Pwärätä 4:9 - Chuukese Bible

⁹ Iwe, ekewe föman mönümanau ra köl kölün ling me iteüöch me kilisou ngeni ewe eman mi mot won ewe lenien motun king, ewe mi manau tori feilfeilachök. Lupwen ra föri iei usun,

Pwärätä 4:9 Iomraidhean Croise

Kölfel 47:8

Kot a nemeni ekewe mwü, Kot a mot won an lenien motun king mi pin.

Kölfel 48:14

“Iei i Kot, ach Kot tori feilfeilachök. I epwe emwenikich tori feilfeilachök.”

Ekistos 15:18

En Samol mi Lapalap kopwe nemenem tori feilfeilachök.”

Aisea 6:1

Lon ewe ier, lupwen ewe king Ussia a mäla, üa küna ewe Samol, a mot won eu lenien motun king mi fokun tekia, nge lepwülün üfan a aurala lon ewe imwenfel.

Taniel 12:7

Iwe, ewe mwän mi üföüf üf mi pwechepwech o ütä asen ewe chanpupu a aitietä läng pöüifichin me pöüimöngün. Üa rong pwe a akapelü Ewe mi Manau tori feilfeilachök o apasa, “Epwe la ülüngat esop ier, nge lupwen manamanen ewe mi ariaföüü ekewe aramas mi pin epwe wes, ekei mettoch meinisin repwap pwönüetä.”

Taniel 4:34

Iwe, ewe king a üra, “Wesin ekewe fisu ier, ngang Nepukatnesar üa netä läng o miritsefäl. Iwe, üa mwareiti Ewe mi Fokun Tekia o manau tori feilfeilachök, üa pwal alinga o asamolu i. Pun an nemenem esap müchüla, nge mwün a nonom seni eu täppin aramas tori pwal eu täppin.

Tuteronomi 32:40

Pun üa aitietä pei läng o pwon fän akapel: Mwo manauei mi nom rei tori feilfeilachök,

Ipru 7:25

Iei mine a tongeni amanaua chokewe meinisin mi arap ngeni Kot ren i fansoun meinisin, pun a manau tori feilfeilachök pwe epwe tüngor ngeni Kot fänäsengesiir.

Ipru 7:8

Ren ekewe souasor mi ionifengeni ewe leengol, ir aramas repwe tolong lon mäla. Nge ren Melkisetek a angei ewe leengol, i ewe eman mi manau, esap mäla usun mine a mak lon ekewe Toropwe mi Pin.

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.

Pwärätä 10:6

o a pwon ren an öpölü iten Kot ewe mi manau tori feilfeilachök, ewe mi föri läng me fanüfan me matau pwal meinisin mine a nom lor. Iwe, ewe chon läng a apasa, “Esap chüen wor fansoun witiwit.

Pwärätä 15:7

Mürin eman me lein ekewe föman mönümanau a ngeni ekewe füman chon läng fisu sepi seni kolt mi ur ren än Kot lingeringer, i ewe Kot mi manau tori feilfeilachök.

Pwärätä 21:5

Mürin ewe mi mot won ewe lenien motun king a apasa, “Nengeni, üpwe asöfösefäli mettoch meinisin.” A pwal üreniei, “Kopwe makkeetiu ekei kapas, pun ra let o allükülük.”

Pwärätä 4:2

Lon ewe chök otun üa nom lon Ngün. Ikenan lon läng a wor eu lenien motun king, eman a mot won.

Pwärätä 4:8

Eman me eman ekewe föman mönümanau a wor wonofoch pöükässin, nge won me fän pöükässiir ra kula ren föün mas. Lerän me lepwin resap ükütiu le kölü ei köl: “A pin, a pin, a pin ewe Samol Kot mi Unusen Manaman, i ewe a fen nonom, ewe a nom iei me ewe epwe feito me mürin.”

Pwärätä 5:1

Iwe, üa küna echö toropwe mi numunumula lon pöüifichin ewe mi mot won ewe lenien motun king. A kula ren mak lepekin me rüepek, nge a pwau ren fisu pwau.

Pwärätä 6:16

Ra kökkö ngeni ekewe chuk me ekewe achau, “Oupwe turutiu wom o aopakem seni mesen ewe eman mi mot won ewe lenien motun king, pwal seni än ewe Lam song.

Pwärätä 7:15

Iei popun ra ütä mwen än Kot we lenien motun king o ra angang ngeni lerän me lepwin lon imwan imwenfel. Iwe, ewe mi mot won ewe lenien motun king epwe nonom rer o tütümwünüür.