Pwärätä 5:9 - Chuukese Bible

⁹ Iwe, ra kölü echö köl mi fö: “En ka fich ngeni om kopwe angei ewe toropwe mi numunumula, ka pwal fich ngeni om kopwe ülei pwaun kewe. Pun en ka ninnila, nge ren chaom ka möni aramas fän iten Kot, ekewe aramas seni ekewe ainang me kapas me mwü me sokopaten aramas meinisin.

Pwärätä 5:9 Iomraidhean Croise

Kölfel 144:9

Ai Kot, üpwe eäni ngonuk echö köl mi fö, üpwe ettiki ngonuk kitar mi wor engol saitenin.

Kölfel 149:1

Ousipwe mwareiti ewe Samol mi Lapalap. Oupwe eäni ngeni ewe Samol mi Lapalap echö köl mi fö, oupwe kölün mwareiti i me lon ewe mwichen chon allükülük.

Kölfel 33:3

Oupwe köl ngeni echö köl mi fö, oupwe ettikiöchü won ekewe pisekin ettik fiti mweireir mi leüömong.

Kölfel 40:3

A aiti ngeniei echö köl mi fö, echö kölün mwareiti ach Kot. Chomong repwe küna ei o niuokus, repwe anomu ar apilükülük won ewe Samol mi Lapalap.

Kölfel 96:1

Oupwe eäni echö köl mi fö ngeni ewe Samol mi Lapalap, oupwe köl ngeni ewe Samol mi Lapalap, ämi chon fanüfan meinisin.

Kölfel 98:1

Oupwe eäni echö köl mi fö ngeni ewe Samol mi Lapalap, pun a föri mettoch mi amwarar. An manaman me an pöchökül mi pin ra afisätä an win.

Aisea 42:10

Oupwe eäni echö köl mi fö ngeni ewe Samol mi Lapalap, oupwe mwareiti me lesopun fanüfan. Oupwe mwareiti i, ämi meinisin mi sai lematau, pwal mönün lon meinisin. Iwe, ekewe fanüen lematau me chokewe mi nonom wor repwe kölün mwareiti Kot.

Taniel 3:4

Iwe, ewe chon arong a kökkö fän leüömong, “Ämi aramasen fanü me mwü meinisin, pwal aramas mi eäni sokopaten fos, iei än ewe king allük ngenikemi.

Taniel 4:1

Iei ewe pworaus king Nepukatnesar a asile ngeni aramasen fanü me mwü meinisin, pwal ngeni aramas mi eäni sokopaten fos me won unusen fanüfan: Kinamwe mi somwola epwe torikemi meinisin.

Taniel 5:19

Iwe, aramasen mwü me fanü meinisin, pwal aramas mi eäni sokopaten fos ra niuokusiti Nepukatnesar o chechech fän mesan pokiten ewe nemenem mi watte Kot a ngeni. Iwe, a niela iö a mochen niela, a pwal amanaua iö a mochen amanaua. A seikätä iö a mochen seikätä, nge a asapwilätiu iö a mochen asapwilätiu.

Taniel 6:25

Mürin, king Tarius a mak ngeni aramasen fanü me mwü meinisin, pwal ngeni aramas mi eäni sokopaten fos won unusen fanüfan, “Kinamwe mi somwola epwe torikemi.

Mateus 20:28

usun chök Nöün Aramas esap feito pwe aramas repwe angang ngeni, nge a feito an epwe angang ngeniir o fangala manauan fänäsengesin chomong aramas pwe möön manauer.”

Mateus 26:28

Pun iei chai a allükülükü än Kot we pwon mi fö ngenikemi, a ninnila fänäsengesin chomong aramas, pwe amusamusen ar tipis kana.

Föför 20:28

Iei mine oupwe mamasakemi me unusen chon ewe mwichefel ewe Ngünmifel a atolongeer fän ämi tümwün. Oupwe chon masen ewe mwichefelin Kot, i a möni ren chaan püsin Nöün we.

1. Korint 6:20

i a mönikemi ren eu liwin, iei mine oupwe alinga Kot ren inisimi.

1. Korint 7:23

Kot a mönikemi ren eu liwin, iei mine ousap wiliti nöün aramas amanau.

Efisos 1:7

Pun lon Kraist sia ngasala ren chaan, pwe ach kewe tipis ra musala. A ifan me watten än Kot we ümöümöch

Efisos 5:19

Oupwe aea le kapasfengen lefilemi ekewe kölfel, ekewe kölün lamalam me ekewe köl mi pin. Oupwe kölü ekewe kölün lamalam me ekewe kölfel ngeni ach Samol, oupwe mwareiti i lon lelukemi.

