Pwärätä 21:7 - Chuukese Bible

⁷ Iö mi pwora ngeni mine a ngau epwe feiöchüni ekewe feiöch meinisin. Iwe, ngang üpwe an Kot, nge i epwe nei.

Pwärätä 21:7 Iomraidhean Croise

Keneses 17:8

Iwe, üpwe ngonuk pwal ngeni mwirimwirum kana unusen ewe fanü Kanaan ka wasöla lon. Iwe, repwe fanüeni ewe fanü tori feilfeilachök, nge ngang üpwe ar Kot.”

2. Samuel 7:14

Iwe, ngang üpwe saman, nge i epwe nei. Lupwen epwe föföringau, üpwe emiriti ren wokun aramas, üpwe pwal wichi usun eman sam a wichi nöün.

Kölfel 89:26

Iwe, epwe apasa ngeniei, ‘En semei me ai Kot, en ewe chon tümwünüei me ai Chon Amanau.’

Än Salomon Fos 3:35

Eman chon tipachem epwe küna iteüöch, nge eman chon tiparoch epwe küna itengau.

Aisea 65:9

Iwe, üpwe awora mwirimwirin Jakop, nge mwirimwirin Juta repwe chukuni chuki kana. Iwe, nei aramas üa afiliir repwe fanüeni ewe fanü, nge nei chon angang repwe nonom won.

Sekaraia 8:8

Üpwe emwenireto pwe repwe imweimw lon Jerusalem. Iwe, ir repwe nei aramas, nge ngang üpwe ar Kot o nemeniir fän allükülük me pwüng.”

Mateus 19:29

Iwe, iteiten eman me eman mi likitala imwan, ika pwiin, ika fefinan, ika saman, ika inan, ika nöün, ika fanüan fän itei epwe angei liwinin fän ipükü lap seni, epwe pwal angei manau esemüch.

Mateus 25:21

An we masta a üreni, ‘Om angang a fokun mürina. En eman chon angang mi mürina o allükülük. Ka fen allükülük won mine a chokükün, iei mine üpwe seikuketä won mine a chomong. Kopwe tolong o etiei lon ai pwapwa.’

Mateus 25:34

Mürin ewe king epwe üreni ekewe aramas mi nom lepelifichin, ‘Oupwe feito ämi mi feiöch me ren Semei! Oupwe mwüni ewe mwü mi molotä fän itemi seni lepoputän fanüfan.

Markus 10:17

Iwe, lupwen a popuetasefäli an sai, eman mwän a säto ren, a fotopwäsuk mwan o tüngor ngeni, “Sense mi mürina, met ngang üpwe föri pwe üpwe manaueni manau esemüch?”

Nöün Paulus Toropwe ngeni ekewe Souläng lon Rom 8:14

Iwe, chokewe mi nonom fän emwenien ewe Ngünün Kot, ir nöün Kot.

Nöün Paulus Toropwe ngeni ekewe Souläng lon Rom 8:19

Förien Kot kewe meinisin ra fokun ösüküsükü pwe Kot epwe pwärala nöün kana.

2. Korint 6:16

Ifa usun, än Kot imwenfel me uluulun anümwäl ra tongeni nonomfengen? Pun kich än ewe Kot mi manau imwenfel. Usun Kot a apasa, “Üpwe nonom rer o fetalfeil lefiler. Ngang üpwe ar Kot, nge ir repwe nei aramas.”

2. Korint 6:18

Ngang üpwe sememi, Nge ämi oupwe nei mwän me nei fefin, iei alon ewe Samol mi Unusen Manaman.”

Ipru 8:10

Iwe, iei ewe pwon üpwe föri ngeni ekewe chon Israel lon ewe fansoun epwe feito, iei alon ewe Samol: Üpwe atolonga ai kewe allük lon ekiekiir o makkeretiu lon letiper. Iwe, ngang üpwe ar Kot, nge ir repwe nei aramas kana.

1. Petrus 3:9

Ousap liwini ngau ngeni ngau are ottek ngeni ottek, nge oupwe afeiöchüür, pun Kot a körikemi ämi oupwe föri iei usun, pwe oupwe angei eu feiöch.

Pwärätä 2:11

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau esap küna feiengau ren ewe aruen mäla.”

Pwärätä 2:17

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe ngeni och seni ewe mana mi monomon, üpwe pwal ngeni eman me eman leir eföü fau mi pwechepwech a mak won eu it mi fö, esap wor eman epwe silei pwe ewe chök eman mi angei.”

Pwärätä 2:25

Nge oupwe chök kamwöchünük won mine oua eäni tori üpwe war.

Pwärätä 2:7

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe mwütätä pwe epwe mongö seni ewe irän manau mi nom lon än Kot we tanipi.”

Pwärätä 21:3

Iwe, üa rong mwelien eman mi leüömong a kapasowu seni ewe lenien motun king, “Nengeni, imwen Kot a nom lein aramas! Iwe, Kot epwe nonom lefiler o ir repwe aramasan, nge püsin Kot epwe etiir pwe epwe ar Kot.

1. Samuel 2:8

A aütai ekewe chon wöüngau seni lon pwül, a ekiewu chon mwelele seni lon ewe ioien falang, a amoteer ren ekewe samol o alenier won än chon iteföüla lenien mot. Pun ekewe longolongun fanüfan än ewe Samol mi Lapalap. I a aüetä fanüfan wor.