Pwärätä 22:2 - Chuukese Bible

² o a putiu lukalapen alen ewe telinimw. Iwe, lepekin ewe chanpupu me rüepek a wor irän manau ra ua fän engol me ruu lon eu ier, fän eu lon eu me eu maram, chör kewe ra tufichin apöchöküla chon ekewe mwü.

Pwärätä 22:2 Iomraidhean Croise

Keneses 2:9

Iwe, seni lon ewe pwül Kot ewe Samol mi Lapalap a amärätä sokun irä meinisin mi apwapwai aramas le katol o mürina le mongö. Nge lukalapen ewe tanipi a amärätä ewe irän manau, pwal ewe irän silei öch me ngau.

Kölfel 147:3

A apöchöküla ir mi tatakis leluker o filiti kinaser.

Än Salomon Fos 3:18

Tipachem epwe aworato manau ngeni chokewe mi kamwöch won, nge chokewe mi fitipacheiti ra pwapwa.

Aisea 6:10

Kopwe aföüala letipen ekei aramas, kopwe apüngala selinger o achunala meser, pwe resap tongeni künakün ren meser ika rongorong ren selinger ika wewe ren letiper, pwe resap kul o küna manau.”

Jeremaia 17:14

Ai Samol mi Lapalap, kopwe apöchökülaei, pwe üpwe wesewesen pöchökül. Kopwe amanauaei pwe üpwe fokun manau, pun en ewe üa mwareiti.

Isikiel 47:1

Mürin, ewe mwän a aliwinisefälieila ren asamalapen ewe Imwenfel. Ikenan üa küna eu koluk a puwu seni fän asamalapen ewe Imwenfel o pula ngeni ötiu, pun ewe Imwenfel a sape ngeni ötiu. Iwe, ewe koluk a putiu me peliörün ewe Imwenfel, pwal me peliörün ewe rongen asor.

Osea 14:4

Iwe, ewe Samol mi Lapalap a üra, “Üpwe aliwinato nei aramas o tongeer seni unusen letipei, pun üsap chüen song ngeniir.

Sekaraia 14:8

Lon ena fansoun kolukun manau epwe puwu seni lon Jerusalem, esop ewe koluk epwe pula ngeni ewe Setin Mäla mi nom ötiu, nge esop epwe pula ngeni ewe mataulap mi nom lotou. Ei epwe fifis lon fansoun pwichikar usun chök lon fansoun patapat.

Malakai 4:2

Nge usun akkar a asarama fanü, iei usun pwüng epwe uwato manau ngenikemi mi aleasochisiei. Ämi oupwe towu o mwetemwet usun chök ekewe nienifön kow ra mwetemwet lupwen ra towu seni lenier.

Lukas 4:18

“Ngünün ewe Samol a nonom woi, pun a afiliei pwe üpwe afalafala ewe Pworausen Manau ngeni ekewe chon mwelele. A tiniei, pwe üpwe aronga ngeni ekewe chon fötek pwe repwe ngasala, ekewe chon chun pwe repwe küna mwer, üpwe pwal angasala chokewe aramas ra ariaföüür.

1. Petrus 2:24

Kraist a püsin uwei ach kewe tipis won inisin o uweiretä won ewe iräpenges, pwe kich sipwe mäla seni tipis o manau ngeni pwüng. Ren an kinas kana sia küna pöchökül.

Pwärätä 2:7

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe mwütätä pwe epwe mongö seni ewe irän manau mi nom lon än Kot we tanipi.”

Pwärätä 21:21

Ekewe engol me ruu asamalap ra för seni engol me ruoföü föün pwei, eu me eu kewe asamalap a för seni eföü chök föün pwei. Nge alen ewe telinimw a för seni kolt mi fokun mürina, a kurufat usun kilas.

Pwärätä 21:24

Iwe, ekewe aramasen fanüfan repwe fetal lon an saram, nge ekewe kingen fanüfan repwe uwato wöür lon.

Pwärätä 22:1

Mürin ewe chon läng a pwal aküna ngeniei ewe chanpupun kolukun manau, a kurufat usun ewe fau itan kristal, a pupu seni fän än Kot me än ewe Lam lenien motun king

Pwärätä 22:14

Ra feiöch chokewe mi limeti üfer pwe repwe limöch, pwe epwe wor ar pwüüng ar repwe mongö seni uän ewe irän manau, repwe pwal tolong lon ekewe asamalap o tolong lon ewe telinimw.

Pwärätä 22:19

Nge are eman epwe angei och seni ekewe kapasen osuni mi mak lon ei puk, Kot epwe angei seni wisan me won ewe irän manau pwal wisan me won ewe Telinimw mi Pin usun a mak lon ei puk.