Kolose 1:14

I ewe mi angasakichela, wewen pwe a amusala ach tipis.

Kolose 1:23

Nge ämi oupwe fokun sopwela lon ämi lükülük won eu longolong mi pöchökül o nüküchar, ousap fokun mwöküt seni ewe apilükülüköch oua angei lupwen oua rongorong ewe Pworausen Manau. Iei ewe Pworausen Manau aramas ra arongafeili ngeni aramas meinisin won fanüfan, ngang Paulus üa pwal eman chon angang ngeni.

Titus 2:14

I a fangala manauan fänäsengesich, pwe epwe angasakich seni ach föföringau meinisin, epwe pwal limetikich seni ach tipis, pwe sipwe nöün aramas mi fokun achocho le föri mine a mürina.

Ipru 11:14

Chokewe mi apasatä ei sokun kapas ra afatafichi, pwe ir ra kütta eu fanü repwe tongeni fanüeni.

2. Petrus 2:1

Nge mi pwal wor soufos chofona me lein ekewe aramas me lom, pwal ina chök usun epwe pwal wor chon afalafal chofona leimi. Repwe atolonga sokun afalafal mi afeiengau o chofona, repwe amamäsini ewe Samol mi angaseer seni tipis. Iwe, repwe püsin atoto wor feiengau mi fisikai.

1. Johannes 1:7

Nge are sia nonom lon ewe saram usun i a nonom lon saram, iwe, sia chiechifengen lefilach, nge chaan Jesus Nöün we a limetikich seni ach tipis meinisin.

1. Johannes 2:2

Püsin Kraist i ewe popun pwe ach tipis kana ra musala, nge sap ach tipis chök, pwe pwal tipisin aramas meinisin.

Pwärätä 10:11

Iwe, eman a üreniei, “Kopwe fokun osunisefäli usun chomong mwü, ainang, kapas me king kana.”

Pwärätä 11:9

Iwe, lon ükükün ülüngat esop rän aramasen ekewe mwü me ainang me kapas me mwich repwe nenengeni ekewe somä, nge resap mwütätä pwe repwe peias.

Pwärätä 13:7

A mwümwü ngeni an epwe fiu ngeni ekewe chon pin o akufuur, a pwal angei an nemenem won ekewe ainang me mwü me kapas me mwich meinisin.

Pwärätä 13:8

Iwe, aramas meinisin mi nom won fanüfan repwe fel ngeni, chilon chök chokewe iter a mak lon ewe puken iten chon manau me mwen än Kot esamwo föri fanüfan, iei ewe puk än ewe Lam mi ninnila.

Pwärätä 14:6

Mürin üa küna pwal eman chon läng mi äkkäs fän läng, a uwei ewe Pworausen Manau esemüch pwe epwe arongafeili ngeni chon fanüfan, ngeni sokun mwich me ainang, kapas me mwü meinisin.

Pwärätä 15:3

Iwe, ra köl ewe köl än Moses ewe chon angang ngeni Kot, pwal ewe köl än ewe Lam: “Äm Kot, Samol mi Unusen Manaman, a tekia o amwarar om angang kana! En kingen ekewe mwü, a pwüng o let om kewe föför!

Pwärätä 17:15

Mürin ewe chon läng a pwal üreniei, “Ekewe koluk ka küna, ewe fin lisowu a mot arur, wewen mwü, mwichen aramas, ainang me kapas.

Pwärätä 4:11

“Ach Samol me ach Kot, en ka fich ngeni om kopwe angei ling me iteüöch me manaman. Pun ka föri mettoch meinisin, nge ren letipom ra fis o manau.”

Pwärätä 5:12

ra köl ren ngingi mi leüömong: “Ewe Lam mi ninnila a fich ngeni an epwe angei manaman, wöü, tipachem me pöchökül, iteüöch, ling me ingemwar.”

Pwärätä 5:6

Mürin üa küna eman Lam a ütä lukalapan mwen ewe lenien motun king, nge ekewe föman mönümanau me ekewe rüwe me föman souakom ra pweli ünükün. Ewe Lam a usun itä nge a ninnila. A wor füfoch mächän me füföü föün mesan, ir ekewe füman Ngünün Kot ra titila won unusen fanüfan.