Pwärätä 4:8 - Chuukese Bible

⁸ Eman me eman ekewe föman mönümanau a wor wonofoch pöükässin, nge won me fän pöükässiir ra kula ren föün mas. Lerän me lepwin resap ükütiu le kölü ei köl: “A pin, a pin, a pin ewe Samol Kot mi Unusen Manaman, i ewe a fen nonom, ewe a nom iei me ewe epwe feito me mürin.”

Pwärätä 4:8 Iomraidhean Croise

Keneses 17:1

Iwe, lupwen Apram a ierini tiwe me tiu, ewe Samol mi Lapalap a pwä ngeni o üreni, “Ngang ewe Kot mi Unusen Manaman. Kopwe manau me fän mesei o unusen föföröch.

Kölfel 91:1

Eman mi nom ren Ewe mi Unusen Tekia pwe epwe op ren o nonom fän än Ewe mi Unusen Manaman tümwün,

Ekistos 15:11

Ai Samol mi Lapalap, iö a wewe ngonuk lein ekewe kot? Iö a wewe ngonuk lon om pin mi tekia, pwal lon om föför mi ling o eniwokus me lon om föri manaman?

Ekistos 3:14

Nge Kot a üreni Moses, “Ngang ngang echök. Iei usun mine kopwe üreni ekewe aramasen Israel, ‘Ewe mi iteni Ngang a tinieito remi.’”

Aisea 13:6

Oupwe pupuchör, pun a arap ränin ewe Samol mi Lapalap, ewe rän mi awarato feiengau me ren ewe Kot mi Unusen Manaman.

Aisea 62:1

Iwe, üsap tongeni fanafanala fän iten Sion, üsap pwal tongeni mosonoson fän iten Jerusalem tori an pwüng epwe tittin usun akkar, nge an küna manau epwe tin usun efoch töl mi pulopul.

Isikiel 1:18

Iwe, ekewe rüanü wiil a wor ünükür pwal mwüchün lor, nge ünükür a kula ren föün mas.

Isikiel 1:5

Iwe, a pwä me lon ewe ekkei lapalapen föman mönümanau, ra lapalapeni lapalapen aramas,

Isikiel 1:6

nge iteiten eman me eman leir a wor rüanü won mesan, pwal fofoch pöükässin.

Isikiel 10:12

Iwe, unusen inisin ekewe kerop, sökürür, pöür me pöükässir ra kula ren föün mas. Ina usun pwal ekewe wiil mi nom lepekir.

Sowel 1:15

Eniwokusun lon ewe rän. Pun ränin ewe Samol mi Lapalap a arap. Ewe rän a war, eu ränin afeiengau me ren ewe Kot mi Unusen Manaman.

Föför 20:31

Iei mine oupwe mamasa. Oupwe chechemeni pwe lon ükükün ülüngat ier, üsap ükütiu le fönöü eman me eman leimi lerän me lepwin fän chönün mesei.

2. Korint 6:18

Ngang üpwe sememi, Nge ämi oupwe nei mwän me nei fefin, iei alon ewe Samol mi Unusen Manaman.”

1. Tesalonika 2:9

Ämi pwiim kana, oua fokun chechemeni usun äm angang weires. Äm aia angang lerän me lepwin pwe aisap aweiresikemi lupwen aia afalafala ngenikemi ewe Pworausen Manau seni Kot.

1. Timoty 4:16

Kopwe püsin tümwünuk, kopwe pwal tümwünü mine ka afalafal won. Kopwe likitü le föri ekei mettoch, pun are kopwe föri iei usun, kopwe püsin amanauok me chokewe mi aüselingok.

2. Timoty 4:2

pwe kopwe afalafala ewe Kapasen Kot. Kopwe achocho ngeni om kopwe arongafeili ewe Kapas, ese lifilifil ika lon fansoun öch ika lon fansoun ese öch. Kopwe föri ewe angangen fön, apwüng me apöchöküla manauen souläng lupwen ka föri ewe angangen asukul fän mosonotam.

Ipru 13:8

Jesus Kraist usun ewe chök lom, ikenai tori feilfeilachök.

Pwärätä 1:4

Kapong seni Johannes ngeni ekewe fisu mwichefel lon ewe fanü Asia: Ümöümöch me kinamwe seni Kot epwe nonom remi, ewe Kot mi nom iei, ewe a fen nonom me ewe epwe feito me mürin, pwal seni ekewe füman ngün mi nom mwen an we lenien motun king,

Pwärätä 1:8

“Ngang ewe Aemanün me Amüchülan,” iei alon ewe Samol, ewe Kot mi Unusen Manaman, i ewe a nom iei, ewe a fen nonom me ewe epwe feito me mürin.

Pwärätä 11:17

Iwe, ra apasa, “Äm aia kilisou ngonuk äm Kot, Samol mi Unusen Manaman, ka nom iei o ka fen nonom, pun ka angei om manaman mi lapalap o popuetä le nemenem!

Pwärätä 14:11

Iwe, ötüötün ewe ekkei mi ariaföüür a ötütä tori feilfeilachök. Lerän me lepwin esap wor ngas fän iten chokewe mi fel ngeni ewe manmwacho me uluulun we, fän iten chokewe meinisin mi eäni asisilen itan.”

