Pwärätä 3:9 - Chuukese Bible

⁹ Nengeni, chokewe seni ewe mwich än Satan, ir mi apasa pwe ir chon Juta, nge sap ir chon Juta, pwe ra chofona, üpwe föri pwe repwe feito o chapetiu arun pecheöm. Ir meinisin repwe mefi pwe ngang üa echenuk.

Pwärätä 3:9 Iomraidhean Croise

Ester 8:17

Iwe, lon iteiten sop me telinimw ia än ewe king allük a tori ie, ekewe chon Juta ra pwapwa o mwänek, ra pwal eäni ränin asösö o mongöfengen. Iwe, chomong aramas seni ewe fanü ra eti lamalamen chon Juta, pun ra niuokusiti ekewe chon Juta.

Ekistos 11:8

Iwe, Moses a sopwela le kapas, “Noum kei nöüwis meinisin repwe feito rei, repwe chapetiu fän mesei o tüngor rei, ‘Oupwe feila, en me ekana aramas meinisin ka wisen emweniir.’ Mürin üpwe feila.” Iwe, Moses a feila seni Farao fän watten an song.

Aisea 43:4

Pokiten om aüchea me om itetekia me rei, pwal pokiten ai echenuk, üpwe fangala aramas pwe siwilum, pwal ekewe mwü pwe akasiwilin manauaom.

Aisea 45:14

Iei alon ewe Samol mi Lapalap ngeni Israel, “Wöün Isip me pisekin Itiopia repwe om, nge ekewe chon Sepa mi mwänöch repwe feito reöm pwe kopwe nöüniir amanau. Iwe, repwe tapwela murum fän fööföör selimächä o chapetiu mwom. Repwe tütüngor ngonuk o apasa, ‘Ellet Kot a etuk, esap fokun wor eman Kot lükün.’”

Aisea 49:23

King kana repwe tümwünuk usun eman sam, nge kiwiin repwe oupwu noum usun eman in. Repwe chapetiu fän mesom o chönmongöni pwülün pecheöm. Mürin kopwe silei pwe ngang ewe Samol mi Lapalap. Iwe, chokewe mi apilükülüküei resap lichipüng.

Aisea 60:14

Iwe, nöün chokewe mi ariaföüuk repwe feito o pworotiu mwom, nge meinisin mi turunufaseek repwe chapetiu arun pecheöm. Repwe aita ngonuk telinimwen ewe Samol mi Lapalap, pwal Sion telinimwen Ewe mi Pin lon Israel.

Johannes 17:23

Ngang üa nonom lor o en ka nonom loi, pwe ar eufengen epwe unus, pwe fanüfan epwe silei pwe en ka tinieito, epwe pwal silei pwe en ka echeniir usun ka echeniei.

Pwärätä 2:9

Üa silei om kewe riaföü. Üa silei pwe ka wöüngau, nge ka wesewesen pisekisek. Üa pwal silei pwe ka küna turunufas me ren chokewe mi apasa pwe ir chon Juta, nge sap ir chon Juta, pwe ir eu mwich än Satan.

1. Samuel 2:36

Iwe iteiten eman me eman mi chüen manau lein mwirimwirum kana epwe feito ren ei souasor o chapetiu me fän mesan o tüngor eföü moni silifer ika anan mongö, epwe pwal tüngor ngeni pwe epwe atolonga lon lenien eman ekewe souasor, pwe epwe wor ekis anan mongö.’”