Pwärätä 7:2 - Chuukese Bible

² Mürin üa küna pwal eman chon läng, a feitä seni ötiu o a uwei ewe pwau än ewe Kot mi manau. Iwe, a kökköwu ren mwelian mi leüömong ngeni ekewe föman chon läng, chokewe Kot a ngeniir manaman, pwe repwe afeiengaua fanüfan me matau.

Pwärätä 7:2 Iomraidhean Croise

2. King 19:4

Eli ewe Samol mi Lapalap om we Kot a rong alon ewe meilapen sounfiu, ätewe an samol ewe kingen Asiria a tinato pwe epwe turunufasei ewe Kot mi manau. Ewe Samol mi Lapalap om we Kot epwe apwüngü ren an kewe kapas a apasa. Iei mine kopwe iotek fän iten chokewe mi chüen manau.”

Än Salomon Köl 8:6

Kopwe pwauni lelukom fän itei, kosap romi eman me lüki. Pun tong a pöchökül usun mäla, nge lukomong a afeiengau usun ewe lenien sotup. Tong a chök kükkü, nge ngetengetan a fokun sarara.

Aisea 41:2

Iö a apwökü ewe aramas seni ötiu, ätewe mi win ekis meinisin? Iö a mwütätä pwe epwe akufu ekewe mwü o puri ekewe king fän pechen. Iwe, nöün ketilas epwe atatakisiir pwe repwe usun chök pwül moromor, nge an likapich epwe ässirela usun asepwäl a ässala chöpwasapwas.

Isikiel 9:4

“Kopwe fetalfeil lon unusen ewe telinimw Jerusalem o asisila won chamwen chokewe mi letipeta o kechü ren ekewe föför mi anioput ra fis lon.

Malakai 3:1

Iwe, ewe Samol mi Unusen Manaman a pälüeni, “Nengeni, üpwe tinala nei chon künö pwe epwe amolätä efoch al fän itei. Mürin, ewe Samol mi Lapalap, ewe oua kütta, epwe müttir feito lon imwan imwenfel. Nengeni, epwe feito ewe chon künön ewe pwon, ätewe oua pwapwaiti.”

Malakai 4:2

Nge usun akkar a asarama fanü, iei usun pwüng epwe uwato manau ngenikemi mi aleasochisiei. Ämi oupwe towu o mwetemwet usun chök ekewe nienifön kow ra mwetemwet lupwen ra towu seni lenier.

Mateus 16:16

Simon Petrus a pölüeni, “En Kraist ewe Nöün Kot mi manau.”

Mateus 26:63

Nge Jesus a chök fanafanala. Iwe, ewe Souasor mi Lap a pwal apasa ngeni Jesus, “Kopwe pwon fän akapel iten ewe Kot mi manau o ürenikem ika en ewe Kraist, Nöün Kot.”

Johannes 6:27

Ousap angang fän iten mongö mi tongeni ngauala, nge oupwe angang fän iten mongö mi nonomola tori manau esemüch. Iei ewe mongö Nöün Aramas epwe ngenikemi, pun Kot ewe Sam a fen anomu won asisilen an tipeeu ngeni.”

2. Korint 1:22

o pwaunikich pwe sipwe nöün. A fangelong lon lelukach Ngünün pwe allükülükün mettoch meinisin mine a molotä fän itach.

Efisos 1:13

Pwal ämi oua wiliti nöün Kot aramas lupwen oua rongorong ewe kapasen Kot mi let, iei ewe Pworausen Manau oua küna manau ren. Ämi oua lükü Kraist, nge Kot a pwaunikemi pwe oupwe nöün ren an ngenikemi ewe Ngünmifel, usun i a fen pwonei.

Efisos 4:30

Ousap achouala Ngünmifel, ewe Ngünün Kot, oua pwau ren tori ewe ränin än Kot epwe angasakemi.