Pwärätä 14:3

Ekei ipükü faik me rüanüngeröü aramas ra ütä mwen ewe lenien motun king, mwen ekewe föman mönümanau me ekewe souakom. Ekei aramas ra fen küna manau seni won fanüfan, ra kölü echö köl mi fö, ir chök ra tongeni silei.

Pwärätä 15:3

Iwe, ra köl ewe köl än Moses ewe chon angang ngeni Kot, pwal ewe köl än ewe Lam: “Äm Kot, Samol mi Unusen Manaman, a tekia o amwarar om angang kana! En kingen ekewe mwü, a pwüng o let om kewe föför!

Pwärätä 15:7

Mürin eman me lein ekewe föman mönümanau a ngeni ekewe füman chon läng fisu sepi seni kolt mi ur ren än Kot lingeringer, i ewe Kot mi manau tori feilfeilachök.

Pwärätä 16:14

Ir anün rochopwak mi föri manaman. Ekei ülüman ngün ra feila ren ekewe kingen unusen fanüfan ar repwe achufengeniir, pwe repwe maun lon ewe rän mi lap än Kot ewe mi Unusen Manaman.

Pwärätä 16:7

Mürin üa rongorong mwelien eman seni ewe rongen asor a apasa, “Kot, Samol mi Unusen Manaman! Pwüngün om kewe kapwüng ra wesewesen let o pwüng!”

Pwärätä 19:15

Seni lon awan a itiwu efoch ketilas mi ken, pwe epwe nöünöü le akufu chon ekewe mwü. Epwe nemeniir ren efoch wokomächä, epwe puri ekewe uän wain lon ewe lenien üchüch, wewen ei, än Kot, ewe mi Unusen Manaman, lingeringer mi fokun afeiengau.

Pwärätä 19:4

Iwe, ekewe rüwe me föman souakom me ekewe föman mönümanau ra chapetiu o fel ngeni Kot, ewe mi mot won an lenien motun king. Ra apasa, “Amen! Ousipwe mwareiti Kot.”

Pwärätä 21:22

Nge üsap küna eu imwenfel me lon ewe telinimw, pun imwenfelin lon iei ewe Samol Kot mi Unusen Manaman me ewe Lam.

Pwärätä 3:7

“Kopwe makkei ngeni ewe chon künöön ewe mwichefel lon Filatelfia: Iei alon ewe eman mi pin o let, ewe mi amwöchü ewe ki än Tafit. Iwe, met a suki ngeni ewe ki esap wor eman a tongeni öpüngala, nge met a öpüngala esap wor eman a tongeni suki.

Pwärätä 4:4

Iwe, pwelin ünükün ewe lenien motun king a wor rüwe me rüanü lenien motun king ia rüwe me föman souakom ra mot ie, ra üföüf üf mi pwechepwech o mwärämwär mwärämwär seni kolt.

Pwärätä 4:6

Me mwen ewe lenien motun king a pwal wor och mi usun chök eu matau seni kilas, a kurufat usun ewe fau itan kristal. Iwe, pwelin ünükün ewe lenien motun king me rüanü pekin a wor föman mönümanau, ra kula ren föün mas me mwer pwal me lükisökürür.

Pwärätä 4:9

Iwe, ekewe föman mönümanau ra köl kölün ling me iteüöch me kilisou ngeni ewe eman mi mot won ewe lenien motun king, ewe mi manau tori feilfeilachök. Lupwen ra föri iei usun,

Pwärätä 5:6

Mürin üa küna eman Lam a ütä lukalapan mwen ewe lenien motun king, nge ekewe föman mönümanau me ekewe rüwe me föman souakom ra pweli ünükün. Ewe Lam a usun itä nge a ninnila. A wor füfoch mächän me füföü föün mesan, ir ekewe füman Ngünün Kot ra titila won unusen fanüfan.

Pwärätä 6:1

Mürin üa küna pwe ewe Lam a ülei ewe aeuin pwau seni ekewe fisu. Iwe, üa rongorong pwe eman me lein ekewe föman mönümanau a apasa ren mwelian mi wewe ngeni chopun chopulap, “Etto!”

Pwärätä 6:6

Iwe, üa rongorong och mi wewe ngeni eu möngüngü mi feito seni lein ekewe föman mönümanau a apasa, “Liwinin ruu paun pilawa mi amas seni föün wiich iei ükükün peiofen eman chon angang lon eu rän, pwal liwinin wonu paun pilawa mi amas seni föün parli iei ükükün peiofen eman chon angang lon eu rän. Nge kosap afeiengaua ekewe irä olif me ekewe irän wain!”

Pwärätä 7:11

Ekewe chon läng meinisin ra ütä pwelin ünükün ewe lenien motun king, pwal ünükün ekewe souakom me ekewe föman mönümanau. Mürin ra chapetiu mwen ewe lenien motun king o fel ngeni Kot.

Pwärätä 7:15

Iei popun ra ütä mwen än Kot we lenien motun king o ra angang ngeni lerän me lepwin lon imwan imwenfel. Iwe, ewe mi mot won ewe lenien motun king epwe nonom rer o tütümwünüür.