Pwärätä 3:12 - Chuukese Bible

¹² Iö mi pwora ngeni mine a ngau üpwe föri pwe epwe efoch ür lon än ai we Kot we imwenfel, nge esap chüen towu seni. Iwe, üpwe makkei won iten ai we Kot, pwal iten än ai we Kot we telinimw, ewe Jerusalem mi fö, epwe feitiu me läng seni ai we Kot, üpwe pwal makkei won itei we mi fö.

Pwärätä 3:12 Iomraidhean Croise

1. King 7:21

Iwe, Huram a aüetä ekewe ruofoch ür mesen kengkangen ewe imwenfel. Ewe efoch a aüetä me ör o aita ngeni Jakin, nge pwal ewe efoch a aüetä me efeng o aita ngeni Poas.

Kölfel 46:4

Mi wor eu chanpupu mi awarato pwapwa ngeni ewe telinimwen Kot, ewe leni mi pin än Ewe mi Unusen Tekia.

Kölfel 48:8

Usun mine sa rongorong, iei usun sa pwal küna me lon ewe telinimwen ewe Samol mi Unusen Manaman, me lon ewe telinimwen ach Kot. I a anüküchara ewe telinimw tori feilfeilachök.

Kölfel 87:3

A eäni pworaus mi amwarar usum, en telinimwen Kot.

Aisea 62:2

Chon ekewe mwü repwe küna om pwüng, nge ekewe king meinisin repwe nenengeni lingom. Iwe, repwe aita ngonuk eu it mi fö, ewe Samol mi Lapalap a aita ngonuk.

Aisea 65:15

Iwe, nei kewe aramas üa filiretä repwe föüni itemi lon ar kapasen ottek, nge ngang Kot ewe Samol mi Lapalap üpwe nikemiila. Iwe, üpwe aita ngeni nei kewe chon angang eu it mi fö.

Jeremaia 1:18

Nengeni, ikenai üpwe apöchökülok pwe kopwe wewe ngeni eu telinimw mi pöchökül tittin, kopwe wewe ngeni efoch ür seni mächä me eu tit seni piras, pwe kopwe ü ngeni unusen ei fanü, ngeni ewe kingen Juta me ekewe nöüwisen Juta, ekewe souasor me aramasen ei fanü.

Isikiel 40:49

Iwe, langatamen ewe kengkang ükükün ilik me rüanü fiit, chölapan rüe fiit, nge a wor engol fosso ra feitä ren. Lon ewe asamalap a pwal wor ürelap, efoch won epek, pwal efoch won epek.

Isikiel 48:35

Iwe, langatamen unusen tittin ewe telinimw ükükün engol ngeröü walik iach. Nge seni ei otun ewe telinimw epwe iteni: Ewe Samol mi Lapalap a nom ikenan.”

Markus 12:16

Iwe, ra uwato eföü moni ren. Mürin Jesus a aisiniir, “Liosun iö me iten iö ei won ei moni?” Ir ra pölüeni, “Liosun Sisar me itan.”

Kalatia 2:9

Iwe, James, Petrus me Johannes, ir ekewe ürelapen mwichefel, ra mefi pwe Kot a ngeniei ei wis. Iei mine ra kapong won pöür ngenikem me Parnapas, iei ewe asisil pwe sia tipeeufengen lon ach angang. Ra tipeeu ngeni pwe Parnapas me ngang aipwe angang lein ekewe chon lükün Israel, nge ir repwe angang lein ekewe chon Juta.

Efisos 3:15

pun iteiten famili lon läng pwal won fanüfan ra angei iter me ren.

Ipru 12:22

Nge ämi oua feito ngeni ewe Chuk Sion, pwal ngeni ewe telinimwen ewe Kot mi manau, ewe Jerusalem mi nom läng fiti ngeröün chon läng.

Ipru 13:14

Pun esap wor ach lenien wilipos ikei won fanüfan, pwe sia kütta ewe leni a souni kich me mürin.

1. Johannes 4:4

Nge ämi nei kana, oua nöün Kot, oua akufu ekewe soufos chofona, pun ewe Ngün mi nom lomi a manaman seni ewe ngün mi nom lon chokewe ra pop seni fanüfan.

Pwärätä 14:1

Mürin üa nenengeni o üa küna ewe Lam a ütä won ewe Chuk Sion, nge üa pwal küna ipükü faik me rüanüngeröü aramas ra nom ren, ir chokewe a mak itan me iten Saman won chamwer.

Pwärätä 17:14

Repwe maun ngeni ewe Lam, nge ewe Lam epwe akufuur, pun i ewe Samol mi lap seni ekewe samol meinisin, pwal i ewe King mi tekia seni ekewe king meinisin. Nge chokewe mi tapwela mürin ir chon kö, chon fil me chon allükülük ngeni.”

Pwärätä 2:11

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau esap küna feiengau ren ewe aruen mäla.”

Pwärätä 2:17

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe ngeni och seni ewe mana mi monomon, üpwe pwal ngeni eman me eman leir eföü fau mi pwechepwech a mak won eu it mi fö, esap wor eman epwe silei pwe ewe chök eman mi angei.”

Pwärätä 2:7

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe mwütätä pwe epwe mongö seni ewe irän manau mi nom lon än Kot we tanipi.”

Pwärätä 21:2

Iwe, üa küna ewe Telinimw mi Pin, ewe Jerusalem mi fö, a feitiu me läng seni Kot, a molotä usun eman fin apwüpwülü söfö a tolong lon foutan pwe epwe apwüpwülü ngeni pwülüan.

Pwärätä 22:4

Repwe küna won mesen Kot, nge itan epwe mak won chamwer.

Pwärätä 3:5

Iö mi pwora ngeni mine a ngau epwe üföüf ei sokun üf mi pwechepwech, iwe, üsap amola itan seni ewe puken iten chon manau. Nge üpwe pwärätä pwe i nei mwen mesen Semei, pwal mwen mesen nöün kewe chon läng.