Pwärätä 22:12 - Chuukese Bible

¹² Iei alon Jesus, “Nengeni, üpwe warekai! Iwe, üpwe uwei ai kewe liwin, pwe üpwe ngeni eman me eman liwinin an föför.

Pwärätä 22:12 Iomraidhean Croise

Hiop 34:11

Pun Kot epwe ukun ngeni eman me eman aramas ükükün an föför, epwe liwini ngeni won ükükün lapalapen manauan.

Kölfel 28:4

Kopwe ngeniir chappen ar föför me ükükün liwinin ar föföringau. Kopwe ngeniir chappen angangen pöür o liwini ngeniir mine a fichitiir.

Aisea 40:10

Kot ewe Samol mi Lapalap a feito pwe epwe nemenem fän pöchökül. Nengeni, a uwato an liwin fän iten nöün aramas, nge liwiningau fän iten chon oputan.

Aisea 62:11

Ewe Samol mi Lapalap a aronga ngeni aramas won unusen fanüfan, “Oupwe üreni ekewe aramasen Jerusalem: Nengeni, ämi Chon Amanau a war, a uwato an liwin fän iten nöün aramas, nge liwiningau fän iten chon oputan.”

Jeremaia 17:10

Ngang ewe Samol mi Lapalap üa atittina ekiekin aramas o sotuni leluker, pwe üpwe ngeni iteiten eman me eman aükükün lapalapen manauan me uän an föför.”

Sefanaia 1:14

Ewe rän mi lap, ränin ewe Samol mi Lapalap a arapoto, a arapoto o müttirito. Oupwe rong! Ränin ewe Samol mi Lapalap epwe eu rän mi weires. Pwal ekewe mwän mi pwora repwe leüömong le puchörüngau.

Mateus 16:27

Pun Nöün Aramas epwe war lon lingen Saman fiti nöün kewe chon läng. Mürin epwe liwini ngeni iteiten eman me eman aramas usun ar föför.

Nöün Paulus Toropwe ngeni ekewe Souläng lon Rom 14:12

Iei mine kich meinisin sipwe en me püsin pwärätä föförün lon manauan ngeni Kot.

1. Korint 3:14

Are ewe ekkei esap kenala mine eman a aüetä won ewe longolong, ewe chon aüetä epwe angei liwinin.

1. Korint 3:8

Esap wor sokofesenin ewe chon fofot me ewe chon atütü, Kot epwe liwini ngeni eman me eman liwinin aükükün an angang a föri.

Pwärätä 11:18

Ekewe chon lükün Israel ra fokun song, pun om lingeringer a war, ewe fansoun ekewe mi mäla repwe küna kapwüng. A war ewe fansoun om kopwe liwiniöchü ngeni noumw kewe chon angang ekewe soufos, me noumw kewe chon pin, pwal chokewe meinisin mi meninituk, ekewe aramas tekia me ekewe aramas kis. A war ewe fansoun om kopwe afeiengaua chokewe mi afeiengaua fanüfan.”

Pwärätä 2:23

Üpwe pwal niela nöün kana. Mürin chon ekewe mwichefel meinisin repwe silei pwe ngang ewe eman mi silei ekiek me letipen aramas meinisin. Iwe, üpwe liwini ngeni eman me eman ükükün liwinin an föför.

Pwärätä 20:12

Iwe, üa küna ekewe mi mäla, ekewe aramas tekia me aramas kis, ra ütä me mwen ewe lenien motun king. Iwe, ekewe puk ra sukula. Mürin pwal eu puk a sukula, iei ewe puken iten chon manau. Iwe, ekewe mi mäla ra küna kapwüng won mine ra föri usun a makketiu lon ekewe puk.

Pwärätä 22:20

Ewe eman mi pwärätä ekei mettoch a apasa, “Ewer, ngang üpwe warekai.” Amen! Kopwe etto äm Samol Jesus!

Pwärätä 22:7

Iei alon Jesus, “Nengeni, üpwe warekai. Ra feiöch chokewe mi aleasochisi ekewe kapasen osuni mi mak lon ei puk!”

Pwärätä 3:11

Üpwe warekai. Kopwe kamwöchünük won mine ka eäni, pwe esap wor eman epwe angei senuk mwärum.