Pwärätä 6:2 - Chuukese Bible

² Iwe, üa nenengeni o üa küna eman oris mi pwechepwech, nge ewe mi mot won a amwöchü efoch likapich, a pwal angei epa mwärämwär. Iwe, a feila, a pwora o win.

Pwärätä 6:2 Iomraidhean Croise

Kölfel 110:2

Ewe Samol mi Lapalap epwe alapala manen om nemenem lon wisom wisen king seni Sion. A apasa, “Kopwe nemenem won chon oputom.”

Kölfel 76:7

Nge en echök, ai Samol mi Lapalap, aramas repwe niuokusituk. Iö a tongeni ü me mwom, lupwen ka song?

Kölfel 98:1

Oupwe eäni echö köl mi fö ngeni ewe Samol mi Lapalap, pun a föri mettoch mi amwarar. An manaman me an pöchökül mi pin ra afisätä an win.

Aisea 25:8

Iwe, Kot ewe Samol mi Lapalap epwe aükätiu mäla, pwe esap chüen wor tori feilfeilachök. Epwe talü chönün mas seni won mesen aramas meinisin o angei seni nöün aramas kana ar itengau ekis meinisin won fanüfan. Iei alon ewe Samol mi Lapalap.

Sekaraia 1:8

“Lepwin ewe a wor künaei. Üa küna eman mwän mi wawa eman oris mi par. A nom lein ekewe mwoosor lon ewe lemol mi chökis. Nge lükisökürün a wor pwal ekoch oris mi par, tiketikepar me pwech.

Mateus 28:18

Nge Jesus a kan ngeniir o üreniir, “Nemenem meinisin won läng me fanüfan a toriei.

1. Korint 15:25

Pun Kraist epwe fokun nemenem tori Kot epwe akufu chon oputan meinisin o anomuur fän pechen.

Pwärätä 11:15

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”

Pwärätä 11:18

Ekewe chon lükün Israel ra fokun song, pun om lingeringer a war, ewe fansoun ekewe mi mäla repwe küna kapwüng. A war ewe fansoun om kopwe liwiniöchü ngeni noumw kewe chon angang ekewe soufos, me noumw kewe chon pin, pwal chokewe meinisin mi meninituk, ekewe aramas tekia me ekewe aramas kis. A war ewe fansoun om kopwe afeiengaua chokewe mi afeiengaua fanüfan.”

Pwärätä 14:14

Mürin üa nenengeni o üa küna pwe a wor eu kuchu mi pwech, nge eman a mot won ewe kuchu usun itä nge eman nöün aramas, a mwärämwär epa mwärämwär seni kolt won möküran, a pwal amwöchü lepöün efoch kama mi ken.

Pwärätä 15:2

Mürin üa küna och mi usun chök eu matauen kilas mi nofitfengen me ekkei. Üa pwal küna chokewe mi akufu ewe manmwacho me uluulun we, ra pwal akufu ewe eman itan a iteit lon nampa. Ra ütä ünükün ewe matauen kilas o ra amwöchü ekewe kitar Kot a ngeniir.

Pwärätä 17:14

Repwe maun ngeni ewe Lam, nge ewe Lam epwe akufuur, pun i ewe Samol mi lap seni ekewe samol meinisin, pwal i ewe King mi tekia seni ekewe king meinisin. Nge chokewe mi tapwela mürin ir chon kö, chon fil me chon allükülük ngeni.”

Pwärätä 19:14

Iwe, ekewe mwichen sounfiu seni läng ra tapwela mürin, ra wawa oris mi pwechepwech, ra pwal üföüf üf mi limöch o pwechepwech.

Pwärätä 3:21

Iö mi pwora ngeni mine a ngau üpwe mwüt ngeni pwe epwe etiei le mot won ewe lenien motun king, usun pwal ngang üa pwora o mot ren Semei won an lenien motun king.

Pwärätä 9:7

Iwe, lapalapen ekewe lifichimas ra wewe ngeni oris mi molotä ngeni maun. Won mökürer a wor och mi usun chök mwärämwär seni kolt, nge won meser ra wewe ngeni won mesen aramas.