Pwärätä 22:9 - Chuukese Bible

⁹ Nge i a üreniei, “Kosap föri iei usun! Ngang eman chiechiom chon angang me chiechien pwiüm kewe soufos, pwal chiechien chokewe meinisin mi aleasochisi ekewe kapas mi mak lon ei puk. Kopwe fel ngeni Kot!”

Pwärätä 22:9 Iomraidhean Croise

2. King 17:36

Nge oupwe chök fel ngeniei ngang ewe Samol mi Lapalap mi emwenikemiiwu seni ewe fanü Isip fän manaman mi lapalap, pwal fän pöchökül. Oupwe chapetiu ngeniei o eäni asor ngeniei.

Kölfel 45:11

mürin, ewe king epwe fokun sani liöchum. Kopwe tütiu me mwan, pun i om samol.

Ekistos 34:14

Ousap fel ngeni pwal eman kot, pun ngang ewe Samol mi Lapalap itei lukomong, ngang eman Kot mi lukomong won aramasei.

Mateus 4:9

Iwe, a üreni, “Ekei mettoch meinisin üpwe ngonuk, are kopwe chapetiu mwei o fel ngeniei.”

Lukas 4:7

Iei mine are kopwe fel ngeniei, üpwe mwüt ngonuk pwe kopwe eäniir meinisin.”

Tuteronomi 4:19

Oupwe tümwünükemi, pwe lupwen oupwe netä läng o küna akkar me maram me fü kana pwal masouen fän läng meinisin ousap tupula o fel ngeniir ika pwal angang ngeniir. Pun ewe Samol mi Lapalap ämi we Kot a mwütätä ngeni chon ekewe mwü won fanüfan ekei mettoch pwe repwe fel ngeniir.

1. Johannes 5:20

Sia pwal silei pwe Nöün Kot a feito o fang ngenikich ach weweöch, pwe sipwe silei ewe Kot mi let. Sia nonom lon ewe Kot mi let pwal lon Nöün we Jesus Kraist. I ewe Kot mi let me ewe manau esemüch.

Pwärätä 1:1

Iei ewe kapasen pwärätä seni Jesus Kraist, Kot a ngeni an epwe pwäri ngeni nöün kewe chon angang usun met epwe müttir fis. Kraist a asile ngeni nöün we chon angang Johannes ekei mettoch ren an tinala nöün chon läng ren.

Pwärätä 1:11

A apasa, “Kopwe makkeetiu lon toropwe mine ka küna o kopwe tinala ngeni ekewe fisu mwichefel: Efisos, Smirna, Perkamon, Tiatira, Sartis, Filatelfia me Laotisea.”

Pwärätä 14:7

A apasa ren mwelian mi leüömong, “Oupwe asamolu Kot o mwareiti an tekia! Pun a war ewe fansoun pwe epwe apwüngü chon fanüfan. Oupwe fel ngeni ewe mi föri läng me fanüfan, matau me ekewe lenien puächen koluk!”

Pwärätä 15:4

Iö esap niuokusituk o alinga itom, en äm Samol? Pun en chök ka pin. Chon ekewe mwü meinisin repwe feito o fel ngonuk, pun om kewe föför mi pwüng ra pwäpwäla ngeni aramas meinisin.”

Pwärätä 19:10

Iwe, üa chapetiu arun pechen ewe chon läng pwe üpwe fel ngeni, nge i a üreniei, “Kosap föri iei usun! Ngang eman chiechiom chon angang me chiechien pwiüm kewe, chokewe meinisin mi kamwöchünük won ewe let Jesus a pwärätä. Kopwe fel ngeni Kot!” Pun ewe let Jesus a pwärätä, iei met a amwelielia ekewe soufos.

Pwärätä 22:10

Iwe, a üreniei, “Kosap pwauni ekewe kapasen osuni mi mak lon ei puk, pun a arapoto ewe fansoun lupwen ekei mettoch meinisin repwe fisitä.

Pwärätä 22:18

Ngang Johannes, üa fönöü meinisin mi rongorong ekei kapasen osuni mi mak lon ei puk: Are eman epwe apacha och ngeni ekei kapas, Kot epwe apacha ngeni ekewe feiengau mi mak lon ei puk.

Pwärätä 22:7

Iei alon Jesus, “Nengeni, üpwe warekai. Ra feiöch chokewe mi aleasochisi ekewe kapasen osuni mi mak lon ei puk!”

Pwärätä 4:10

ekewe rüwe me föman souakom ra chapetiu me mwen ewe eman mi mot won ewe lenien motun king o fel ngeni ewe mi manau tori feilfeilachök. Ra isetiu mwäriir kewe me mwen ewe lenien motun king o apasa,

Pwärätä 9:20

Iwe, ekewe lusun aramas resap mäla ren ekei feiengau resap aier seni mine ra föri ren pöür. Resap ükütiu le fel ngeni ekewe anün rochopwak me ekewe uluulun anümwäl mi för seni kolt, silifer, piras, fau me mwüch, ir ekewe uluulun anümwäl resap tongeni küna ika rongorong ika fetal.