Pwärätä 7:16 - Chuukese Bible

¹⁶ Resap chüen echik ika kaka, akkar esap chüen pwichitiir, nge och pwichikar esap toriir.

Pwärätä 7:16 Iomraidhean Croise

Kölfel 121:5

Ewe Samol mi Lapalap epwe tümwünuk, i epwe annüruk o nom pelifichum.

Kölfel 121:6

Akkar esap afeiengauok lerän, nge maram esap afeiengauok lepwin.

Kölfel 143:6

Üa aitietä pei lon ai iotek ngonuk, ngüni a kakaituk usun eu fanü mi pwasapwas a kakaiti üt.

Kölfel 42:2

Üa fokun posituk, en ai Kot mi manau. Inet üpwe tongeni feila o nenengeni mesom?

Kölfel 63:1

Ai Kot, en ai Kot üa tiliken le küttok. Inisi a apwangapwangala ren ai posituk, nge ngüni a kakaituk usun eu fanü mi pwasapwas o pön, esap wor koluk lon.

Än Salomon Köl 1:6

Ousap nenengeniei, pun ngang üa liechochol pokiten akkar a acholaei. Iwe, nöün inei kewe mwän ra song ngeniei. Ra awisaei pwe üpwe tümwünü ekewe tanipin wain, nge püsin tanipii üsap tümwünü.

Aisea 25:4

Pun en eu lenien pöchökül fän iten chon osupwang me chon mwelele lon ar riaföü. En eu lenien op lupwen fansoun mölümöl, pwal eu lenien nür lupwen fansoun pwichikar. Iwe, än ekewe aramas mi mwänewüs angangen afeiengau a usun eu mölümöl a mölümöliti eu tit,

Aisea 32:2

Iwe, iteiten eman me eman leir epwe usun chök eu lenien chuno seni asepwäl, pwal usun chök eu lenien op lupwen fansoun mölümöl. Repwe usun chök chanpupu lon eu leni mi pwasapwas, pwal usun chök nürün eu achau mi watte lon fanüapö.

Aisea 41:17

Iwe, lupwen chon wöüngau me osupwang ra kütta koluk, nge resap küna, lupwen ra kaka pwe chönawer a pwasapwas, ngang ewe Samol mi Lapalap üpwe pälüeni ar iotek o alisiir. Ngang ewe Koten Israel üsap likitirela.

Aisea 49:10

Resap echik are kaka, nge pwichikaren lon fanüapö me akkar resap pwichitiir, pun ätewe mi tongeer epwe emwenirela ngeni puächen koluk.

Aisea 65:13

Iei mine ewe Samol mi Lapalap a apasa, “Nei chon angang repwe mongö o ün, nge ämi oupwe echik o kaka. Nei chon angang repwe pwapwa, nge ämi oupwe säw.

Sona 4:8

Nge lupwen akkar a tötä, Kot a tinato och asepwäl mi pwichikar seni ötiu. Iwe, akkar a pwichiti möküren Sona pwe a fokun aiengau. Iwe, a tüngor pwe epwe mäla. A pwal apasa, “A mürina ai üpwe mäla mwen ai üpwe manau.”

Mateus 13:21

Pokiten ewe kapas esap warar lon manauer, esap tongeni nomotam. Pun lupwen a fis osukosuk me riaföü pokiten ewe kapasen Kot, ra müttir fangatä.

Mateus 13:6

Iwe, lupwen akkar a tötä, pwichikaran a pwichiti ekewe kükün irä. Nge pokiten esap wor warer, ra müttir pwasala.

Mateus 5:6

Ra feiöch chon mochen föri mine a pwüng me mwen mesen Kot, pun Kot epwe amenemenöchür.

Markus 4:17

Pokiten ewe kapas esap tongeni warar lor, esap tongeni nomotam. Pun lupwen a fis osukosuk me riaföü pokiten ewe kapasen Kot, ra müttir fangatä.

Markus 4:6

Nge lupwen akkar a tötä, pwichikaran a apwichi ekewe kükün irä. Pokiten esap wor warer, ra müttir pwasala.

Lukas 1:53

A amenemenöchü chokewe mi echik ren chomong mettoch mi mürina, o tinala ekewe chon pisekisek fän ar asöülapö.

Lukas 6:21

Oua feiöch ämi mi echik lon ei fansoun, pun oupwe mötüla. Oua feiöch ämi mi kechü lon ei fansoun, pun oupwe fokun pwapwa.

Johannes 4:14

nge iö a ün seni ewe koluk ngang üpwe ngeni, esap chüen kakasefäl. Ewe koluk üpwe ngeni epwe wiliti eu lenien puächen kolukun manau leutun mi atoto manau esemüch.”

James 1:11

Pun akkar a tötä fiti pwichikaran o a keni ewe irä, pwe pön ewe irä a mworotiu o lingan a tala. Ina usun ewe mwän mi pisekisek epwe müch manauan lon an föri an kewe angang.

Pwärätä 21:4

Epwe talüpwasei chönün mas seni won meser meinisin. Esap chüen wor mäla ika letipeta ika kechü ika cheuch, pun ekewe mettochun lom ra morola.”