Pwärätä 5:1 - Chuukese Bible

¹ Iwe, üa küna echö toropwe mi numunumula lon pöüifichin ewe mi mot won ewe lenien motun king. A kula ren mak lepekin me rüepek, nge a pwau ren fisu pwau.

Pwärätä 5:1 Iomraidhean Croise

Aisea 29:11

Iwe, ekei kapasen osuni meinisin ra usun chök kapas monomon ngenikemi mi mak lon eu puk mi pwau. Lupwen ra ngeni eman mi sile alea o üreni pwe epwe aleani, epwe apasa, “Üsap tongeni, pun ei puk a pwau.”

Aisea 34:16

Oupwe küttafichi o aleani seni än ewe Samol mi Lapalap we puk: Meinisin ekei man repwe nom, iteiten eman me eman epwe wor pwülüan. Pun ewe Samol mi Lapalap a allük pwe epwe iei usun, püsin i epwe achufengeniir.

Aisea 8:16

Kopwe rifengeni ei kapasen pwärätä o anükü ekei allük lon leluken nei chon kaiö.

Taniel 8:26

Iwe, künaom we usun ekewe asor mi fis lekuniol me lesosor, eman a fen awewe ngonuk, epwe fokun fisitä. Nge kopwe amonomonala künaom ei, pun pworausen eu fansoun epwe feito.”

Sekaraia 5:1

Üa netäsefäl o küna echö toropwe mi äs.

Pwärätä 10:2

A amwöchü lon pöün echö kükün toropwe mi suk. Iwe, a ipwetiu won matau ren pelifichin pechen, nge a ipwetiu won fanü ren pelimöngün pechen.

Pwärätä 4:3

Won mesen ewe mi mot a saramaram usun ekewe fau aüchea mi arauarau fetil me par iter jasper me karnelian, nge pwelin ünükün ewe lenien motun king a wor eu resim mi wewe ngeni anüen eföü fau aüchea itan emeralt.

Pwärätä 4:9

Iwe, ekewe föman mönümanau ra köl kölün ling me iteüöch me kilisou ngeni ewe eman mi mot won ewe lenien motun king, ewe mi manau tori feilfeilachök. Lupwen ra föri iei usun,

Pwärätä 5:13

Iwe, üa rongorong pwe förien Kot meinisin lon läng pwal won fanüfan, lon lenien failol pwal lon matau ra kölü ei köl: “Ingemwar me iteöch me ling me manaman ngeni ewe mi mot won ewe lenien motun king me ewe Lam tori feilfeilachök.”

Pwärätä 5:7

Iwe, ewe Lam a feila o a angei ewe toropwe seni pöüifichin ewe mi mot won ewe lenien motun king.

Pwärätä 6:1

Mürin üa küna pwe ewe Lam a ülei ewe aeuin pwau seni ekewe fisu. Iwe, üa rongorong pwe eman me lein ekewe föman mönümanau a apasa ren mwelian mi wewe ngeni chopun chopulap, “Etto!”

Pwärätä 6:16

Ra kökkö ngeni ekewe chuk me ekewe achau, “Oupwe turutiu wom o aopakem seni mesen ewe eman mi mot won ewe lenien motun king, pwal seni än ewe Lam song.

Pwärätä 8:1

Iwe, lupwen ewe Lam a ülei ewe afisuen pwau a wor eu lüa lon läng lon ükükün esop awa.