Pwärätä 3:11 - Chuukese Bible

¹¹ Üpwe warekai. Kopwe kamwöchünük won mine ka eäni, pwe esap wor eman epwe angei senuk mwärum.

Pwärätä 3:11 Iomraidhean Croise

Sefanaia 1:14

Ewe rän mi lap, ränin ewe Samol mi Lapalap a arapoto, a arapoto o müttirito. Oupwe rong! Ränin ewe Samol mi Lapalap epwe eu rän mi weires. Pwal ekewe mwän mi pwora repwe leüömong le puchörüngau.

1. Korint 9:25

Iteiten sensü meinisin ra achocho ngeni ar repwe fiti pwüngün allükün ar rensü, pwe repwe angei epa mwärämwär mi morokai. Nge kich sipwe achocho ngeni manauen ach souläng, pwe sipwe angei epa mwärämwär epwe nonom tori feilfeilachök.

Filipi 4:5

Oupwe tipepwetete ngeni aramas meinisin. Ach Samol a arapoto.

2. Timoty 2:5

Eman chon kitir mi sä lon eu kitir esap tongeni angei winnan, are esap aleasochisi allükün kitir.

2. Timoty 4:8

Seni iei a iseis ngeniei ewe mwärin pwüng, ewe win ach Samol ewe Soukapwüng mi pwüng epwe ngeniei lon ewe Rän. Nge esap ngeniei chök, nge pwal ngeni chokewe meinisin mi fokun witiwiti an wareto.

James 1:12

A feiöch eman aramas mi tipeppos lon sosot, pun are epwe mokos lon ewe sosot, epwe angei ewe mwärin manau Kot a pwon ngeni chokewe mi echeni i.

James 5:9

Ämi pwii kana, ousap lalefengen lefilemi, pwe Kot esap apwüngükemi. Ewe Soukapwüng a ütä arun asam.

Pwärätä 1:3

A feiöch eman mi aleani ei puk, ra pwal feiöch chokewe mi rongorong ngeni ekei kapasen pwärätä o aleasochis ngeni mine a mak lon. Pun ewe fansoun a arap än ekei mettoch meinisin repwe fisitä.

Pwärätä 16:15

“Nengeni, üpwe feito usun eman chon solä! A feiöch ätewe mi nenela o tümwünü üfan kewe, pwe esap fetalfeil lon an selela o säw ren aramas.”

Pwärätä 2:10

Kosap niuokusiti och riaföü epwe toruk. Nengeni, ewe Tefil epwe sotunikemi ren an epwe aturalong lon imwen fötek ekoch me leimi, nge oupwe küna riaföü lon ükükün engol rän. Kopwe likitü le lükü, inamwo ika kopwe tolong lon mäla, iwe, üpwe ngonuk ewe mwärin manau.

Pwärätä 2:13

Üa silei ia ka nom ie, lon ewe leni ia än Satan lenien motun king a pwal nom ie. Ka allükülük ngeniei o kosap likitala om lüküei, inamwo ika lon ewe fansoun Antipas, nei chon pwärätä mi allükülük, a ninnila lon ewe leni ia Satan a nom ie.

Pwärätä 2:25

Nge oupwe chök kamwöchünük won mine oua eäni tori üpwe war.

Pwärätä 22:12

Iei alon Jesus, “Nengeni, üpwe warekai! Iwe, üpwe uwei ai kewe liwin, pwe üpwe ngeni eman me eman liwinin an föför.

Pwärätä 22:20

Ewe eman mi pwärätä ekei mettoch a apasa, “Ewer, ngang üpwe warekai.” Amen! Kopwe etto äm Samol Jesus!

Pwärätä 22:7

Iei alon Jesus, “Nengeni, üpwe warekai. Ra feiöch chokewe mi aleasochisi ekewe kapasen osuni mi mak lon ei puk!”

Pwärätä 3:3

Iei mine kopwe chechemeni mine ka kaiö o mine ka rongorong, kopwe aleasochis o aier seni om tipis. Nge are kosap nela, üpwe feito womw usun eman chon solä, nge kosap silei ewe otun üpwe feito reöm.

Pwärätä 4:10

ekewe rüwe me föman souakom ra chapetiu me mwen ewe eman mi mot won ewe lenien motun king o fel ngeni ewe mi manau tori feilfeilachök. Ra isetiu mwäriir kewe me mwen ewe lenien motun king o apasa,

Pwärätä 4:4

Iwe, pwelin ünükün ewe lenien motun king a wor rüwe me rüanü lenien motun king ia rüwe me föman souakom ra mot ie, ra üföüf üf mi pwechepwech o mwärämwär mwärämwär seni kolt.