Pwärätä 4:11 - Chuukese Bible

¹¹ “Ach Samol me ach Kot, en ka fich ngeni om kopwe angei ling me iteüöch me manaman. Pun ka föri mettoch meinisin, nge ren letipom ra fis o manau.”

Pwärätä 4:11 Iomraidhean Croise

Keneses 1:1

Lepopun Kot a föri läng me fanüfan.

2. Samuel 22:4

Üa kökköri ewe Samol mi Lapalap, ewe mi fich ngeni ach sipwe mwareiti. A amanauaei seni chokewe mi oputaei.

Nehemia 9:5

Mürin, ekewe mwän seni ewe ainangen Lefi Jesua, Katmiel, Pani Hasapneia, Serepia, Hotia, Sepania me Petaia ra apasa, “Oupwe ütä o mwareiti ewe Samol mi Lapalap ämi we Kot tori feilfeilachök. Oupwe mwareiti itan mi ling, a tekia seni ekewe feiöch meinisin me mine aramas ra mwareiti.”

Hiop 36:3

Ai silelap a watte, üpwe aea le pwärätä pwe ewe Chon Föriei a pwüng.

Kölfel 18:3

Üa kökköri ewe Samol mi Lapalap, ewe mi fich ngeni ach sipwe mwareiti. A amanauaei seni ekewe chon oputaei.

Kölfel 68:34

Oupwe asilefeili än Kot manaman, lingan a nom won Israel, nge an manaman a nom lon ekewe läng.

Ekistos 20:11

Pun lon wonu rän ngang ewe Samol mi Lapalap üa föri läng me fanüfan, pwal matau me meinisin mine a wor lor. Nge lon afisuen rän üa asösö. Iei mine üa afeiöchü ewe ränin sapat o apini.

Än Salomon Fos 16:4

Mettoch meinisin ewe Samol mi Lapalap a föri a wor sopolan, nge sopolan ekewe aramasangau repwe feiengau.

Aisea 40:26

Oupwe netä läng. Iö a förätä masouan meinisin? Iwe, Kot a emwenawu mwicheicher meinisin, a pwal aita ngeniir iter. Meinisin ra nom pokiten watten an tufich, pwal ren pöchökülen an manaman.

Aisea 40:28

Ousap silei usun? Are ousap rong usun? Ewe Samol mi Lapalap eman Kot mi nonom tori feilfeilachök, a föri unusen fanüfan. Iwe, esap malülü, esap pwal achanü, nge an tipachem esap wor aükükün.

Jeremaia 10:11

Iei usun mine ämi aramas oupwe üreniir, “Ekewe kot resap föri läng me fanüfan repwe tala. Resap chüen nom won fanüfan.”

Jeremaia 32:17

‘Ai Kot Samol mi Lapalap! En ewe mi föri läng me fanüfan ren om manaman mi watte pwal ren poum mi pöchökül. Esap wor och mine a weires ngonuk.

Föför 14:15

“Pwota oua föri ei sokun lapalap? Äm aramas chök usun chök ämi! Äm aia nom ikei, pwe aipwe aronga ngenikemi ewe Pworausen Manau, pwe oupwe kul seni ämi fel ngeni ekei kot mi lomotongau o fel ngeni ewe Kot mi manau, ewe mi föri läng me fanüfan me matau me meinisin mine a nom lor.

Föför 17:24

Ewe Kot mi föri fanüfan me meinisin mine a wor lon, i Samolun läng me fanüfan, esap nonom lon imwenfel mi för ren pöün aramas.

Nöün Paulus Toropwe ngeni ekewe Souläng lon Rom 11:36

Pun Kot a föri mettoch meinisin, mettoch meinisin ra manau ren o nom fänäsengesin. Kot epwe ling tori feilfeilachök! Amen.

Efisos 3:9

üpwe pwal afataöchü ngeni aramas meinisin usun än Kot we ekiek mi monomon epwe pwönüetä. Kot ewe mi föri mettoch meinisin a amonomona an we monomon lon ekewe fansoun lomlom,

Tuteronomi 32:4

I ewe achau, an föför ra unusen mürina, pun an kewe al meinisin ra pwüng. I eman Kot mi allükülük, esap wor an mwäl, a pwüng o wenechar.

Ipru 1:10

A pwal apasa, “En Samol, lepoputän ka föri fanüfan, nge ren püsin poumw ka föri ekewe läng.

Ipru 1:2

Nge lon ekei ränin sopolan a kapas ngenikich ren Nöün we. I ätewe Kot a föri fanüfan me läng ren, ätewe Kot a filätä pwe epwe eäni mettoch meinisin.

Pwärätä 1:6

a pwal föri senikich eu mwün souasor, pwe sipwe angang ngeni Kot Saman. Jesus Kraist epwe küna ling me manaman tori feilfeilachök! Amen.

Pwärätä 10:6

o a pwon ren an öpölü iten Kot ewe mi manau tori feilfeilachök, ewe mi föri läng me fanüfan me matau pwal meinisin mine a nom lor. Iwe, ewe chon läng a apasa, “Esap chüen wor fansoun witiwit.

Pwärätä 14:7

A apasa ren mwelian mi leüömong, “Oupwe asamolu Kot o mwareiti an tekia! Pun a war ewe fansoun pwe epwe apwüngü chon fanüfan. Oupwe fel ngeni ewe mi föri läng me fanüfan, matau me ekewe lenien puächen koluk!”

Pwärätä 19:1

Mürin ei, üa rongorong och möngüngü mi wewe ngeni mwelien eu mwichen aramas mi watte seni lon läng, ra kökkö fän leüömong, “Ousipwe mwareiti Kot! Manau me ling me manaman a wor ren ach Kot!

Pwärätä 5:12

ra köl ren ngingi mi leüömong: “Ewe Lam mi ninnila a fich ngeni an epwe angei manaman, wöü, tipachem me pöchökül, iteüöch, ling me ingemwar.”

Pwärätä 5:2

Mürin üa küna eman chon läng mi pöchökül a kökkö ren mwelian mi leüömong, “Iö a fich ngeni an epwe ülei ekewe pwau o suki ewe toropwe?”

Pwärätä 5:9

Iwe, ra kölü echö köl mi fö: “En ka fich ngeni om kopwe angei ewe toropwe mi numunumula, ka pwal fich ngeni om kopwe ülei pwaun kewe. Pun en ka ninnila, nge ren chaom ka möni aramas fän iten Kot, ekewe aramas seni ekewe ainang me kapas me mwü me sokopaten aramas meinisin.