Pwärätä 3:4 - Chuukese Bible

⁴ Nge mi wor ekoch me leimi lon Sartis, ir resap alimengaua üfer. Iwe, repwe chiechi ngeniei fän üfer mi pwechepwech, pun ra fich ngeni.

Pwärätä 3:4 Iomraidhean Croise

1. King 19:18

Nge üpwe amanaua fisungeröü aramas me lon Israel, chokewe meinisin resap fotopwäsuk ngeni uluulun ewe anü Paal ika mitiri.”

Ester 8:15

Iwe, Mortokai a towu seni fän mesen ewe king fän üfen king mi arauarau me pwech, a pwal üföüf echö owokot mi parachol o mwärini epa mwärämwär seni kolt. Iwe, chon ewe telinimw Susa ra mweireir fän pwapwa.

Kölfel 68:14

Lupwen Ewe mi Unusen Manaman a atoropasafeili ekewe king won ewe fanü, snow a püngütiu won ewe chuk Salmon.

Än Salomon Afalafal 9:8

Kopwe üföüf üf mi fokun öch fansoun meinisin, kopwe pwal ekepiti mökürom ngeni lö.

Aisea 1:9

Are ewe Samol mi Unusen Manaman esap amanaua ekoch leich, sipwe usun chök chon Sotom me chon Komora.

Aisea 52:1

Kopwe pwätä, kopwe pwätä, Jerusalem, kopwe angei pöchökül pwe kopwe pöchökülsefäl. Kopwe pwilitalong womw ufom mi ling, en Jerusalem ewe telinimw mi pin. Iwe, chokewe resap sirkomsais pwal chokewe mi limengau resap chüen tolong lomw.

Aisea 59:6

Iwe, türünier tür resap lomot ngeni üf, aramas resap tongeni üföüf. Ar angang angangen föföringau chök, nge pöür ra chök föri föförün chon mwänewüs.

Aisea 61:10

Üpwe fokun pwapwa ren ewe Samol mi Lapalap, ngüni epwe mwänek ren ai Kot. Pun a aüföüfa ngeniei manau, a pwal pwilitalong woi pwüng pwe ina üfei. Üa wewe ngeni eman mwän apwüpwülü söfö, a foutei ngeni foutan, üa pwal wewe ngeni eman fin apwüpwülü söfö, a mwärämwär mwärin fau aüchea.

Aisea 61:3

Üpwe ngeni chokewe mi letipeta lon Sion epa mwärämwär siwilin falangen won mökürer, pwapwa siwilin kechü, pwal kölün mwareiti siwilin letipeta. Iwe, repwe wewe ngeni irä ewe Samol mi Lapalap a püsin fotuki, repwe föri mine a pwüng pwe Kot epwe küna ling ren.

Aisea 64:6

Äm meinisin aia usun chök eman aramas mi limengau, äm föförün pwüng meinisin ra usun chök mekipwülün sof mi fokun limengau. Äm meinisin aia aiolol usun chön irä, nge äm tipis a ässikeemila usun asepwäl a ässala mettoch.

Lifitikos 13:48

are a nom won echö mangaku mi för seni sokun silin irä ika seni ülen man, are a pwal nom won silin man ika won och pisek mi för seni silin man,

Mateus 10:11

Lupwen oupwe tolong lon eu telinimw ika sopw, oupwe pii iön aramas mi pwapwaiti an epwe etiwakemi. Iwe, oupwe nonom lon imwan tori ämi oupwe feil seni ewe leni.

Markus 16:5

Iwe, lupwen ar tolong lon ewe peias, ra küna eman alüal mi üföüf echö üf mi pwechepwech, a mot lepelifichin ewe peias me epek. Iwe, ra fokun rükö.

Lukas 20:35

nge ekewe mwän me fefin mi fich ngeni ar repwe manausefäl seni mäla o manau lon ewe fansoun epwe feito resap pwüpwülü.

Lukas 21:36

Oupwe mamasa o iotek fansoun meinisin, pwe epwe wor ämi pöchökül pwe oupwe tongeni sü seni ekei mettoch meinisin lupwen repwe fisitä o oupwe tongeni ütä me mwen Nöün Aramas.”

