Pwärätä 7:3 - Chuukese Bible

³ A apasa, “Ousap afeiengaua fanüfan, ewe matau ika ekewe irä, tori aipwe pwauni won chamwen ekewe chon angang ngeni ach we Kot.”

Pwärätä 7:3 Iomraidhean Croise

Ekistos 12:13

Ewe cha epwe eu asisilen imwemi, pun lupwen üpwe küna ewe cha, üpwe lus me womi. Esap wor feiengau epwe kükemi, lupwen üpwe afeiengaua ekewe chon Isip.

Ekistos 12:23

Pun ewe Samol mi Lapalap epwe fetalfeil lon ewe fanü pwe epwe niela chon Isip. Nge lupwen epwe küna ewe cha won penkasamen imwemi lepekin me ruepek pwal asan, epwe lus me won imwemi. Iwe, esap mwüt ngeni ewe chon ninni epwe tolong lon imwemi o niikemi.

Aisea 27:8

Ewe Samol mi Lapalap a apwüngü nöün aramas ren an mwüt ngeniir pwe repwe oola. A asürela ren an asepwäl mi pöchökül a enito seni ötiu.

Aisea 54:17

Nge esap wor och pisekin maun epwe tongeni afeiengauok. Iwe, kopwe tongeni pälüeni chokewe meinisin mi atipisuk lon kapwüng. Iei feiöchün nei kewe chon angang me rei, iei usun üa awineer.” Ewe Samol mi Lapalap a kapas.

Aisea 6:13

Iwe, are eu leengol seni ekewe aramas repwe nomotiu, pwal ir repwe küna feiengau. Chon Israel repwe usun chök efoch irä ook a pöküpök, nge popun chök a nom. Iwe, ekewe mwirimwirin chon Israel mi pin, ir ewe popun.

Aisea 65:8

Iei alon ewe Samol mi Lapalap, “Usun a chüen wor chönün wain lon ekoch kewe föün lon ewe umwun wain mi mürina, nge aramas ra apasa, ‘Kosap pöütirela meinisin, pun a chüen wor feiöch lor’, iei usun üsap pwal arosala nei aramas meinisin pokiten nei kewe chon angang.

Isikiel 9:4

“Kopwe fetalfeil lon unusen ewe telinimw Jerusalem o asisila won chamwen chokewe mi letipeta o kechü ren ekewe föför mi anioput ra fis lon.

Isikiel 9:6

Oupwe fokun niela chinlap mwän me alüal me föpwül, pwal semirit me fefin, nge ousap atapa chokewe mi eäni ewe asisil. Iwe, oupwe popuetä me lon leniei mi pin.” Iei mine ra popuetä le niela ekewe souakom ra nom lükün ewe imwenfel.

Taniel 3:17

Nge are epwe fis ngenikem pwe aipwe koturulong lon ewe lenien ekkei mi fokun sarara, äm we Kot aia angang ngeni epwe tongeni amanauakem seni. Ewer, i epwe angasakem seni lepoum en äm king.

Taniel 3:26

Mürin, Nepukatnesar a feila ren asamen ewe lenien ekkei mi fokun sarara o kökkö, “Satrak, Mesak me Apetneko, ämi chon angang ngeni ewe Kot mi Fokun Tekia, oupwe towu o feito rei.” Iwe, ra towu seni lon ewe ekkei.

Taniel 6:16

Iwe, ewe king a apasa pwe repwe emwenato Taniel o aturalong lon ewe pwangen laion. Nge ewe king a üreni Taniel, “Amwo om we Kot ka likitü le angang ngeni epwe amanauok.”

Sefanaia 2:3

Oupwe kütta ewe Samol mi Lapalap, ämi meinisin mi tipetekison me lon ewe fanü, ämi mi aleasochis ngeni an kewe allük. Oupwe föri mine a pwüng o atekisonakemi. Eli oua tongeni sü seni ewe apwüng lon ränin än ewe Samol mi Lapalap lingeringer.

Malakai 3:18

Mürin, oupwe tongeni alefilasefäli lefilen eman chon pwüng me eman aramasangau, lefilen ätewe mi angang ngeni Kot me ätewe esap angang ngeni.”

Mateus 24:22

Are Kot esap amochomochala ekewe rän, esap wor eman aramas epwe manau. Nge pokiten chokewe a filiiretä a amochomochala ekewe fansoun riaföü.

