Pwärätä 6:4 - Chuukese Bible

⁴ Iwe, pwal eman oris mi parapar a towu, nge ewe mi mot won a mwümwü ngeni an epwe aworato maun won fanüfan, pwe aramas repwe nifengeniir. A angei efoch ketilas mi langatam.

Pwärätä 6:4 Iomraidhean Croise

Kölfel 17:13

Ai Samol mi Lapalap, kopwe feito. Kopwe ü ngeni chon oputaei o akufuur. Kopwe angasaei seni ekewe aramasangau ren noum ketilas.

Taniel 5:19

Iwe, aramasen mwü me fanü meinisin, pwal aramas mi eäni sokopaten fos ra niuokusiti Nepukatnesar o chechech fän mesan pokiten ewe nemenem mi watte Kot a ngeni. Iwe, a niela iö a mochen niela, a pwal amanaua iö a mochen amanaua. A seikätä iö a mochen seikätä, nge a asapwilätiu iö a mochen asapwilätiu.

Sekaraia 1:8

“Lepwin ewe a wor künaei. Üa küna eman mwän mi wawa eman oris mi par. A nom lein ekewe mwoosor lon ewe lemol mi chökis. Nge lükisökürün a wor pwal ekoch oris mi par, tiketikepar me pwech.

Sekaraia 6:2

Iwe, orisin ewe aefochun woken ra parapar, orisin ewe aruofochun woken ra chol,

Mateus 10:34

“Ousap ekieki pwe üa feito pwe üpwe uwato kinamwe won fanüfan. Apwi, üsap feito pwe üpwe uwato kinamwe, pwe ketilas.

Mateus 24:6

Oupwe rongorong akürangen maun me pworausen maun, nge ousap niuokus. Ekei mettoch repwe fokun fis, nge esap tori mwo fansoun sopolan.

Johannes 19:11

Jesus a pölüeni, “A chök wor om pwüüng woi pokiten Kot a ngonuk. Iei mine ätewe mi atolongaei lepoumw a kon watte an tipis lap seni om.”

Pwärätä 12:3

Pwal eu asisil a pwä me lon läng. A wor eman trakon mi watte o parapar, a wor fisu möküran me engol mächän, nge a wor epa mwärämwär won eu me eu möküran kewe.

Pwärätä 13:10

Are eman epwe oola, epwe chök oola, are eman epwe ninnila ren ketilas, epwe chök ninnila ren ketilas. Iei lomotan pwe epwe wor än ekewe chon pin likitü me lükülük.

Pwärätä 17:3

Mürin ewe chon läng a uweieila lon eu fanüapö lupwen ai nom lon Ngün. Ikenan üa küna eman fefin mi mot won eman manmwacho mi par. Ei manmwacho a kula won inisin ren it mi turunufasei Kot. A wor fisu möküran me engol mächän.

Pwärätä 17:6

Üa küna ewe fefin pwe a puchula ren chaan ekewe chon pin me chaan chokewe mi ninnila pokiten ar allükülük ngeni Jesus. Lupwen üa küna neminewe, üa fokun mairü.