Pwärätä 6:6 - Chuukese Bible

⁶ Iwe, üa rongorong och mi wewe ngeni eu möngüngü mi feito seni lein ekewe föman mönümanau a apasa, “Liwinin ruu paun pilawa mi amas seni föün wiich iei ükükün peiofen eman chon angang lon eu rän, pwal liwinin wonu paun pilawa mi amas seni föün parli iei ükükün peiofen eman chon angang lon eu rän. Nge kosap afeiengaua ekewe irä olif me ekewe irän wain!”

Pwärätä 6:6 Iomraidhean Croise

Kölfel 76:10

Ellet, än ekewe aramas lingeringer iei fen om ling. Nge lusun ewe lingeringer kopwe chök efitti ngonuk.

Mateus 24:7

Fanü me fanü repwe fiufengen o mwü me mwü repwe maunfengen. Epwe wor lengita me chechechin fanü ekis meinisin.

Pwärätä 4:6

Me mwen ewe lenien motun king a pwal wor och mi usun chök eu matau seni kilas, a kurufat usun ewe fau itan kristal. Iwe, pwelin ünükün ewe lenien motun king me rüanü pekin a wor föman mönümanau, ra kula ren föün mas me mwer pwal me lükisökürür.

Pwärätä 4:8

Eman me eman ekewe föman mönümanau a wor wonofoch pöükässin, nge won me fän pöükässiir ra kula ren föün mas. Lerän me lepwin resap ükütiu le kölü ei köl: “A pin, a pin, a pin ewe Samol Kot mi Unusen Manaman, i ewe a fen nonom, ewe a nom iei me ewe epwe feito me mürin.”

Pwärätä 7:3

A apasa, “Ousap afeiengaua fanüfan, ewe matau ika ekewe irä, tori aipwe pwauni won chamwen ekewe chon angang ngeni ach we Kot.”

Pwärätä 9:4

Iwe, Kot a allük ngeniir pwe resap afeiengaua ekewe fetil ika ekewe petewöl ika ekewe irä, nge repwe chök afeiengaua ekewe aramas resap eäni än Kot we pwau won chamwer.