Pwärätä 21:6 - Chuukese Bible

⁶ Iwe, a apasa, “Mettoch meinisin ra fisila iei. Ngang ewe Aemanün me Amüchülan, ewe Popun me ewe Sopolan. Üpwe ngeni chokewe mi kaka pwe repwe ün seni ewe puächen kolukun manau, nge resap möni.

Pwärätä 21:6 Iomraidhean Croise

Kölfel 36:9

Pun en ewe lepopun manau meinisin, nge ren om saram äm aia küna saram.

Aisea 12:3

Iwe, oupwe üfi koluk fän pwapwa seni ewe chönüttun kolukun manau.

Jeremaia 2:13

Pun nei aramas ra föri ruu tipis: Ra likitieila, ngang ewe puächen kolukun manau, nge ra tuw chönüttu fän iter, sokun chönüttu mi sangang, esap tongeni mwöch koluk lor.

Osea 14:4

Iwe, ewe Samol mi Lapalap a üra, “Üpwe aliwinato nei aramas o tongeer seni unusen letipei, pun üsap chüen song ngeniir.

Sowel 3:18

Lon ena fansoun ekewe chuk repwe kula ren tanipin wain, nge chomong kow repwe nom won ekewe chukutekison. Iwe, ekewe öüwön Juta repwe ur ren koluk, nge eu puächen koluk epwe puwu seni imwen ewe Samol mi Lapalap, pwe epwe achöchönü ewe lemolun Akasia.

Johannes 4:10

Iwe, Jesus a pölüeni, “Are kopwe chök silei än Kot lifang, pwal ätewe mi tüngor ngonuk ünüman koluk, kopwe fen tüngor ngeni, nge i epwe ngonuk ewe kolukun manau.”

Johannes 4:11

Ewe fefin a pölüeni, “Ai samol, esap wor om pokit pwe kopwe aea le üfüf, nge ei chönüttu a alolol. Ia kopwe angei me ie ewe kolukun manau?

Johannes 4:14

nge iö a ün seni ewe koluk ngang üpwe ngeni, esap chüen kakasefäl. Ewe koluk üpwe ngeni epwe wiliti eu lenien puächen kolukun manau leutun mi atoto manau esemüch.”

Nöün Paulus Toropwe ngeni ekewe Souläng lon Rom 3:24

Nge ren än Kot we lifangen ümöümöch esap kamö, aramas meinisin ra küna pwüng ren Kraist, ewe mi angaseerela.

Nöün Paulus Toropwe ngeni ekewe Souläng lon Rom 8:32

Ewer, esap Kot, pun i esap mwo nge amwöchü püsin Nöün, pwe a fangala fänäsengesich meinisin. Ifa usun, esap pwal fang ngenikich mettoch meinisin me Nöün we?

1. Korint 2:12

Kich sisap angei ewe ngünün fanüfan, nge sia angei ewe Ngün Kot a tinato, pwe sipwe silei meinisin mine Kot a fang ngenikich.

1. Korint 3:12

Ekoch repwe aea kolt, silifer ika fau aüchea pisekin köütä won ewe longolong, nge pwal ekoch repwe aea mwüch, fetilipwas ika äsät.

1. Korint 3:21

Iei mine esap wor eman epwe aingaing won met aramas ra föri. Pun mettoch meinisin ra nom fän nemeniemi:

1. Korint 3:5

Iwe, iö Apolos? Pwal iö Paulus? Äm aia chök nöün Kot chon angang mi alisikemi pwe oupwe lükü Kraist. Eman me eman äm aia föri ewe angang ach Samol a awisa ngenikem.

Pwärätä 1:11

A apasa, “Kopwe makkeetiu lon toropwe mine ka küna o kopwe tinala ngeni ekewe fisu mwichefel: Efisos, Smirna, Perkamon, Tiatira, Sartis, Filatelfia me Laotisea.”

Pwärätä 1:17

Iwe, lupwen üa küna i, üa chapetiu arun pechen, nge üa usun chök eman aramas mi mäla. Mürin a wätä pöüifichin woi o apasa, “Kosap niuokus! Ngang ewe Aemanün me ewe Amüchülan.

Pwärätä 1:8

“Ngang ewe Aemanün me Amüchülan,” iei alon ewe Samol, ewe Kot mi Unusen Manaman, i ewe a nom iei, ewe a fen nonom me ewe epwe feito me mürin.

Pwärätä 10:6

o a pwon ren an öpölü iten Kot ewe mi manau tori feilfeilachök, ewe mi föri läng me fanüfan me matau pwal meinisin mine a nom lor. Iwe, ewe chon läng a apasa, “Esap chüen wor fansoun witiwit.

Pwärätä 16:17

Mürin ewe afümanün chon läng a ninätiu masouen sepian we lon asepwäl. Iwe, mwelien eman mi leüömong a towu seni lon ewe lenien motun king me lon ewe imwenfel, a apasa, “A fisila!”

Pwärätä 22:13

Ngang ewe Alfa me Omeka, ewe Aemanün me Amüchülan, ewe Popun me ewe Sopolan.”

Pwärätä 22:17

Iwe, Ngünmifel me ewe Fin apwüpwülü söfö ra apasa, “Etto!” Ir meinisin mi rongorong ekei kapas repwe apasa, “Etto!” Iwe, iö mi kaka epwe etto, nge iö a mochen epwe ünümi ewe kolukun manau, nge esap möni, epwe etto.

Pwärätä 3:14

“Kopwe makkei ngeni ewe chon künöön ewe mwichefel lon Laotisea: Iei alon ewe eman mi iteni Amen, ewe Chon Pwärätä mi allükülük o let, i popun förien Kot meinisin.

Pwärätä 7:17

Pun ewe Lam mi nom lukalapan mwen ewe lenien motun king epwe nöür chon mas o emweniir ngeni ekewe puächen kolukun manau. Iwe, Kot epwe talüpwasei chönün mas seni won meser meinisin.”