Pwärätä 22:7 - Chuukese Bible

⁷ Iei alon Jesus, “Nengeni, üpwe warekai. Ra feiöch chokewe mi aleasochisi ekewe kapasen osuni mi mak lon ei puk!”

Pwärätä 22:7 Iomraidhean Croise

Pwärätä 1:11

A apasa, “Kopwe makkeetiu lon toropwe mine ka küna o kopwe tinala ngeni ekewe fisu mwichefel: Efisos, Smirna, Perkamon, Tiatira, Sartis, Filatelfia me Laotisea.”

Pwärätä 1:3

A feiöch eman mi aleani ei puk, ra pwal feiöch chokewe mi rongorong ngeni ekei kapasen pwärätä o aleasochis ngeni mine a mak lon. Pun ewe fansoun a arap än ekei mettoch meinisin repwe fisitä.

Pwärätä 16:15

“Nengeni, üpwe feito usun eman chon solä! A feiöch ätewe mi nenela o tümwünü üfan kewe, pwe esap fetalfeil lon an selela o säw ren aramas.”

Pwärätä 2:16

Iei kopwe aier seni om tipis! Are kosap aier üpwe müttir feito reöm o fiu ngeni ekewe aramas ren ewe ketilas mi itiwu seni lon awei.

Pwärätä 22:12

Iei alon Jesus, “Nengeni, üpwe warekai! Iwe, üpwe uwei ai kewe liwin, pwe üpwe ngeni eman me eman liwinin an föför.

Pwärätä 22:18

Ngang Johannes, üa fönöü meinisin mi rongorong ekei kapasen osuni mi mak lon ei puk: Are eman epwe apacha och ngeni ekei kapas, Kot epwe apacha ngeni ekewe feiengau mi mak lon ei puk.

Pwärätä 22:19

Nge are eman epwe angei och seni ekewe kapasen osuni mi mak lon ei puk, Kot epwe angei seni wisan me won ewe irän manau pwal wisan me won ewe Telinimw mi Pin usun a mak lon ei puk.

Pwärätä 22:20

Ewe eman mi pwärätä ekei mettoch a apasa, “Ewer, ngang üpwe warekai.” Amen! Kopwe etto äm Samol Jesus!

Pwärätä 22:21

Ümöümöchün ach Samol Jesus epwe nonom ren nöün Kot kewe aramas meinisin. Amen.

Pwärätä 3:11

Üpwe warekai. Kopwe kamwöchünük won mine ka eäni, pwe esap wor eman epwe angei senuk mwärum.

Pwärätä 3:3

Iei mine kopwe chechemeni mine ka kaiö o mine ka rongorong, kopwe aleasochis o aier seni om tipis. Nge are kosap nela, üpwe feito womw usun eman chon solä, nge kosap silei ewe otun üpwe feito reöm.