Pwärätä 3:1 - Chuukese Bible

¹ “Kopwe makkei ngeni ewe chon künöön ewe mwichefel lon Sartis: Iei alon ewe eman mi eäni ekewe füman ngünün Kot me ekewe füföü fü. Üa silei om kewe föför, pwe mi wor itom itä ka manau, nge ka mä.

Pwärätä 3:1 Iomraidhean Croise

Lukas 15:24

Pun nei ei alüal a mäla, nge iei a manausefäl, a mwalechela, nge iei a liwinsefälito.’ Iwe, ra popuetä ewe kametip.

Lukas 15:32

A fokun öch ach sipwe kametip o pwapwa, pun pwiüm we a mäla, nge iei a manausefäl, a mwalechela, nge iei a liwinsefälito.’”

Johannes 1:16

Seni an ümöümöch mi somosomola sia angei feiöch esap ükütiu.

Johannes 1:33

Püsin ngang üsap silei i, nge Kot ewe mi tiniei pwe üpwe papataisi aramas ren koluk, a üreniei, ‘Kopwe küna ewe Ngünün Kot epwe feito o nonom won eman mwän, i ätewe epwe papataisi aramas ren Ngünmifel.’

Johannes 20:22

Mürin än Jesus apasa ei, a ngasetiu wor o üreniir, “Oupwe angei ewe Ngünmifel.

Johannes 3:34

Iwe, ewe eman Kot a tinato a apasatä än Kot kewe kapas, pun Kot a aunusa ngeni Ngünün.

Föför 2:33

Jesus a tekiatä o nom lepelifichin Kot Saman we, a angei seni Kot ewe Ngünmifel, usun a fen pwon ngeni. Iwe, met oua küna iei o rongorong, iei an we lifang a tinatiu woch.

Efisos 2:1

Me lom oua mäla lon pekin ngün pokiten ämi lükümach me tipis.

Efisos 2:5

a amanauakich me Kraist lupwen sia mäla lon ach pupungau. Ren än Kot ümöümöch sia küna manau.

Kolose 2:13

Me lom oua mäla lon pekin ngün pokiten oua tipis, pwal pokiten oua chon lükün Israel, esap nom remi än Moses kewe Allük. Nge iei Kot a amanauakemi fiti Kraist. A amusala ach tipis meinisin

1. Timoty 5:6

Nge eman fefin mi mä pwülüan nge a chök apwapwai inisin lon sokun pwapwan fanüfan, neminei a fen mäla, inamwo ika a chüen manau lon inisin.

James 2:26

Pun usun eu inis a mäla are ewe ngün esap nom lon, pwal iei usun ewe lükülük a mäla are ese fiti föför.

1. Petrus 1:11

Ra küttafichi inet fansoun me lapalapen an epwe feito. Iei ewe fansoun ewe Ngünün Kraist mi nom lor a itini lupwen ra kapas usun ekewe riaföü Kraist epwe tolong lon, pwal usun ewe ling epwe tori me mürin.

Jutas 1:12

Ekei aramas ra usun chök och limengau lefilemi lupwen oua chiechifengen lon ämi kametip ren ar säwemang lon ar momongö o ükün. Ra chök püsin tümwünüür. Ra usun chök ekewe kuchu esor koluk lor, äsepwäl a ässirela. Ra usun irä esap wor uar lon fansoun kinikin, irä mi üttütä fiti warer, ra wesewesen mäla.

Pwärätä 1:11

A apasa, “Kopwe makkeetiu lon toropwe mine ka küna o kopwe tinala ngeni ekewe fisu mwichefel: Efisos, Smirna, Perkamon, Tiatira, Sartis, Filatelfia me Laotisea.”

Pwärätä 1:16

A amwöchü füföü fü lon pöüifichin, nge efoch ketilas mi seisei me ruupekin a itiwu seni lon awan. Won mesan a saramaram usun saramen akkaren leoloas.

Pwärätä 1:20

Iei wewen ewe monomonen ekewe füföü fü ka küna me lon pöüifichi, pwal wewen ekewe fisu lenien atittin seni kolt: ekewe füföü fü, ir ekewe chon künöön ekewe fisu mwichefel, nge ekewe fisu lenien atittin, ir ekewe fisu mwichefel.

Pwärätä 1:4

Kapong seni Johannes ngeni ekewe fisu mwichefel lon ewe fanü Asia: Ümöümöch me kinamwe seni Kot epwe nonom remi, ewe Kot mi nom iei, ewe a fen nonom me ewe epwe feito me mürin, pwal seni ekewe füman ngün mi nom mwen an we lenien motun king,

Pwärätä 2:13

Üa silei ia ka nom ie, lon ewe leni ia än Satan lenien motun king a pwal nom ie. Ka allükülük ngeniei o kosap likitala om lüküei, inamwo ika lon ewe fansoun Antipas, nei chon pwärätä mi allükülük, a ninnila lon ewe leni ia Satan a nom ie.

Pwärätä 2:19

Üa silei om kewe föför. Üa silei om eäni chen, om allükülük, om angang me om mosonotam. Üa silei pwe mine ka föri iei a lapala seni mine ka föri me lepoputän.

Pwärätä 2:2

Üa silei om kewe föför, om angang weires me om likitü fän mosonotam. Üa silei pwe kosap etiwa ekewe aramasangau. Ka sotuni chokewe mi apasa pwe ir soukünö, nge sap ir soukünö, iwe, ka mefi pwe ir chon chofona.

Pwärätä 2:9

Üa silei om kewe riaföü. Üa silei pwe ka wöüngau, nge ka wesewesen pisekisek. Üa pwal silei pwe ka küna turunufas me ren chokewe mi apasa pwe ir chon Juta, nge sap ir chon Juta, pwe ir eu mwich än Satan.

Pwärätä 3:15

Üa silei om kewe föför, üa silei pwe kosap pat, kosap pwal pwiich. Amwo kopwe pat ika pwiich.

Pwärätä 3:2

Kopwe nela! Kopwe apöchöküla mine a chüen wor reöm me mwen an epwe wesewesen mäla. Pun üa küna pwe om kewe föför resap unusöch mwen mesen ai we Kot.

Pwärätä 3:8

Üa silei om kewe föför. Nengeni, üa anomu mwomw eu asam mi suk, esap wor eman a tongeni öpüngala. Pun üa silei pwe a kisikis om tufich, nge ka aleasochisi ai kewe kapas, o kosap amamäsini itei.

Pwärätä 4:5

Seni ewe lenien motun king a towu inefi, ngüngü me chopun chopulap. Me mwen ewe lenien motun king a wor füfoch töl mi tin, ir ekewe füman Ngünün Kot.

Pwärätä 5:6

Mürin üa küna eman Lam a ütä lukalapan mwen ewe lenien motun king, nge ekewe föman mönümanau me ekewe rüwe me föman souakom ra pweli ünükün. Ewe Lam a usun itä nge a ninnila. A wor füfoch mächän me füföü föün mesan, ir ekewe füman Ngünün Kot ra titila won unusen fanüfan.