Pwärätä 3:10 - Chuukese Bible

¹⁰ Pokiten ka tümwünü ai kewe kapas, pwe kopwe likitü fän mosonotam, üpwe pwal tümwünuk seni ewe fansoun riaföü epwe feito won unusen fanüfan, pwe epwe sotuni aramas meinisin mi nom won fanüfan.

Pwärätä 3:10 Iomraidhean Croise

Aisea 24:17

Niuokus watte, pwang mi alolol me sär repwe sounikemi, ämi chon fanüfan.

Taniel 12:10

Chomong aramas repwe limelim pwe repwe unusen limöch o mürina. Nge ekewe chon föföringau repwe föri mine a ngau. Esap wor eman leir epwe wewe, pwe chokewe chök mi mirit.

Sekaraia 13:9

Nge ewe eu leulüngatin mi chüen manau üpwe atolongeer lon ewe ekkeiin riaföü, pwe üpwe limetiir usun eman a limeti silifer lon ekkei, üpwe sotuniir usun eman a sotuni kolt won ekkei. Mürin repwe kökköri itei, nge ngang üpwe pälüeniir. Üpwe apasa, ‘Ämi nei aramas,’ nge ir repwe apasa, ‘Ewe Samol mi Lapalap i ach we Kot.’”

Mateus 24:14

Iwe, aramas repwe afalafalafeili ewe Pworausen Manau usun ewe Mwün Kot won unusen fanüfan, pwe epwe eu minen pwärätä ngeni aramas meinisin. Mürin epwapw tori fansoun sopolan.

Mateus 26:41

Oupwe mamasa o iotek pwe ousap turutiu lon sosot. Ewe ngün a mochen pwora, nge ewe fituk a apwangapwang.”

Mateus 6:13

Iwe, kosap atolongakem lon sosot, nge kopwe angasakem seni ewe mi ngau. [Pun om chök mwü me manaman me ling feilfeilachök. Amen’]

Markus 14:9

Enlet, üpwe ürenikemi: Ekis meinisin won unusen fanüfan ia aramas repwe afalafalafeil ie ewe Pworausen Manau, ikenan aramas repwe pwal apworausa mine neminei a föri pwe achechemen itan.”

Lukas 2:1

Iwe, lon ewe fansoun ewe Sisar Aukustus a atowu eu allük pwe epwe wor eu makken it lon ekewe fanü meinisin mi nom fän nemenien Rom.

Johannes 17:6

Üa pwärala itom ngeni chokewe ka ngeniei seni won fanüfan. Ir noumw kewe, nge ka fang ir ngeniei o ra aleasochisi om kewe kapas.

Nöün Paulus Toropwe ngeni ekewe Souläng lon Rom 1:8

Ngang üpwe akomwen kilisou ngeni ai Kot ren Jesus Kraist fänäsengesimi meinisin, pun aramasen unusen fanüfan ra rongorong usun ämi lükülük.

1. Korint 10:13

Ekewe sosot ra torikemi sosotun aramas chök. Nge Kot a apwönüetä an pwon o esap mwütätä ngenikemi pwe oupwe tolong lon sokun sosot mi lap seni ämi tufich. Nge lupwen oupwe tolong lon sosot, i epwe föri efoch alen towu, pwe oupwe tongeni pwora ngeni.

Efisos 6:13

Iei mine oupwe pwilitalong womi än Kot kewe pisekin maun iei! Mürin, lupwen epwe war ewe rän mi ngau, oupwe tongeni pworacho ngeni än ewe chon oputemi maun ngenikemi. Iwe, mürin oupwe chök üpöchökül tori lesopolan ämi maun.

2. Timoty 2:12

Are sia likitü, sipwe eti i lon an nemenem. Are sia amamäsini i, i epwe pwal amamäsinikich.

James 3:12

Ämi pwii kana, efoch irä fiik esap tongeni uani uän olif, nge efoch irän wain esap tongeni uani uän fiik. Ina usun eu puächen koluk mi maras esap tongeni apupuwu koluk mi annö.

1. Petrus 4:12

Ämi chienei mi achengicheng, ousap weitifengenikemi ren pwichikaren ewe riaföü a torikemi, pwe oupwe sosot ren. Ousap ekieki pwe iei och mine esap öch ngenikemi.

2. Petrus 2:9

Ekei pworaus ra aiti ngenikich, pwe ewe Samol a silei usun an epwe amanaua ekewe aramas mi likitü lon ar lükü seni sosot, nge epwe amwöchü ekewe chon föföringau ngeni ewe Ränin Kapwüng, pwe epwe apwüngüür.

