Pwärätä 22:4 - Chuukese Bible

⁴ Repwe küna won mesen Kot, nge itan epwe mak won chamwer.

Pwärätä 22:4 Iomraidhean Croise

Hiop 33:26

Mürin, ewe aramas epwe iotek ngeni Kot, nge i epwe etiwa. Epwe feito fän mesen Kot fän pwapwa, nge Kot epwe ngenisefäli an pwüng.

Kölfel 17:15

Nge me rei, ngang üpwe nenengeni mesom, pun üsap föri och mi mwäl. Lupwen üpwe nenela, üpwe fokun pwapwa ren ai nenengonuk.

Kölfel 4:6

Chomong aramas ra apasa, “Iö a tongeni fang ngenikich feiöch?” Ai Samol mi Lapalap, kopwe netiu wom o kirikiröch ngenikem.

Kölfel 42:2

Üa fokun posituk, en ai Kot mi manau. Inet üpwe tongeni feila o nenengeni mesom?

Aisea 33:17

Iwe, mesom epwe küna lingöchün ewe king, epwe pwal nenengeni eu fanü mi fokun watte.

Aisea 35:2

Epwe fokun ämärätä irä, epwe mwänek fän pwapwa me köl. Iwe, epwe lingeni lingen Lepanon, epwe pwal pwülüöch usun pwülüöchün ekewe tanipi lon Karmel me Saron. Iwe, aramasan meinisin repwe küna lingen ewe Samol mi Lapalap, repwe pwal mefi tekian ach we Kot.

Aisea 40:5

Mürin, lingen ewe Samol mi Lapalap epwe pwäpwäla, nge aramas meinisin repwe küna, pun iei alon ewe Samol mi Lapalap.”

Isikiel 33:23

Iwe, ewe Samol mi Lapalap a kapas ngeniei,

Mateus 5:8

Ra feiöch chon limöch leluker, pun ir repwe küna Kot.

Johannes 12:26

Iö a mochen angang ngeniei epwe tapweto müri, pun ia ngang üpwe nom ie, ikenan nei chon angang epwe pwal nom ie. Iwe, Semei epwe asamolu chokewe mi angang ngeniei.

Johannes 17:24

Semei, üa mochen pwe chokewe ka ngeniei repwe nonom rei ia ngang üpwe nom ie, pwe repwe nenengeni ai we ling ka fen ngeniei, pun ka echeniei mwen fanüfan esamwo wor.

1. Korint 13:12

Pun mine sia küna iei a usun chök ngününgünün mettoch mi toputop lon kilas, nge mürin sipwe tongeni wesewesen küna fatöchün ren mesach. Met ngang üa silei iei esap unus, nge mürin üpwe silei unusan, usun chök Kot a wesewesen sileei.

Ipru 12:14

Oupwe achocho ngeni ämi oupwe kinamwefengen me aramas meinisin, oupwe pwal achocho ngeni ämi oupwe manaueni eu manau mi pin, pun esap wor eman epwe küna ach Samol are esap pin.

Pwärätä 14:1

Mürin üa nenengeni o üa küna ewe Lam a ütä won ewe Chuk Sion, nge üa pwal küna ipükü faik me rüanüngeröü aramas ra nom ren, ir chokewe a mak itan me iten Saman won chamwer.

Pwärätä 3:12

Iö mi pwora ngeni mine a ngau üpwe föri pwe epwe efoch ür lon än ai we Kot we imwenfel, nge esap chüen towu seni. Iwe, üpwe makkei won iten ai we Kot, pwal iten än ai we Kot we telinimw, ewe Jerusalem mi fö, epwe feitiu me läng seni ai we Kot, üpwe pwal makkei won itei we mi fö.

Pwärätä 7:3

A apasa, “Ousap afeiengaua fanüfan, ewe matau ika ekewe irä, tori aipwe pwauni won chamwen ekewe chon angang ngeni ach we Kot.”