Föför 1:15

Ekoch rän mürin a fis eu mwichen chon lükülük, ina epwe ükükün ipükü rüwe. Iwe, Petrus a ütä lefiler

2. Tesalonika 1:5

Ekei mettoch meinisin ra alletätä pwe än Kot kapwüng a pwüng. Iei popun oupwe fich ngeni ämi oupwe alealong lon Mwün Kot, ewe mwü oua riaföü fänäsengesin.

Jutas 1:23

oupwe amanaua ekewe ekoch aramas ren ämi angeerewu seni ewe ekkei, iwe, ngeni pwal ekewe ekoch oupwe eäni tong ngeniir fiti niuokus, nge oupwe fen mwo nge oput ewe üf a limengau ren mocheniangauen fituker.

Pwärätä 1:11

A apasa, “Kopwe makkeetiu lon toropwe mine ka küna o kopwe tinala ngeni ekewe fisu mwichefel: Efisos, Smirna, Perkamon, Tiatira, Sartis, Filatelfia me Laotisea.”

Pwärätä 11:13

Lon ewe chök otun a wor eu chechechin fanü mi pöchökül o eu leengolun ewe telinimw a tala. Iwe, fisungeröü aramas ra mäla ren, nge ekewe lusun aramas mi chüen manau ra fokun rükö o mwareiti manamanen ewe Kot mi nom läng.

Pwärätä 14:4

Ir chokewe mi püsin tümwünüür pwe resap alimengauer ren ar tipis ngeni fefin, ra usun chök föpwül resamwo tori mwän. Ra tapwela mürin ewe Lam ekis meinisin ia a feila ie. Ra fen küna manau me lein ekewe aramasen fanüfan, pwe ir ekewe mweinöü fän iten Kot me ewe Lam.

Pwärätä 19:14

Iwe, ekewe mwichen sounfiu seni läng ra tapwela mürin, ra wawa oris mi pwechepwech, ra pwal üföüf üf mi limöch o pwechepwech.

Pwärätä 19:8

Kot a ngeni echö üf mi limöch, a pwechepwech o molupolup pwe epwe üföüf.” (Ewe üf mi pwechepwech iei än ekewe chon pin föför mi pwüng.)

Pwärätä 3:18

Iei mine üpwe ürenuk mine kopwe föri: Kopwe kamö seniei kolt mi limelim ren ekkei, pwe kopwe pisekisekila. Kopwe pwal kamö üf mi pwechepwech, pwe kopwe üföüf o pwölüela asäwen om selela. Kopwe pwal kamö säfeen mas, pwe kopwe säfeeni mesom pwe kopwe tongeni küna mwomw.

Pwärätä 3:5

Iö mi pwora ngeni mine a ngau epwe üföüf ei sokun üf mi pwechepwech, iwe, üsap amola itan seni ewe puken iten chon manau. Nge üpwe pwärätä pwe i nei mwen mesen Semei, pwal mwen mesen nöün kewe chon läng.

Pwärätä 4:4

Iwe, pwelin ünükün ewe lenien motun king a wor rüwe me rüanü lenien motun king ia rüwe me föman souakom ra mot ie, ra üföüf üf mi pwechepwech o mwärämwär mwärämwär seni kolt.

Pwärätä 6:11

Mürin Kot a ngeni eman me eman leir echö üf mi pwechepwech o a üreniir, pwe repwe mwo asösö ekis chök fansoun mochomoch, tori epwe unus iteiten chiechier kewe chon angang me pwiir kewe repwe ninnila usun chök ir.

Pwärätä 7:9

Mürin ei, üa küna eu mwich mi fokun chocho, esap wor eman aramas a tongeni aleaniir. Ra feito seni sokopaten mwich, ainang, mwü me kapas meinisin. Iwe, ra ütä me mwen ewe lenien motun king me ewe Lam, ra üföüf üf mi pwechepwech o ra amwöchü paan nü lepöür.