Pwärätä 1:9

Ngang Johannes, pwiimi we lon Jesus, üa chienenikemi lon ämi likitü fän mosonotam lon ewe riaföü mi tori chokewe ir chon mwün Kraist. Ra anomuei won ewe fanü Patmos pokiten üa arongafeili än Kot kapas me ewe let Jesus a pwärätä.

Pwärätä 11:10

Iwe, ekewe aramasen fanüfan repwe fokun pwapwa pokiten ekei ruoman soufos ra mäla. Repwe föri apwapwan mine a fis o lifangfengen lefiler, pun ekei ruoman ra atoto watten riaföü won chon fanüfan.

Pwärätä 13:10

Are eman epwe oola, epwe chök oola, are eman epwe ninnila ren ketilas, epwe chök ninnila ren ketilas. Iei lomotan pwe epwe wor än ekewe chon pin likitü me lükülük.

Pwärätä 13:14

Ren ekei manaman a mwümwütä ngeni pwe epwe föri mwen mesen ewe aemanün manmwacho, a atupu ekewe aramas meinisin mi nom won fanüfan. Ewe manmwacho a üreni ekewe aramas, pwe repwe aüetä eu uluulun fän iten ewe manmwacho, ewe a fen kinas ren ewe ketilas, nge a chüen manau.

Pwärätä 13:8

Iwe, aramas meinisin mi nom won fanüfan repwe fel ngeni, chilon chök chokewe iter a mak lon ewe puken iten chon manau me mwen än Kot esamwo föri fanüfan, iei ewe puk än ewe Lam mi ninnila.

Pwärätä 14:12

Iei lomoten än ekewe chon pin likitü, ir chokewe mi aleasochisi än Kot kewe allük o ra allükülük ngeni Jesus.

Pwärätä 14:6

Mürin üa küna pwal eman chon läng mi äkkäs fän läng, a uwei ewe Pworausen Manau esemüch pwe epwe arongafeili ngeni chon fanüfan, ngeni sokun mwich me ainang, kapas me mwü meinisin.

Pwärätä 16:14

Ir anün rochopwak mi föri manaman. Ekei ülüman ngün ra feila ren ekewe kingen unusen fanüfan ar repwe achufengeniir, pwe repwe maun lon ewe rän mi lap än Kot ewe mi Unusen Manaman.

Pwärätä 17:2

Ekewe kingen fanüfan ra föri föförün lisowu ngeni o ekewe aramasen fanüfan ra puchula ren ar ün ünümen neminewe we wainen lisowu.”

Pwärätä 17:8

Ewe manmwacho ka küna a manau me lom, nge iei esap chüen manau, epwele feitä seni lon ewe pwang mi alolol pwe epwe tolong lon feiengauen pöütmwälila. Ekewe aramas mi nom won fanüfan iter esap mak lon ewe puken iten chon manau me mwen än Kot esamwo föri fanüfan, ir meinisin repwe mairü lupwen repwe nenengeni ewe manmwacho, pun a manau me lom o iei esap chüen manau, nge epwe pwal pwäsefäl.

Pwärätä 2:10

Kosap niuokusiti och riaföü epwe toruk. Nengeni, ewe Tefil epwe sotunikemi ren an epwe aturalong lon imwen fötek ekoch me leimi, nge oupwe küna riaföü lon ükükün engol rän. Kopwe likitü le lükü, inamwo ika kopwe tolong lon mäla, iwe, üpwe ngonuk ewe mwärin manau.

Pwärätä 3:8

Üa silei om kewe föför. Nengeni, üa anomu mwomw eu asam mi suk, esap wor eman a tongeni öpüngala. Pun üa silei pwe a kisikis om tufich, nge ka aleasochisi ai kewe kapas, o kosap amamäsini itei.

Pwärätä 6:10

Ra kökkö fän mwelier mi leüömong, “Äm Samol mi Unusen Manaman, ka pin o let. Ifa langatamen fansoun tori om kopwe apwüngü ekewe aramas won fanüfan o kopwe ngeniir chappen ar nikeemila?”

Pwärätä 8:13

Mürin üa nenengeni o rongorong möngüngün eman ikel mi äkkäs tekiatä fän läng o a kökkö fän leüömong, “Feiengau, feiengau, feiengau ngeni chokewe meinisin mi nom won fanüfan lupwen ekewe ülüman chon läng repwe pwal ettiki en me nöün rappwa.”