Kot ümöümöch. Esap pwal wor eman epwe usun chök efoch irä maras mi märitä o afisätä chomong fitikoko, pwe chomong repwe limengau ren.

Pwärätä 12:4

Ren wükün we a amwökütü eu leülüngatin ekewe fü seni lon läng o atururetiu won fanüfan. Iwe, ewe trakon a üta me mwen ewe fefin, pwe epwe ochei nöün we lon ewe chök otun a nöünätiu.

Pwärätä 8:7

Iwe, lupwen ewe aemanün a ettiki nöün rappwa, üten fau me ekkei mi nofitfengen me cha ra turutiu won fanüfan. Eu leülüngatin fanüfan a karala, pwal eu leülüngatin irä me ekewe fetil meinisin.

Pwärätä 9:15

Iei usun ekewe föman chon läng ra pichila, pun ra fen molotä fän iten ei chök awa, ei chök rän, ei chök maram pwal ei chök ier, pwe repwe niela eu leülüngatin chon fanüfan meinisin.

Pwärätä 9:18

Iwe, eu leülüngatin chon fanüfan ra mäla ren ekei ülüngat feiengau: ewe ekkei, ewe ötüöt me ewe primston mi towu seni awen ekewe oris.

Rut 1:20

Iwe, a üreniir, “Ousap aita ngeniei Naomi , nge oupwe aita ngeniei Mara , pun Ewe mi Unusen Manaman a amarasa letipei.