Pwärätä 3:3 - Chuukese Bible

³ Iei mine kopwe chechemeni mine ka kaiö o mine ka rongorong, kopwe aleasochis o aier seni om tipis. Nge are kosap nela, üpwe feito womw usun eman chon solä, nge kosap silei ewe otun üpwe feito reöm.

Pwärätä 3:3 Iomraidhean Croise

Isikiel 20:43

Ikenan oupwe chechemeni ämi kewe föför meinisin oua alimengauakemi ren. Oupwe püsin anioputakemi ren ekewe föföringau meinisin oua föriir.

Isikiel 36:31

Mürin oupwe chechemeni ämi lapalapangau me ämi föföringau, nge oupwe püsin anioputakemi pokiten ämi tipis me ämi föför mi anioput.

Mateus 25:13

Iei mine oupwe mamasa, pun ousap silei lon meni rän ika kulok Nöün Aramas epwe war lon.

Markus 13:33

Oupwe mamasa o afälikemi, pun ousap silei inet ewe fansoun epwe war lon.

Markus 13:36

Are epwe müttir feito, esap öch an epwe künok lon om möür.

1. Tesalonika 5:2

Pun ämi oua püsin silefichi, pwe ewe rän ach Samol epwe war lon epwe usun chök än eman chon solä war lepwin.

1. Timoty 6:20

Iwe, en Timoty, kopwe tümwünü met Kot a lükü ngonuk. Kosap aüseling ngeni kapas mi ngau me ekewe kapasen anini mi lomotongau, ekoch aramas ra aita ngeni “silelap”, nge a mwäl rer.

2. Timoty 1:13

Kopwe kamwöchünük won ekewe kapas mi let üa aiti ngonuk, pwe repwe eu lenien apirü ngonuk lon om afalafal. Kopwe apposok lon ewe lükülük me chen mi nom lon Kraist Jesus.

Ipru 2:1

Iei mine sipwe fokun kamwöchünük won ekewe kapas mi let sia fen rongorong, pwe sisap tokola seni.

2. Petrus 1:13

Üa ekieki pwe a chök pwüng ngeniei ai üpwe achema ngenikemi usun ekei mettoch lon ükükün fansoun üa chüen manau.

2. Petrus 3:1

Iwe, ämi chiechiei mi achengicheng, iei aruachön nei toropwe ngenikemi. Lon ekei ruochö toropwe üa sotuni ai üpwe amwökütü ekewe ekiek mi limöch lon letipemi ren ai achema ngenikemi ekei mettoch.

2. Petrus 3:10

Nge ränin ewe Samol epwe war usun eman chon solä. Lon ewe rän läng epwe morola ren püngün chopulap o minen läng repwe karala o tala, nge fanüfan me meinisin mine a nom lon resap chüen nom.

Pwärätä 16:15

“Nengeni, üpwe feito usun eman chon solä! A feiöch ätewe mi nenela o tümwünü üfan kewe, pwe esap fetalfeil lon an selela o säw ren aramas.”

Pwärätä 2:25

Nge oupwe chök kamwöchünük won mine oua eäni tori üpwe war.

Pwärätä 2:5

Kopwe chechemeni ia ka tur me ie, kopwe aier seni om tipis o föri ekewe föför ka föri me lepoputän. Nge are kosap aier seni om tipis, üpwe feito reöm o angei senuk om we lenien atittin seni lenian.

Pwärätä 22:7

Iei alon Jesus, “Nengeni, üpwe warekai. Ra feiöch chokewe mi aleasochisi ekewe kapasen osuni mi mak lon ei puk!”

Pwärätä 3:11

Üpwe warekai. Kopwe kamwöchünük won mine ka eäni, pwe esap wor eman epwe angei senuk mwärum.

Pwärätä 3:19

Üa apwüngü o amiriti chokewe meinisin üa tongeer. Iei mine kopwe achocho o aier seni om tipis.

Pwärätä 3:2

Kopwe nela! Kopwe apöchöküla mine a chüen wor reöm me mwen an epwe wesewesen mäla. Pun üa küna pwe om kewe föför resap unusöch mwen mesen ai we Kot.