Pwärätä 7:12 - Chuukese Bible

¹² Ra apasa, “Amen! Feiöch, ling, tipachem, kilisou, iteüöch, manaman me pöchökül än ach Kot tori feilfeilachök! Amen!”

Pwärätä 7:12 Iomraidhean Croise

Nehemia 12:46

Pun seni me lom lon ränin manauen Tafit me Asaf a wor chon emweni ekewe chon köl mi kölün mwareiti me kilisou ngeni Kot.

Nehemia 12:8

Ikkei ir ekewe mwän seni ewe ainangen Lefi: Jesua, Pinui, Katmiel, Serepia, Juta me Matania, nge Matania fiti märärin kewe ra wisen chietä ekewe kölün kilisou.

Kölfel 100:4

Oupwe tolong lon asamen imwan fän kilisou, oupwe tolong lon rumwen imwan kewe fän kölün mwareiti i. Oupwe kilisou ngeni o mwareiti itan.

Kölfel 106:48

Oupwe mwareiti ewe Samol mi Lapalap, ewe Koten Israel seni fansoun esepop tori fansoun esemüch. Iwe, ekewe aramas meinisin repwe apasa, “Amen.” Ousipwe mwareiti ewe Samol mi Lapalap.

Kölfel 107:22

Repwe pwal eäni asoren kilisou ngeni o apworausa an kewe föför lon kölün pwapwa.

Kölfel 116:17

Üpwe eäni ngonuk ewe asoren kilisou o iotek ngonuk.

Kölfel 147:7

Oupwe köl ngeni ewe Samol mi Lapalap fän kilisou. Oupwe köl ngeni ach we Kot fiti ükülele.

Kölfel 41:13

Oupwe mwareiti ewe Samol mi Lapalap ewe Koten Israel seni lomlom tori feilfeilachök. Amen, Amen.

Kölfel 50:14

Ämi kilisou epwe ina ämi asor ngeni Kot. Oupwe apwönüetä ämi kewe pwon oua eäni ngeni Ewe mi Unusen Manaman.

Kölfel 72:19

Sipwe mwareiti itan mi ling tori feilfeilachök. An ling epwe aurala unusen fanüfan. Amen, amen.

Kölfel 89:52

Ousipwe mwareiti ewe Samol mi Lapalap tori feilfeilachök! Amen, Amen.

Kölfel 95:2

Ousipwe feito fän mesan fän kilisou, ousipwe mweireir fän pwapwa ngeni Kot ren kölün mwareiti i.

Aisea 51:3

Ngang ewe Samol mi Lapalap üpwe achipa Jerusalem o eäni tong ngeni meinisin mi imweimw lon ekewe imw mi tala. Üpwe föri pwe fanüan mi pön epwe wewe ngeni Eten, nge fanüan mi pwas epwe wewe ngeni ai tanipi. Pwapwa me mwänek epwe fis lon, pwal kilisou me kölün mwareitiei.

Jeremaia 33:11

kölün mweireir me kölün pwapwa, apwapwan mongön apwüpwülü, pwal mwelien chokewe mi köl, lupwen ra uwato ar asoren kilisou lon imwei. Iwe, repwe apasa, ‘Ousipwe kilisou ngeni ewe Samol mi Unusen Manaman, pun i a kirikiröch, an tong ellet a nom tori feilfeilachök.’ Pun ngang üpwe aliwini wöün ewe fanü usun me mwan. Ngang ewe Samol mi Lapalap üa kapas.”

Jeremaia 33:9

Iwe, ei telinimw epwe afisätä ai pwapwa, ai iteüöch me än aramas mwareitiei. Chon ekewe mwü meinisin won fanüfan repwe niuokus o chechech, lupwen repwe rongorong usun ekewe feiöch meinisin üpwe awarato won ekewe chon Jerusalem, pwal usun ekewe wöü meinisin üpwe atoto won ei telinimw.”

Sona 2:9

Nge ngang üpwe kölün kilisou ngonuk, üpwe asor ngonuk o föri mine üa eäni pwon ngonuk. Pun en chök, ai Samol mi Lapalap, ka tufichin angasaei.”

Mateus 6:13

Iwe, kosap atolongakem lon sosot, nge kopwe angasakem seni ewe mi ngau. [Pun om chök mwü me manaman me ling feilfeilachök. Amen’]

Nöün Paulus Toropwe ngeni ekewe Souläng lon Rom 11:36

Pun Kot a föri mettoch meinisin, mettoch meinisin ra manau ren o nom fänäsengesin. Kot epwe ling tori feilfeilachök! Amen.

1. Korint 14:16

Lupwen oua kilisou ngeni Kot lon ngünümi chök, epwe ifan usun än eman mi fiti ämi mwich epwe tongeni apasa “Amen” wesin ämi iotekin kilisou, are esap silei met oua kapas usun?

2. Korint 4:15

Ekei mettoch meinisin ra fis ngenikem fän itemi, pwe än Kot ümöümöch mi tori chomong, chomong aramas epwe afisätä ar iotekin kilisou mi urourela, pwe Kot epwe ling ren.

Kolose 2:7

Oupwe warar lon i usun efoch irä mi warar, oupwe fefeitä lon manauemi o pöpöchökülela lon ämi lükü Kraist usun oua fen kaiö. Iwe, oupwe fokun pwärätä ämi kilisou.

Kolose 3:17

Iwe, meinisin mine oupwe föri ika apasa, oupwe föri fän iten ach Samol Jesus o oupwe kilisou ngeni Samach Kot ren i.

Jutas 1:25

ngeni ewe eman chök Kot ach Chon Amanau epwe ling, tekia, manaman me nemenem ren Jesus Kraist ach Samol lon ekewe fansoun ra la, ikenai tori fansoun esemüch. Amen.

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.

Pwärätä 19:4

Iwe, ekewe rüwe me föman souakom me ekewe föman mönümanau ra chapetiu o fel ngeni Kot, ewe mi mot won an lenien motun king. Ra apasa, “Amen! Ousipwe mwareiti Kot.”