Pwärätä 7:1 - Chuukese Bible

¹ Mürin ei, üa küna föman chon läng ra ütä le pwokukun fanüfan me rüanü, o ra amwöchü ekewe rüanü asepwäl, pwe esap chüen wor asepwäl a enien won fanüfan, ika won matau, ika won efoch irä.

Pwärätä 7:1 Iomraidhean Croise

Aisea 11:12

Iwe, epwe aüetä efoch asisil ngeni chon ekewe mwü o pwäri ngeniir pwe a achufengenisefäli ekewe chon Israel me chon Juta mi toropasfeil o aliwinisefäliir seni lepwokukun fanüfan me rüanü.

Aisea 27:3

Ngang ewe Samol mi Lapalap üa tümwünü, üa pwal achöchönü iteiten fansoun. Iwe, üa mamasa lepwin me lerän, pwe esap wor eman epwe atai.

Aisea 27:8

Ewe Samol mi Lapalap a apwüngü nöün aramas ren an mwüt ngeniir pwe repwe oola. A asürela ren an asepwäl mi pöchökül a enito seni ötiu.

Jeremaia 49:36

Üpwe awarato won Elam ekewe rüanü asepwäl seni ekewe rüanü pelien läng. Üpwe atoropaseer ngeni ekei rüanü asepwäl. Iwe, esap wor eu mwü ia chokewe mi sü seni Elam resap feila ie.

Isikiel 37:9

Mürin, Kot a üreniei, “Nöün aramas, kopwe osuni ngeni ewe enienin ngasangas , kopwe osuni ngeni o üreni pwe iei aloi ngang Kot ewe Samol mi Lapalap: En enienin ngasangas, kopwe enito seni lepelien fanüfan me rüanü o eniti ekei somä, pwe repwe manausefäl.”

Isikiel 7:2

“Nöün aramas, iei aloi ngang Kot ewe Samol mi Lapalap ngeni ewe fanü Israel: A tori sopolan. A tori sopolan unusen ewe fanü.

Taniel 11:4

Nge lupwen a tori watten an nemenem, mwün epwe tala o kinikinfesen lon rüanü kinikin. Iwe, sap mwirimwirin repwe nemeni ewe mwü, pwe ekoch repwe nemeni, nge pöchökülen ekewe chon nemeni esap pwal wewe ngeni pöchökülen ewe mi nemeni me lom.

Taniel 7:2

mine üa küna lon ewe pwinin. Üa küna pwe rüanü mölümöl ra mölümöliti ewe matau watte.

Taniel 8:8

Mürin, ewe ätemwänin kuuch a püsin fokun atekiatäi. Nge lupwen an nemenem a senüküla, mächän mi langatam a kup. Iwe, lerasen ewe efoch ra pwükütä fofoch mächän mi langatam, nge iteiten efoch me efoch a iti ngeni lepelien läng me rüanü.

Sona 1:4

Nge ewe Samol mi Lapalap a tinato eu asepwäl mi pöchökül won matau. Iwe, ewe sip a arap ngeni an epwe ta ren watten ewe mölümöl.

Sekaraia 6:1

Iwe, üa netäsefäl o küna fofoch woken ra feito me lefilen ruu chuk, nge ekewe chuk ra seni piras.

Sekaraia 6:5

Nge ewe chon läng a pälüeniei, “Ikkeiir ekewe föman ngün seni läng mi towu seni fän mesen ewe Samolun unusen fanüfan.

Mateus 24:31

Iwe, epwe tinala nöün kewe chon läng fän tikin rappwa mi leüömong, pwe repwe amwichafengeni afilian kana seni lepelien fanüfan me rüanü, seni esopun läng tori esopun.

Markus 13:27

Mürin epwe tinala ekewe chon läng lepelien fanüfan me rüanü, pwe repwe achufengeni nöün kewe chon fil seni lesopun fanüfan tori lesopun.

Pwärätä 20:8

Epwe feila pwe epwe atupu chon ekewe mwü won unusen fanüfan, ekei mwü Kok me Makok. Satan epwe achufengeniir meinisin pwe repwe maun, iteiter meinisin ra usun iteiten föün pien aroset.

Pwärätä 6:6

Iwe, üa rongorong och mi wewe ngeni eu möngüngü mi feito seni lein ekewe föman mönümanau a apasa, “Liwinin ruu paun pilawa mi amas seni föün wiich iei ükükün peiofen eman chon angang lon eu rän, pwal liwinin wonu paun pilawa mi amas seni föün parli iei ükükün peiofen eman chon angang lon eu rän. Nge kosap afeiengaua ekewe irä olif me ekewe irän wain!”

Pwärätä 7:3

A apasa, “Ousap afeiengaua fanüfan, ewe matau ika ekewe irä, tori aipwe pwauni won chamwen ekewe chon angang ngeni ach we Kot.”

Pwärätä 8:7

Iwe, lupwen ewe aemanün a ettiki nöün rappwa, üten fau me ekkei mi nofitfengen me cha ra turutiu won fanüfan. Eu leülüngatin fanüfan a karala, pwal eu leülüngatin irä me ekewe fetil meinisin.

Pwärätä 9:14

Ewe möngüngü a apasa ngeni ewe awonomanün chon läng mi wor an rappwa, “Kopwe apichala ekewe föman chon läng mi fötek arun ewe chanpupu mi watte Oifrat.”

Pwärätä 9:4

Iwe, Kot a allük ngeniir pwe resap afeiengaua ekewe fetil ika ekewe petewöl ika ekewe irä, nge repwe chök afeiengaua ekewe aramas resap eäni än Kot we pwau won chamwer.