Tuteronomi 5:26

Pun ifa usun, mi wor eman aramas me lein aramas meinisin a rongorong mwelien ewe Kot mi manau, a fosewu seni lukalapen ekkei usun kich sa rongorong, nge a chüen manau?

1. Tesalonika 1:9

Ekei aramas meinisin ra kapas usun ämi etiwakem lupwen aia churikemi, pwal usun ämi kul ngeni Kot o kul seni ekewe uluulun anümwäl, pwe oupwe angang ngeni ewe Kot mi manau o wesewesen Kot,

2. Timoty 2:19

Nge ewe longolong mi nükünük Kot a anomu esap tongeni mwökütüküt. A mak won ei longolong ekei kapas: “Ach Samol a silei chokewe ir nöün,” a pwal mak “Iö a apasa pwe i nöün ach Samol epwe fokun kul seni föföringau.”

Ipru 12:22

Nge ämi oua feito ngeni ewe Chuk Sion, pwal ngeni ewe telinimwen ewe Kot mi manau, ewe Jerusalem mi nom läng fiti ngeröün chon läng.

Pwärätä 1:3

A feiöch eman mi aleani ei puk, ra pwal feiöch chokewe mi rongorong ngeni ekei kapasen pwärätä o aleasochis ngeni mine a mak lon. Pun ewe fansoun a arap än ekei mettoch meinisin repwe fisitä.

Pwärätä 10:1

Mürin üa küna pwal eman chon läng mi pöchökül, a feitiu seni läng. A pwölüpwölüla ren eu kuchu o eu resim a pwäli won möküran. Won mesan a usun chök akkar, nge pechen kana ra usun chök üreekkei.

Pwärätä 10:4

Lupwen ekewe fisu chopulap ra kapas, üa mochen makkei met ra apasa. Nge üa rongorong mwelien eman mi kapas seni läng, “Kopwe amonomonala mine ekewe fisu chopulap ra apasa. Kosap makkeetiu!”

Pwärätä 16:12

Mürin ewe awonomanün chon läng a ninätiu masouen sepian we lon ewe chanpupu Oifrat mi fokun watte. Iwe, ewe kolukun lon a pwasetä, pwe epwe fis efoch al fän iten ekewe king repwe feito seni ötiu.

Pwärätä 5:2

Mürin üa küna eman chon läng mi pöchökül a kökkö ren mwelian mi leüömong, “Iö a fich ngeni an epwe ülei ekewe pwau o suki ewe toropwe?”

Pwärätä 8:3

Iwe, pwal eman chon läng mi amwöchü eu sepi seni kolt fän iten apach mi pwokus a feito o a ütä ren ewe rongen asor. A angei chomong apach mi pwokus, pwe epwe achu ngeni än ekewe chon pin iotek pwe epwe eäni asor won ewe rongen asor seni kolt mi nom mwen ewe lenien motun king.

Pwärätä 9:14

Ewe möngüngü a apasa ngeni ewe awonomanün chon läng mi wor an rappwa, “Kopwe apichala ekewe föman chon läng mi fötek arun ewe chanpupu mi watte Oifrat.”

Pwärätä 9:4

Iwe, Kot a allük ngeniir pwe resap afeiengaua ekewe fetil ika ekewe petewöl ika ekewe irä, nge repwe chök afeiengaua ekewe aramas resap eäni än Kot we pwau won chamwer.

1. Samuel 17:26

Tafit a aisini ekewe mwän mi nom ünükün, “Met epwe fis ngeni ewe mwän mi niela ei re Filistia o uwei seni Israel ewe itengau? Pun iö ei re Filistia esap sirkomsais, pwe epwe apälüa ewe mwichen sounfiu nöün ewe Kot mi manau?”

1. Samuel 17:36

Ngang noum ei chon angang üa fen kakawet laion me pear. Iwe, ei re Filistia esap sirkomsais epwe usun chök ekewe manmwacho, pun a apälüa ewe mwichen sounfiu nöün ewe Kot mi manau.