Pwärätä 5:5 - Chuukese Bible

⁵ Mürin eman me lein ekewe souakom a üreniei, “Kosap kechü! Nengeni, ewe Laion seni ewe ainangen Juta, ewe mwirimwirin Tafit mi iteföüla a pwora o win, i epwe tongeni ülei ekewe fisu pwau o suki ewe toropwe.”

Pwärätä 5:5 Iomraidhean Croise

1. King 10:20

Nge mi pwal wor uluulun engol me ruoman laion won ewe latö, eman uluulun laion a nom lesopun me ruu ekewe wonu foso. Ei sokun lenien motun king esap fokun wor esin lon ekewe mwü.

2. Kronika 9:18

Iwe, a wor wonu foson latön ewe lenien mot, pwal eu lenien puun pechen seni kolt mi pach ngeni ewe lenien mot. Mi pwal wor lenien pau won lepekin me ruu, nge uluulun eman laion a nom lükün eu me eu kewe lenien pau.

Hiop 41:15

Pwal won sökürün a wor telin ililin mi fokun kanefengen o pöchökül usun fau.

Aisea 11:1

Iwe, ekewe mwirimwirin Tafit ra usun efoch irä mi pöküpökütiu. Nge usun ekoch fasar ra pwükütä seni ewe popun, iei usun eman king mi fö epwe ütä seni me lein ekewe mwirimwirin Tafit.

Aisea 11:10

Lon ena fansoun epwe fis pwe ewe king mi fö seni mwirimwirin Tafit epwe ütä usun chök efoch asisil fän iten chon ekewe mwü meinisin. Iwe, repwe chufengen lon telinimwan mi ling o asamolu.

Jeremaia 31:16

Kopwe ükütiu le kechü o tölüpwasei mesom, pun om angang fän iten noum kewe epwe wor lomotan, repwe liwinto seni fanüen chon oputer.

Taniel 7:16

Iei popun üa churi eman lein chokewe mi ütä arun ewe lenien motun king o aisini usun pwüngün ekewe mettoch meinisin. Iwe, a awewe ngeniei wewen,

Numperis 24:9

Ewe mwün Israel a wewe ngeni eman laion mi pwora. Lupwen a konola, esap wor eman a tongeni apwätäi. Ra feiöch chon afeiöchü chon Israel, nge ra anümamau chon anümamaueer.

Lukas 23:28

Nge Jesus a sap ngeniir o üreniir, “Ämi fin Jerusalem! Ousap kechüeitiei, nge oupwe püsin kechüeitikemi me nöümi kana.

Lukas 7:13

Lupwen ewe Samol a küna ewe fefin, a fokun tongei. Iwe, a üreni, “Kosap kechü.”

Lukas 8:52

Aramas meinisin mi nom lon ewe imw ra kechü o ngüngüres won ewe nengin, nge Jesus a üra, “Ousap kechü. Ewe nengin esap mäla, pwe a chök möür.”

Johannes 20:13

Iwe, ra aisini Maria, “Nemin, pwota ka kechü.” A pölüeni, “Pun ra angeala somän ai Samol, nge üsap silei ia ra anomu ie!”

Nöün Paulus Toropwe ngeni ekewe Souläng lon Rom 1:3

A kapas usun Nöün we, ach Samol Jesus Kraist: Lon an wiliti aramas, a uputiu lon tettelin eman mwirimwirin Tafit.

Nöün Paulus Toropwe ngeni ekewe Souläng lon Rom 15:12

Aisea a pwal apasa, “Eman mwirimwirin Jesi epwe war. Epwe feito pwe epwe nemeni ekewe chon lükün Israel, nge ir repwe anomu ar apilükülük won.”

Ipru 7:14

Pun a fokun fat pwe ach Samol a uputiu seni ewe ainangen Juta. Nge Moses esap kapas usun ei ainang lupwen a fos usun ekewe souasor.

Pwärätä 1:1

Iei ewe kapasen pwärätä seni Jesus Kraist, Kot a ngeni an epwe pwäri ngeni nöün kewe chon angang usun met epwe müttir fis. Kraist a asile ngeni nöün we chon angang Johannes ekei mettoch ren an tinala nöün chon läng ren.

Pwärätä 22:16

“Ngang Jesus, üa tinato nei chon läng, pwe epwe asile ngenikemi ekei mettoch lon ekewe mwichefel. Ngang eman mwirimwirin ewe ainangen Tafit, Ngang ewe füün rän mi saramaram.”

Pwärätä 3:21

Iö mi pwora ngeni mine a ngau üpwe mwüt ngeni pwe epwe etiei le mot won ewe lenien motun king, usun pwal ngang üa pwora o mot ren Semei won an lenien motun king.

Pwärätä 4:10

ekewe rüwe me föman souakom ra chapetiu me mwen ewe eman mi mot won ewe lenien motun king o fel ngeni ewe mi manau tori feilfeilachök. Ra isetiu mwäriir kewe me mwen ewe lenien motun king o apasa,

Pwärätä 4:4

Iwe, pwelin ünükün ewe lenien motun king a wor rüwe me rüanü lenien motun king ia rüwe me föman souakom ra mot ie, ra üföüf üf mi pwechepwech o mwärämwär mwärämwär seni kolt.

Pwärätä 5:4

Iwe, üa fokun kechü, pun resap küna eman mi fich ngeni an epwe suki ewe toropwe ika nenelong lon.

Pwärätä 6:1

Mürin üa küna pwe ewe Lam a ülei ewe aeuin pwau seni ekewe fisu. Iwe, üa rongorong pwe eman me lein ekewe föman mönümanau a apasa ren mwelian mi wewe ngeni chopun chopulap, “Etto!”

Pwärätä 7:13

Mürin eman me lein ekewe souakom a aisiniei, “Iö kewe ir mi üföüf üf mi pwechepwech, nge ia ra feito me ie?”