Pwärätä 4:5 - Chuukese Bible

⁵ Seni ewe lenien motun king a towu inefi, ngüngü me chopun chopulap. Me mwen ewe lenien motun king a wor füfoch töl mi tin, ir ekewe füman Ngünün Kot.

Pwärätä 4:5 Iomraidhean Croise

Keneses 15:7

Mürin, Kot a üreni, “Ngang ewe Samol mi Lapalap. Üa emwenukowu seni Ur lon ewe fanü Papilon, pwe üpwe ngonuk ei fanü pwe kopwe fanüeni.”

2. Kronika 4:20

ekewe lenien atittin me ar kewe lamp seni kolt mi mürina, repwe tin me mwen ewe rum mi unusen pin, usun a fen pwüngüla,

Kölfel 68:35

Kot a men eniwokus, lupwen a towu seni imwan mi pin. I ewe Koten Israel mi ngeni nöün kewe aramas manaman me pöchökül. Sipwe mwareiti Kot!

Ekistos 19:16

Nge lesosorun ewe aülüngatin rän a fis chopulap me fifi. A wor eu kuchuchol won ewe chuk, a pwal tik eu rappwa mi tikimong. Iwe, ekewe aramas mi nom lon ewe leni ra chechech ren ar niuokus.

Ekistos 20:18

Iwe, lupwen ekewe aramas meinisin ra rong ewe chopulap me tikin ewe rappwa o küna ewe fifi me ewe ötüöt mi ötütä seni ewe chuk, ra niuokus o chechech. Ra ütato me toau

Ekistos 25:37

Kopwe pwal föri fisu lamp fän iten ewe lenien atittin. Ekewe lamp repwe nom won pwe repwe asarama mwan.

Ekistos 37:23

Iwe, a pwal föri fisu lamp fän iten ewe lenien atittin, ekewe fich me lenien mooch seni kolt mi mürina.

Isikiel 1:13

Iwe, lukalapen ekewe mönümanau a wor och mi usun chök molien ekkei mi sarara, pwal usun chök töl mi mwökütükütfetal lein ekewe mönümanau. Iwe, ewe ekkei a saramaram, nge fifi a fifiwu seni me lon.

Sowel 3:16

Iwe, ewe Samol mi Lapalap a leüömong le kökkö seni Sion, mwelian a towu seni Jerusalem, iwe, läng me fanüfan ra chechech ren. Nge ewe Samol mi Lapalap epwe eu lenien op fän iten nöün aramas, pwal eu imwen maun mi pöchökül fän iten chon Israel.

Sekaraia 4:2

Iwe, a aisiniei, “Met ka küna?” Nge üa pälüeni, “Üa küna eu lenien atittin seni kolt, nge mi wor eu sepi fän iten noppuk a nom won. Mi pwal wor fisu lamp won ewe lenien atittin, nge fisu paip ra feila ngeni ekewe lamp.

Mateus 25:1

“Lon ewe fansoun Mwün Läng epwe wewe ngeni engol föpwül mi angei nöür kewe lamp o feila souni ewe mwän apwüpwülü söfö.

Mateus 3:11

Ngang üa papataisikemi ren koluk pwe asisilen ämi aier. Nge ewe eman epwe war me müri epwe papataisikemi ren Ngünmifel me ekkei. I a lap seniei, pwe ngang üsap fich ngeni ai üpwe mwo nge uwou ipwan sus.

Föför 2:3

Mürin ra küna chön mongö usun ekkei mi parasfeil, a feitiu won eman me eman ekewe aramas mi nom ikenan.

Pwärätä 1:4

Kapong seni Johannes ngeni ekewe fisu mwichefel lon ewe fanü Asia: Ümöümöch me kinamwe seni Kot epwe nonom remi, ewe Kot mi nom iei, ewe a fen nonom me ewe epwe feito me mürin, pwal seni ekewe füman ngün mi nom mwen an we lenien motun king,

Pwärätä 10:3

Iwe, a kökkö ren mwelian mi leüömong mi wewe ngeni wörüwörün eman laion. Mürin an kökkö, fisu chopulap ra leüömong le pölüeni.

Pwärätä 11:19

Mürin än Kot we imwenfel lon läng a sukula, o a pwä ewe pworofel mi nom ikenan. Iwe, a fis fifin inefi, ngüngü me chopun chopulap, pwal chechechin fanü me üten fau mi püngüchou.

Pwärätä 3:1

“Kopwe makkei ngeni ewe chon künöön ewe mwichefel lon Sartis: Iei alon ewe eman mi eäni ekewe füman ngünün Kot me ekewe füföü fü. Üa silei om kewe föför, pwe mi wor itom itä ka manau, nge ka mä.

Pwärätä 5:6

Mürin üa küna eman Lam a ütä lukalapan mwen ewe lenien motun king, nge ekewe föman mönümanau me ekewe rüwe me föman souakom ra pweli ünükün. Ewe Lam a usun itä nge a ninnila. A wor füfoch mächän me füföü föün mesan, ir ekewe füman Ngünün Kot ra titila won unusen fanüfan.

Pwärätä 8:5

Mürin ewe chon läng a angei ewe sepi fän iten apach mi pwokus, a amasoua ren ekewe molien ekkei mi nom won ewe rongen asor o a monetiu won fanüfan. Iwe, a fis ngüngü, chopun chopulap, fifi me chechechin fanü.