Pwärätä 22:3 - Chuukese Bible

³ Esap wor och mi nom fän än Kot anümamau epwe nonom lon ewe telinimw. Än Kot me ewe Lam lenien motun king epwe nom lon ewe telinimw o nöün kewe chon angang repwe angang o fel ngeni.

Pwärätä 22:3 Iomraidhean Croise

Kölfel 16:11

En ka aiti ngeniei ewe alen manau. Om nom rei a afisätä ai pwapwa mi somwosom o awarato ai mwänek tori feilfeilachök.

Kölfel 17:15

Nge me rei, ngang üpwe nenengeni mesom, pun üsap föri och mi mwäl. Lupwen üpwe nenela, üpwe fokun pwapwa ren ai nenengonuk.

Aisea 12:6

Oupwe akapwas o köl fän pwapwa, ämi chon Sion, pun Ewe mi Pin lon Israel a tekia me lefilemi.”

Aisea 51:11

Iwe, chokewe mi manau me reöm repwe liwinsefäl ngeni Jerusalem fän köl. Pwapwa esemüch epwe nonom rer, chengel me mwänek repwe etiir, nge letipeta me ngüngüres repwe sü seniir.

Isikiel 37:27

Iwe, üpwe imweimw lefiler, ngang üpwe ar Kot, nge ir repwe nei aramas kana.

Isikiel 48:35

Iwe, langatamen unusen tittin ewe telinimw ükükün engol ngeröü walik iach. Nge seni ei otun ewe telinimw epwe iteni: Ewe Samol mi Lapalap a nom ikenan.”

Sekaraia 14:11

Ewe telinimw epwe so, pun esap chüen wor anümamau won. Iwe, chon Jerusalem repwe imweimw lon fän kinamwe.

Mateus 25:21

An we masta a üreni, ‘Om angang a fokun mürina. En eman chon angang mi mürina o allükülük. Ka fen allükülük won mine a chokükün, iei mine üpwe seikuketä won mine a chomong. Kopwe tolong o etiei lon ai pwapwa.’

Mateus 25:41

Mürin epwe üreni chokewe mi nom lepelimöngun, ‘Oupwe feil seniei, ämi chon anümamau, oupwe feila lon ewe ekkei esekun a fen amol fän iten Tefil me nöün chon läng kana!

Johannes 12:26

Iö a mochen angang ngeniei epwe tapweto müri, pun ia ngang üpwe nom ie, ikenan nei chon angang epwe pwal nom ie. Iwe, Semei epwe asamolu chokewe mi angang ngeniei.

Johannes 13:32

Are lingen Kot a pwäla ren i, mürin Kot epwe pwal pwäri lingen Nöün Aramas lon püsin i, nge epwe müttir alingala.

Johannes 14:3

Mürin ai üpwe feila o amolätä leniemi, üpwe pwal liwinsefälito o angeekemi, pwe oupwe nonom rei, pwe ia ngang üpwe nom ie, iei ämi oupwe pwal nom ie.

Johannes 17:24

Semei, üa mochen pwe chokewe ka ngeniei repwe nonom rei ia ngang üpwe nom ie, pwe repwe nenengeni ai we ling ka fen ngeniei, pun ka echeniei mwen fanüfan esamwo wor.

Tuteronomi 27:26

‘A anümamau eman mwän esap aleasochisi ekei allük o apwönüretä meinisin.’ Nge ekewe aramas meinisin repwe apasa, ‘Amen.’”

Pwärätä 7:10

Iwe, ra kökkö ren mwelier mi leüömong, “Sia küna manau me ren ach we Kot, ewe mi mot won ewe lenien motun king, pwal me ren ewe Lam.”

Pwärätä 7:9

Mürin ei, üa küna eu mwich mi fokun chocho, esap wor eman aramas a tongeni aleaniir. Ra feito seni sokopaten mwich, ainang, mwü me kapas meinisin. Iwe, ra ütä me mwen ewe lenien motun king me ewe Lam, ra üföüf üf mi pwechepwech o ra amwöchü paan nü lepöür.