Biblia Todo Logo
Bìoball air-loidhne

- Sanasan -




Pwärätä 22:5 - Chuukese Bible

5 Esap chüen wor pwin, esap pwal chüen lomot rer lamp ika akkar, pun ewe Samol Kot epwe ar saram, nge repwe nemenem usun king tori feilfeilachök.

Faic an caibideil Dèan lethbhreac




Pwärätä 22:5
22 Iomraidhean Croise  

Pun en ewe lepopun manau meinisin, nge ren om saram äm aia küna saram.


Pun Kot ewe Samol mi Lapalap i ai saram, a apetiei seni ei feiengau. A fangela ngenikich ümöümöch me iteüöch. Ewe Samol mi Lapalap esap amwöchü och mi mürina seni chokewe mi föri mine a pwüng.


Mürin, maram me akkar repwe tinengauala ren ar säw, pun ewe Samol mi Unusen Manaman epwe nemenem won ewe chuk Sion, pwal lon Jerusalem. Iwe, ekewe souakomwen lon ewe telinimw repwe küna an ling.


Iwe, tinen maram epwe wattela usun chök tinen akkar, nge tinen akkar epwe wattela fän fisu usun chök saramen fisu rän, lupwen ewe Samol mi Lapalap epwe filiti kinasen nöün aramas o amoola metekir a püsin ngeniir.


Nge chon pin kana nöün Ewe mi Fokun Tekia repwe angei ewe mwü o mwüni tori feilfeilachök.”


Nge ewe mwichen chon pin nöün Ewe mi Fokun Tekia repwe angei nemenem me ling, pwe repwe nemeni mwü kana meinisin mi nom won fanüfan. Iwe, mwür epwe nonom tori feilfeilachök, nge sounemenem meinisin repwe angang ngeniir o aleasochisiir.”


Epwe eu rän mi sokola, eu rän ewe Samol mi Lapalap echök a silei. Esap fis rän ika pwin, nge lupwen fansoun lekuniol epwe wor saram.


Jesus a üreniir, “Enlet, üpwe ürenikemi, pwe lupwen Nöün Aramas epwe mot lon an lenien motun king mi ling lon fansoun mettoch meinisin repwe försefäl, mürin ämi mi tapwela müri oupwe pwal mot won engol me ruu lenien motun king, pwe oupwe nemeni ekewe engol me ruu ainangen Israel.


Mürin ewe king epwe üreni ekewe aramas mi nom lepelifichin, ‘Oupwe feito ämi mi feiöch me ren Semei! Oupwe mwüni ewe mwü mi molotä fän itemi seni lepoputän fanüfan.


Iwe, chokei repwe feila ngeni ewe apwüng esemüch, nge ekewe chon pwüng repwe feila ngeni manau esemüch.”


A pwüng pwe ren tipisin ewe eman mwän mäla a popuetä le nemenem, pokiten ewe chök eman mwän. Nge epwe ifan me watten ewe feiöch mi fis ren ewe chök eman mwän Jesus Kraist! Iwe, chokewe meinisin mi etiwa än Kot ümöümöch mi somwola me an we lifangen pwüng repwe nemenem lon manauer ren Kraist.


Are sia likitü, sipwe eti i lon an nemenem. Are sia amamäsini i, i epwe pwal amamäsinikich.


Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”


Esap chüen wor eman epwe küna tinen eu lamp lon en, esap pwal chüen wor eman epwe rongorong möngüngün ekewe mwän apwüpwülü söfö me fin apwüpwülü söfö me lon en. Noumw kewe chon amömö a wor ar pöchökül won unusen fanüfan, nge ren om angangen rong ka atupu aramasen fanüfan meinisin!”


Mürin üa küna ekoch lenien motun king, nge chokewe mi mot wor ra angei ewe pöchökül pwe repwe tongeni eäni kapwüng. Üa pwal küna ngünün chokewe mi ninnila pokiten ar arongafeili ewe let Jesus a pwärätä me än Kot kapas. Ir chokewe resap fel ngeni ewe manmwacho ika uluulun we, resap pwal angei asisilen ewe manmwacho won chamwer ika won pöür. Ra manausefäl o eti Jesus le nemenem lon ükükün engeröü ier.


A feiöch o pin iö a eti ewe aeuin manausefäl. Ewe aruen mäla esap wor an nemenem wor, nge repwe nöün Kot me nöün Kraist souasor, repwe pwal eti Jesus le nemenem lon ükükün engeröü ier.


a saramaram ren än Kot we ling. Ewe telinimw a tittin usun eföü fau aüchea itan jasper, a kurufat usun ewe fau itan kristal.


Iö mi pwora ngeni mine a ngau üpwe mwüt ngeni pwe epwe etiei le mot won ewe lenien motun king, usun pwal ngang üa pwora o mot ren Semei won an lenien motun king.


Lean sinn:

Sanasan


Sanasan