Pwärätä 4:2 - Chuukese Bible

² Lon ewe chök otun üa nom lon Ngün. Ikenan lon läng a wor eu lenien motun king, eman a mot won.

Pwärätä 4:2 Iomraidhean Croise

1. King 22:19

Mikaia a sopwela le kapas, “Iei kopwe aüselinga alon ewe Samol mi Lapalap: Üa küna ewe Samol mi Lapalap pwe a mot won an lenien motun king, nge unusen ewe mwichen chon läng ra ütä ünükün.

Kölfel 11:4

Ewe Samol mi Lapalap a nom lon imwan mi pin, än ewe Samol mi Lapalap lenien motun king a nom lon läng. A netiu won fanüfan o ouwasacha aramas meinisin, a pwal silei mine ra föri.

Aisea 6:1

Lon ewe ier, lupwen ewe king Ussia a mäla, üa küna ewe Samol, a mot won eu lenien motun king mi fokun tekia, nge lepwülün üfan a aurala lon ewe imwenfel.

Jeremaia 17:12

Ach imwenfel a wewe ngeni än king lenien mot mi fokun ling, a tekia seni lepoputan.

Isikiel 1:26

Iwe, asen ewe läng me won mökürer a wor och mi wewe ngeni eu lenien motun king mi för seni ewe fau aüchea itan safaia. Nge ewe mi mot won a lapalapeni lapalapen eman aramas.

Isikiel 1:28

Iwe, usun lapalapen ewe resim a pwä lon kuchu lupwen püngün üt, iei usun lapalapen ewe saram ünükün ewe mi mot. Iei usun lapalapen lingen ewe Samol mi Lapalap. Iwe, lupwen üa küna ei, üa chapetiu lepwül o rongorong mwelien eman mi kapas.

Isikiel 10:1

Iwe, lupwen üa nenela, üa küna och mi wewe ngeni eu lenien motun king mi för seni ewe fau aüchea itan safaia, a pwä me won läng asen möküren ekewe kerop.

Taniel 7:9

Iwe, üa nengeni o küna pwe ra amolätä lenien motun king, nge Kot ewe mi nom seni me lomlom a mottiu won eu. Iwe, üfan a pwechepwech usun snow, möküran a üwan usun chök ülen sip mi pwechepwech, nge an lenien mot me willan kewe ra usun chök pulopulen ekkei.

Mateus 22:43

Mürin Jesus a aisiniir, “Pwota chök ewe Ngünün Kot a amefi ngeni Tafit an epwe aita ngeni i ‘Samol’? Tafit a apasa,

Ipru 8:1

Iwe, iei aüchean mine sia kapas usun: Sia eäni eman Souasor mi Lap a mot lepelifichin ewe mi Unusen Tekia lon läng.

Pwärätä 1:10

Lon ewe Ränin ach Samol üa nom lon Ngün, iwe, üa rongorong eu möngüngü mi leüömong a wewe ngeni efoch rappwa, a kapas me lükisöküri.

Pwärätä 12:5

Mürin ewe fefin a nöünätiu eman ät, i ätewe epwe nemeni mwü meinisin ren efoch wokomächä. Nge eman a angeatä ewe mönükol ren Kot, ewe mi mot won an we lenien motun king.

Pwärätä 17:3

Mürin ewe chon läng a uweieila lon eu fanüapö lupwen ai nom lon Ngün. Ikenan üa küna eman fefin mi mot won eman manmwacho mi par. Ei manmwacho a kula won inisin ren it mi turunufasei Kot. A wor fisu möküran me engol mächän.

Pwärätä 19:4

Iwe, ekewe rüwe me föman souakom me ekewe föman mönümanau ra chapetiu o fel ngeni Kot, ewe mi mot won an lenien motun king. Ra apasa, “Amen! Ousipwe mwareiti Kot.”

Pwärätä 20:11

Mürin üa küna eu lenien motun king mi watte o pwechepwech me ewe eman mi mot won. Fanüfan me läng ra süla seni mwen mesan, nge esap chüen wor leni fän iter.

Pwärätä 21:10

Iwe, lupwen ai nom lon ngün, ewe chon läng a uweieila won ungen eu chuk mi fokun tekia o a aküna ngeniei Jerusalem, ewe Telinimw mi Pin, a feitiu me läng seni Kot,

Pwärätä 21:5

Mürin ewe mi mot won ewe lenien motun king a apasa, “Nengeni, üpwe asöfösefäli mettoch meinisin.” A pwal üreniei, “Kopwe makkeetiu ekei kapas, pun ra let o allükülük.”

Pwärätä 3:21

Iö mi pwora ngeni mine a ngau üpwe mwüt ngeni pwe epwe etiei le mot won ewe lenien motun king, usun pwal ngang üa pwora o mot ren Semei won an lenien motun king.

Pwärätä 4:10

ekewe rüwe me föman souakom ra chapetiu me mwen ewe eman mi mot won ewe lenien motun king o fel ngeni ewe mi manau tori feilfeilachök. Ra isetiu mwäriir kewe me mwen ewe lenien motun king o apasa,

Pwärätä 4:5

Seni ewe lenien motun king a towu inefi, ngüngü me chopun chopulap. Me mwen ewe lenien motun king a wor füfoch töl mi tin, ir ekewe füman Ngünün Kot.

Pwärätä 4:9

Iwe, ekewe föman mönümanau ra köl kölün ling me iteüöch me kilisou ngeni ewe eman mi mot won ewe lenien motun king, ewe mi manau tori feilfeilachök. Lupwen ra föri iei usun,

Pwärätä 5:1

Iwe, üa küna echö toropwe mi numunumula lon pöüifichin ewe mi mot won ewe lenien motun king. A kula ren mak lepekin me rüepek, nge a pwau ren fisu pwau.

Pwärätä 5:13

Iwe, üa rongorong pwe förien Kot meinisin lon läng pwal won fanüfan, lon lenien failol pwal lon matau ra kölü ei köl: “Ingemwar me iteöch me ling me manaman ngeni ewe mi mot won ewe lenien motun king me ewe Lam tori feilfeilachök.”

Pwärätä 6:16

Ra kökkö ngeni ekewe chuk me ekewe achau, “Oupwe turutiu wom o aopakem seni mesen ewe eman mi mot won ewe lenien motun king, pwal seni än ewe Lam song.