Pwärätä 6:8 - Chuukese Bible

⁸ Iwe, üa nenengeni o üa küna eman oris mi sawepwech, nge ewe mi mot won a iteni mäla o ewe lenien sotup a tapw me mürin. A wor ar nemenem won eu lerüanün chon fanüfan ar repwe niirela ren maun, mailengita, samau me manmwacho.

Pwärätä 6:8 Iomraidhean Croise

Än Salomon Fos 5:5

Ewe al neminewe a fetal won a ale ngeni mäla, epwe emwenukela ngeni ewe lenien sotup.

Aisea 25:8

Iwe, Kot ewe Samol mi Lapalap epwe aükätiu mäla, pwe esap chüen wor tori feilfeilachök. Epwe talü chönün mas seni won mesen aramas meinisin o angei seni nöün aramas kana ar itengau ekis meinisin won fanüfan. Iei alon ewe Samol mi Lapalap.

Jeremaia 14:12

Inamwo ika ra echikefel, nge üsap rongorong ar siö. Inamwo ika ra eäni asoren kek me asoren mongö, nge üsap etiweer. Nge üpwe nirela ren maun, ren lengita me mätter.”

Jeremaia 16:16

Iei alon ewe Samol mi Lapalap, “Üpwe tinala chomong chon attau, repwe attaua ekei aramas. Mürin, üpwe tinala chomong chon tapweri man, repwe tapweriir won iteiten chukutekia me chukutekison, pwal me lon pwangen ekewe achau.

Jeremaia 16:4

Repwe mäla ren samau mi afeiengau. Esap wor eman epwe kechü wor, resap pwal peias, nge repwe usun chök kiten mongö won pwül. Repwe mäla lon maun pwal ren lengita, nge ekewe machang me ekewe manmwacho repwe ochei somär.

Jeremaia 24:10

Üpwe tinato rer maun, lengita me mätter tori repwe fokun rosola seni lon ewe fanü üa ngeniir me ar kewe lewo.”

Jeremaia 29:17

‘Iei alon ewe Samol mi Unusen Manaman: Üpwe awarato maun wor, pwal lengita me mätter, üpwe pwal föri pwe repwe usun chök ekewe föün fiik mi fokun ngau pwe esap wor eman a tongeni ocheer.

Jeremaia 43:11

Iwe, Nepukatnesar epwe feito o maun ngeni ewe fanü Isip. Epwe niela chokewe mi feil ngeni ar repwe mäla o aoloi chokewe mi feil ngeni ar repwe oola, epwe pwal niela lon maun chokewe ra feil ngeni ar repwe mäla lon maun.

Isikiel 29:5

Iwe, üpwe aturukela lon fanüapö, en me ikenen om we chanpupu. Kopwe turula won eu leni mi amassawa, nge esap wor eman epwe angeek o peiasenuk. Iwe, üpwe pöütukela ngeni ekewe manmwacho me mansüsü pwe repwe ocheek.

Isikiel 5:12

Iwe, eu leülüngat me leimi repwe mäla ren mätter me lengita me lon telinimwemi, eu leülüngat repwe mäla ren ketilas lükün telinimwemi, nge eu leülüngat üpwe atoropasafeiliir ekis meinisin o tapweriir fän nei ketilas.

Osea 13:14

Üpwe fokun amanaueer seni ewe lenien sotup. Üpwe angaseer seni ewe manamanen mäla. En mäla, ifa om kewe mätter? En lenien sotup, ifa om afeiengau? Usap chüen tongei ekei aramas.

Apakuk 2:5

Ellet, wöümong och mi atuputup. Ätekewe mi mochenia ra lamalamtekia o sarawaraw, resap fokun menemen usun mäla. Iei mine ra maun ngeni chomong mwü o liapeniir fän püsin iter.”

Sekaraia 6:3

orisin ewe aülüfochun ra pwech, nge orisin ewe afofochun woken ra tiketik. Ir meinisin ra fokun pöchökül.

Mateus 11:23

Nge en Kapernaum! Ka ekieki om kopwe püsin atekiokotä tori läng? Apwi, kopwe turutiu lon hell! Are ekewe manaman ra fen fis lomw, repwe fen fis lon Sotom, ei telinimw epwe chüen nonom tori ikenai.

Mateus 24:7

Fanü me fanü repwe fiufengen o mwü me mwü repwe maunfengen. Epwe wor lengita me chechechin fanü ekis meinisin.

1. Korint 15:55

“En mäla, ifa om win? En mäla, ifa om manamanen akafeiengau?”

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.

Pwärätä 12:4

Ren wükün we a amwökütü eu leülüngatin ekewe fü seni lon läng o atururetiu won fanüfan. Iwe, ewe trakon a üta me mwen ewe fefin, pwe epwe ochei nöün we lon ewe chök otun a nöünätiu.

Pwärätä 9:15

Iei usun ekewe föman chon läng ra pichila, pun ra fen molotä fän iten ei chök awa, ei chök rän, ei chök maram pwal ei chök ier, pwe repwe niela eu leülüngatin chon fanüfan meinisin.

Pwärätä 9:18

Iwe, eu leülüngatin chon fanüfan ra mäla ren ekei ülüngat feiengau: ewe ekkei, ewe ötüöt me ewe primston mi towu seni awen ekewe oris.