Mateus 24:31

Iwe, epwe tinala nöün kewe chon läng fän tikin rappwa mi leüömong, pwe repwe amwichafengeni afilian kana seni lepelien fanüfan me rüanü, seni esopun läng tori esopun.

Johannes 12:26

Iö a mochen angang ngeniei epwe tapweto müri, pun ia ngang üpwe nom ie, ikenan nei chon angang epwe pwal nom ie. Iwe, Semei epwe asamolu chokewe mi angang ngeniei.

Johannes 3:33

Nge are eman epwe etiwa an kapas, a aletätä pwe Kot a let.

Nöün Paulus Toropwe ngeni ekewe Souläng lon Rom 6:22

Nge iei oua ngas seni fän nemenien tipis o oua chon angang ngeni Kot. Feiöchümi pwe oua angei eu manau mi pin, nge sopolan ewe manau esemüch.

Pwärätä 13:16

Ewe manmwacho a pöchökül ngeni aramas meinisin, ngeni ekewe aramas lap me ekewe aramas kis, ekewe chon pisekisek me ekewe chon wöüngau, ekewe chon ngas me ekewe amanau pwe repwe eäni eu asisil won pöüifichiir ika won chamwer.

Pwärätä 13:17

Esap wor eman a tongeni kamö och ika amömö are esap eäni ei asisil. Ei asisil iei iten ewe manmwacho ika ewe nampa fän iten itan we.

Pwärätä 14:1

Mürin üa nenengeni o üa küna ewe Lam a ütä won ewe Chuk Sion, nge üa pwal küna ipükü faik me rüanüngeröü aramas ra nom ren, ir chokewe a mak itan me iten Saman won chamwer.

Pwärätä 14:9

Ewe aülümanün chon läng a tapweto me mürin ewe aemanün me aruomanün o a apasa ren mwelian mi leüömong, “Iö a fel ngeni ewe manmwacho me uluulun we o eäni ewe asisil won chamwan ika won pöün

Pwärätä 19:2

An kewe kapwüng ra let o pwüng! A apwüngü ewe fin lisowu mi iteföüla, a angauala chon fanüfan ren an föförün lisowu. Kot a ngeni chappen an föför, pun a niela nöün kewe chon angang.”

Pwärätä 20:4

Mürin üa küna ekoch lenien motun king, nge chokewe mi mot wor ra angei ewe pöchökül pwe repwe tongeni eäni kapwüng. Üa pwal küna ngünün chokewe mi ninnila pokiten ar arongafeili ewe let Jesus a pwärätä me än Kot kapas. Ir chokewe resap fel ngeni ewe manmwacho ika uluulun we, resap pwal angei asisilen ewe manmwacho won chamwer ika won pöür. Ra manausefäl o eti Jesus le nemenem lon ükükün engeröü ier.

Pwärätä 22:4

Repwe küna won mesen Kot, nge itan epwe mak won chamwer.

Pwärätä 6:6

Iwe, üa rongorong och mi wewe ngeni eu möngüngü mi feito seni lein ekewe föman mönümanau a apasa, “Liwinin ruu paun pilawa mi amas seni föün wiich iei ükükün peiofen eman chon angang lon eu rän, pwal liwinin wonu paun pilawa mi amas seni föün parli iei ükükün peiofen eman chon angang lon eu rän. Nge kosap afeiengaua ekewe irä olif me ekewe irän wain!”

Pwärätä 7:1

Mürin ei, üa küna föman chon läng ra ütä le pwokukun fanüfan me rüanü, o ra amwöchü ekewe rüanü asepwäl, pwe esap chüen wor asepwäl a enien won fanüfan, ika won matau, ika won efoch irä.

Pwärätä 7:2

Mürin üa küna pwal eman chon läng, a feitä seni ötiu o a uwei ewe pwau än ewe Kot mi manau. Iwe, a kökköwu ren mwelian mi leüömong ngeni ekewe föman chon läng, chokewe Kot a ngeniir manaman, pwe repwe afeiengaua fanüfan me matau.

Pwärätä 9:4

Iwe, Kot a allük ngeniir pwe resap afeiengaua ekewe fetil ika ekewe petewöl ika ekewe irä, nge repwe chök afeiengaua ekewe aramas resap eäni än Kot we pwau won chamwer.