Pwärätä 3:5 - Chuukese Bible

⁵ Iö mi pwora ngeni mine a ngau epwe üföüf ei sokun üf mi pwechepwech, iwe, üsap amola itan seni ewe puken iten chon manau. Nge üpwe pwärätä pwe i nei mwen mesen Semei, pwal mwen mesen nöün kewe chon läng.

Pwärätä 3:5 Iomraidhean Croise

Kölfel 109:13

Amwo mwirimwirin kana repwe mäla, nge iter epwe töttölüwu me lon aruuen täppin aramas.

Kölfel 69:28

Kopwe amoela iter seni ewe puken manau, nge kosap makelong iter lein chon pwüng.

Malakai 3:17

Iei alon ewe Samol mi Unusen Manaman, “Ir repwe nei, repwe fokun nei aramas lon ewe rän üpwe awora. Ngang üpwe eäni ümöümöch ngeniir, usun eman sam a ümöümöch ngeni nöün mwän mi angang ngeni.

Mateus 10:32

“Iwe, iö a pwäriei mwen mesen aramas, pwal ngang üpwe pwäri mwen mesen Semei lon läng.

Lukas 10:20

Nge ousap pwapwa pwe ekewe ngününgau ra aleasochisikemi, nge oupwe pwapwa pwe itemi a mak lon läng.”

Lukas 12:8

“Iwe, üpwe ürenikemi, pwe iö a pwäriei mwen mesen aramas, Nöün Aramas epwe pwal pwäri mwen mesen nöün Kot kewe chon läng.

Tuteronomi 9:14

Kopwe mwüt ngeniei pwe üpwe aroserela o tölala iter seni won fanüfan. Mürin üpwe föri senuk eu mwichen aramas mi pöchökül o chomong seniir.’

Filipi 4:3

Iwe, pwal en chienei chon angang mi allükülük, üa tüngor ngonuk pwe kopwe alisi ekei fefin, pun ra fokun angang weires o etiei le arongafeili ewe Pworausen Manau, irfengen me Klement me pwal ekewe ekoch mi etiei lon ewe angang, ir chokewe meinisin mi mak iter lon än Kot we puken iten chon manau.

Jutas 1:24

Iwe, ngeni i, ewe mi tongeni amwöchükemi pwe ousap tur lon tipis, a pwal tongeni aükemiitä, pwe oupwe unusen limöch o uren pwapwa me mwen an we ling,

Pwärätä 13:8

Iwe, aramas meinisin mi nom won fanüfan repwe fel ngeni, chilon chök chokewe iter a mak lon ewe puken iten chon manau me mwen än Kot esamwo föri fanüfan, iei ewe puk än ewe Lam mi ninnila.

Pwärätä 17:8

Ewe manmwacho ka küna a manau me lom, nge iei esap chüen manau, epwele feitä seni lon ewe pwang mi alolol pwe epwe tolong lon feiengauen pöütmwälila. Ekewe aramas mi nom won fanüfan iter esap mak lon ewe puken iten chon manau me mwen än Kot esamwo föri fanüfan, ir meinisin repwe mairü lupwen repwe nenengeni ewe manmwacho, pun a manau me lom o iei esap chüen manau, nge epwe pwal pwäsefäl.

Pwärätä 19:8

Kot a ngeni echö üf mi limöch, a pwechepwech o molupolup pwe epwe üföüf.” (Ewe üf mi pwechepwech iei än ekewe chon pin föför mi pwüng.)

Pwärätä 2:11

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau esap küna feiengau ren ewe aruen mäla.”

Pwärätä 2:7

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe mwütätä pwe epwe mongö seni ewe irän manau mi nom lon än Kot we tanipi.”

Pwärätä 20:12

Iwe, üa küna ekewe mi mäla, ekewe aramas tekia me aramas kis, ra ütä me mwen ewe lenien motun king. Iwe, ekewe puk ra sukula. Mürin pwal eu puk a sukula, iei ewe puken iten chon manau. Iwe, ekewe mi mäla ra küna kapwüng won mine ra föri usun a makketiu lon ekewe puk.

Pwärätä 20:15

Iö esap mak itan lon ewe puken iten chon manau a koturulong lon ewe nomun ekkei.

Pwärätä 21:27

Nge esap fokun wor och mi limengau epwe tolong lon ewe telinimw, ika eman mi föri föför mi asäw, ika eman mi chofona. Pun chokewe chök a mak iter lon än ewe Lam puken iten chon manau repwe tolong lon ewe telinimw.

Pwärätä 22:19

Nge are eman epwe angei och seni ekewe kapasen osuni mi mak lon ei puk, Kot epwe angei seni wisan me won ewe irän manau pwal wisan me won ewe Telinimw mi Pin usun a mak lon ei puk.

Pwärätä 3:12

Iö mi pwora ngeni mine a ngau üpwe föri pwe epwe efoch ür lon än ai we Kot we imwenfel, nge esap chüen towu seni. Iwe, üpwe makkei won iten ai we Kot, pwal iten än ai we Kot we telinimw, ewe Jerusalem mi fö, epwe feitiu me läng seni ai we Kot, üpwe pwal makkei won itei we mi fö.

Pwärätä 3:4

Nge mi wor ekoch me leimi lon Sartis, ir resap alimengaua üfer. Iwe, repwe chiechi ngeniei fän üfer mi pwechepwech, pun ra fich ngeni.

Pwärätä 6:11

Mürin Kot a ngeni eman me eman leir echö üf mi pwechepwech o a üreniir, pwe repwe mwo asösö ekis chök fansoun mochomoch, tori epwe unus iteiten chiechier kewe chon angang me pwiir kewe repwe ninnila usun chök ir.

1. Samuel 17:25

Iwe, ekewe re Israel ra kapasfengen lefiler, “Oua küna ei mwän mi feito? Ellet a feito pwe epwe apälüa Israel. Iö mi niela ätei, ewe king epwe lifang ngeni pisek mi chomong, epwe pwal apwüpwülüa ngeni nöün fefin o angasala chon leimwen saman seni takises me lon Israel.”