Pwärätä 6:12 - Chuukese Bible

¹² Iwe, üa nenengeni pwe ewe Lam a ülei ewe awonuen pwau. A fis eu chechechin fanü mi fokun lapalap. Akkar a fokun rochola usun chök mangaku mi chol seni tuk, nge ewe maram a fokun parala usun chök paren cha.

Pwärätä 6:12 Iomraidhean Croise

Aisea 24:23

Mürin, maram me akkar repwe tinengauala ren ar säw, pun ewe Samol mi Unusen Manaman epwe nemenem won ewe chuk Sion, pwal lon Jerusalem. Iwe, ekewe souakomwen lon ewe telinimw repwe küna an ling.

Aisea 29:6

pwe ewe Samol mi Unusen Manaman epwe feito o afeiengaueer ren chopulap me chechechin fanü me akürang watte, ren ewiniär me mölümöl, pwal ren ekkei mi ngetenget.

Aisea 34:4

Iwe, akkar me maram me fü kana repwe telila, läng epwe numufengen usun echö toropwe, nge minen läng meinisin repwe turutiu usun chön irän wain ika chön irä fiik ra mworotiu.

Aisea 50:3

Ngang üa achunoi läng ren rochopwak pwe a usun chök pwölüla ren mangaku seni tuk, iei asisilen an letipeta.”

Sowel 2:10

Iwe, fanüfan me läng ra chechech, lupwen ra feito. Akkar me maram ra rochola, nge fü kana resap chüen tin.

Sowel 3:15

Iwe, akkar me maram repwe rochola, nge ekewe fü resap chüen tin.

Amos 1:1

Ikkei ekewe kapas än Am, eman chon masen sip seni Tekoa. Ruu ier mwen ewe chechechin fanü, lupwen Usia a king lon Juta, nge Jeropoam nöün Jehoas we a king lon Israel, Kot a pwäri ngeni Am ekei mettoch fänäsengesin Israel.

Amos 8:9

Iwe, Kot ewe Samol mi Lapalap a apasa, “Lon ena fansoun üpwe föri pwe akkar epwe tuputiu leoloas, nge fanüfan epwe rochola lerän.

Sekaraia 14:5

Nge ämi oupwe aleni ewe lemol le sü, pun ewe lemol mi fis lefilen ekewe chuk a tori Asel. Ewer, ämi oupwe sü usun ämi kewe lewo ra sü ren ewe chechechin fanü mi fis lon mwün Usia ewe kingen Juta. Mürin, ewe Samol mi Lapalap ai we Kot epwe feito, nge ekewe chon pin meinisin repwe eti.

Mateus 11:21

“Feiengauom Korasim! Feiengauom Petsaita! Are ekewe manaman mi fen fis me lomi repwe fen fis lon Tirus me Siton, ekewe aramas lon ekei telinimw repwe üföüf üf seni tuk me lomlom o amoratiu falang won mökürer, pwe asisilen ar kul seni tipis!

Mateus 24:29

“Lon ewe chök otun mürin ewe fansoun riaföü, akkar epwe rochola, maram esap chüen tittin, ekewe fü repwe turutiu me läng, nge ekewe manamanen läng repwe mwöküt seni lenier.

Mateus 24:7

Fanü me fanü repwe fiufengen o mwü me mwü repwe maunfengen. Epwe wor lengita me chechechin fanü ekis meinisin.

Mateus 27:45

Lupwen a tori leoloasen ewe rän, unusen ewe fanü a rochopwak lon ükükün ülüngat awa.

Mateus 27:54

Iwe, lupwen ewe meilapen sounfiu me ekewe sounfiu mi mamasa Jesus ra küna ewe chechen fanü me meinisin mine a fis, ra fokun rükö o apasa, “Enlet, ätei wesewesen Nöün Kot!”

Mateus 28:2

Nge lon eu chök otun a fis och chechechin fanü mi watte, pun eman nöün ewe Samol chon läng a feitiu seni läng, a pünüela ewe fau seni mesen ewe peias o mottiu won.

Markus 15:33

Lupwen a tori leoloasen ewe rän, unusen ewe fanü a rochopwak lon ükükün ülüngat kulok.

Pwärätä 11:13

Lon ewe chök otun a wor eu chechechin fanü mi pöchökül o eu leengolun ewe telinimw a tala. Iwe, fisungeröü aramas ra mäla ren, nge ekewe lusun aramas mi chüen manau ra fokun rükö o mwareiti manamanen ewe Kot mi nom läng.

Pwärätä 16:18

Iwe, a fis fifin inefi, ngüngü me chopun chopulap, pwal eu chechechin fanü mi fokun afeiengau. Esap fokun mwo wor eu sokun chechechin fanü seni lon fansoun popuetän än aramas nom won fanüfan mi afeiengau usun ei.

Pwärätä 16:8

Mürin ewe afömanün chon läng a ninätiu masouen sepian we won ewe akkar. Iwe, a mwümwütä ngeni akkar pwe epwe keni aramas ren watten pwichikaran.

Pwärätä 8:12

Mürin ewe afömanün chon läng a ettiki nöün rappwa. Iwe, eu leülüngatin ewe akkar a rochola, pwal eu leülüngatin ewe maram me eu leülüngatin ekewe fü, pwe eu leülüngatir resap chüen saram. Lerän esap wor saram lon ükükün rüanü awa, lepwin esap pwal wor saram lon ükükün rüanü awa.

Pwärätä 8:5

Mürin ewe chon läng a angei ewe sepi fän iten apach mi pwokus, a amasoua ren ekewe molien ekkei mi nom won ewe rongen asor o a monetiu won fanüfan. Iwe, a fis ngüngü, chopun chopulap, fifi me chechechin fanü.