Pwärätä 22:1 - Chuukese Bible

¹ Mürin ewe chon läng a pwal aküna ngeniei ewe chanpupun kolukun manau, a kurufat usun ewe fau itan kristal, a pupu seni fän än Kot me än ewe Lam lenien motun king

Pwärätä 22:1 Iomraidhean Croise

Kölfel 46:4

Mi wor eu chanpupu mi awarato pwapwa ngeni ewe telinimwen Kot, ewe leni mi pin än Ewe mi Unusen Tekia.

Aisea 41:18

Iwe, üpwe apupuetä chanpupu won ekewe chuk mi amassawa o emichätä puächen koluk lon ekewe lemol. Üpwe awili fanüapö ngeni nomun koluk, nge fanüpwas ngeni puächen koluk.

Aisea 48:18

Amwo kopwe aüselinga ai kewe allük! Mürin om kinamwe epwe wewe ngeni eu chanpupu, nge om pwüng epwe wewe ngeni nomongun lematau.

Aisea 66:12

Iei alon ewe Samol mi Lapalap, “Üpwe apupuolong kinamwe lon Jerusalem usun chök eu chanpupu, pwal wöün ekewe mwün fanüfan usun chök öütöüten lon öüwö. Iwe, Jerusalem epwe aoupukemi, epwe ämmwakemi o apwapwakemi won afön.

Jeremaia 17:13

Ai Samol mi Lapalap, en än chon Israel apilükülük. Meinisin mi likitukela repwe säw, nge chokewe mi kul senuk epwe mak iter lepwül, pokiten ra likitala ewe Samol mi Lapalap ewe puächen kolukun manau.

Jeremaia 2:13

Pun nei aramas ra föri ruu tipis: Ra likitieila, ngang ewe puächen kolukun manau, nge ra tuw chönüttu fän iter, sokun chönüttu mi sangang, esap tongeni mwöch koluk lor.

Sekaraia 14:8

Lon ena fansoun kolukun manau epwe puwu seni lon Jerusalem, esop ewe koluk epwe pula ngeni ewe Setin Mäla mi nom ötiu, nge esop epwe pula ngeni ewe mataulap mi nom lotou. Ei epwe fifis lon fansoun pwichikar usun chök lon fansoun patapat.

Johannes 13:32

Are lingen Kot a pwäla ren i, mürin Kot epwe pwal pwäri lingen Nöün Aramas lon püsin i, nge epwe müttir alingala.

Johannes 15:26

Iwe, lupwen ewe Soualilis epwe war, ngang üpwe tinato remi seni Semei, i ewe Ngünmifel mi pwärätä mine a let usun Kot, a feito seni Semei, i epwe pwärätä usi.

Johannes 4:14

nge iö a ün seni ewe koluk ngang üpwe ngeni, esap chüen kakasefäl. Ewe koluk üpwe ngeni epwe wiliti eu lenien puächen kolukun manau leutun mi atoto manau esemüch.”

Föför 2:33

Jesus a tekiatä o nom lepelifichin Kot Saman we, a angei seni Kot ewe Ngünmifel, usun a fen pwon ngeni. Iwe, met oua küna iei o rongorong, iei an we lifang a tinatiu woch.

Pwärätä 1:1

Iei ewe kapasen pwärätä seni Jesus Kraist, Kot a ngeni an epwe pwäri ngeni nöün kewe chon angang usun met epwe müttir fis. Kraist a asile ngeni nöün we chon angang Johannes ekei mettoch ren an tinala nöün chon läng ren.

Pwärätä 21:11

a saramaram ren än Kot we ling. Ewe telinimw a tittin usun eföü fau aüchea itan jasper, a kurufat usun ewe fau itan kristal.

Pwärätä 21:6

Iwe, a apasa, “Mettoch meinisin ra fisila iei. Ngang ewe Aemanün me Amüchülan, ewe Popun me ewe Sopolan. Üpwe ngeni chokewe mi kaka pwe repwe ün seni ewe puächen kolukun manau, nge resap möni.

Pwärätä 21:9

Mürin eman me lein ekewe füman chon läng mi fen wor rer ekewe fisu sepi mi ur ren ekewe fisu amüchülan feiengau a feito rei o a apasa, “Kopwe etto pwe üpwe aküna ngonuk ewe Fin apwüpwülü söfö, iei i pwülüen ewe Lam.”

Pwärätä 22:17

Iwe, Ngünmifel me ewe Fin apwüpwülü söfö ra apasa, “Etto!” Ir meinisin mi rongorong ekei kapas repwe apasa, “Etto!” Iwe, iö mi kaka epwe etto, nge iö a mochen epwe ünümi ewe kolukun manau, nge esap möni, epwe etto.

Pwärätä 22:6

Mürin ewe chon läng a üreniei, “Ekei kapas ra let o allükülük. Ewe Samol Kot, ewe Kot mi fang ngeni ekewe soufos Ngünün, a tinala nöün chon läng pwe epwe pwäri ngeni nöün kewe chon angang mine epwe fisikai.”

Pwärätä 3:21

Iö mi pwora ngeni mine a ngau üpwe mwüt ngeni pwe epwe etiei le mot won ewe lenien motun king, usun pwal ngang üa pwora o mot ren Semei won an lenien motun king.

Pwärätä 5:13

Iwe, üa rongorong pwe förien Kot meinisin lon läng pwal won fanüfan, lon lenien failol pwal lon matau ra kölü ei köl: “Ingemwar me iteöch me ling me manaman ngeni ewe mi mot won ewe lenien motun king me ewe Lam tori feilfeilachök.”

Pwärätä 5:6

Mürin üa küna eman Lam a ütä lukalapan mwen ewe lenien motun king, nge ekewe föman mönümanau me ekewe rüwe me föman souakom ra pweli ünükün. Ewe Lam a usun itä nge a ninnila. A wor füfoch mächän me füföü föün mesan, ir ekewe füman Ngünün Kot ra titila won unusen fanüfan.

Pwärätä 7:17

Pun ewe Lam mi nom lukalapan mwen ewe lenien motun king epwe nöür chon mas o emweniir ngeni ekewe puächen kolukun manau. Iwe, Kot epwe talüpwasei chönün mas seni won meser meinisin.”