Pwärätä 21:4 - Chuukese Bible

⁴ Epwe talüpwasei chönün mas seni won meser meinisin. Esap chüen wor mäla ika letipeta ika kechü ika cheuch, pun ekewe mettochun lom ra morola.”

Pwärätä 21:4 Iomraidhean Croise

Kölfel 144:4

Pun eman aramas a wewe ngeni enienin ngasangas, nge ränin manauan a usun chök och nür mi morokai.

Aisea 25:8

Iwe, Kot ewe Samol mi Lapalap epwe aükätiu mäla, pwe esap chüen wor tori feilfeilachök. Epwe talü chönün mas seni won mesen aramas meinisin o angei seni nöün aramas kana ar itengau ekis meinisin won fanüfan. Iei alon ewe Samol mi Lapalap.

Aisea 30:19

Ewer, ämi aramasen Sion mi imweimw lon Jerusalem, ousap chüen kechü. Kot epwe fokun ümöümöch ngenikemi, lupwen a rong ämi siö. Iwe, lupwen a rongorong, epwe pälüenikemi.

Aisea 35:10

Iwe, chokewe ewe Samol mi Lapalap a angaseer repwe liwinsefäl o feiliti Jerusalem fän mweireir me köl. Pwapwa esemüch epwe nonom rer. Pwapwa me mwänek epwe toriir, nge lolilen me ngüngü epwe sü seniir.

Aisea 51:11

Iwe, chokewe mi manau me reöm repwe liwinsefäl ngeni Jerusalem fän köl. Pwapwa esemüch epwe nonom rer, chengel me mwänek repwe etiir, nge letipeta me ngüngüres repwe sü seniir.

Aisea 60:20

Om akkar esap chüen tuputiu, nge om maram esap kirochola. Pun ngang ewe Samol mi Lapalap üpwe om saram tori feilfeilachök, nge ränin om letipeta repwe müchüla.

Aisea 61:3

Üpwe ngeni chokewe mi letipeta lon Sion epa mwärämwär siwilin falangen won mökürer, pwapwa siwilin kechü, pwal kölün mwareiti siwilin letipeta. Iwe, repwe wewe ngeni irä ewe Samol mi Lapalap a püsin fotuki, repwe föri mine a pwüng pwe Kot epwe küna ling ren.

Jeremaia 31:12

Iwe, repwe feito o köl fän pwapwa me won ewe chuk Sion, repwe meseik ren ai lifang ngeniir, ren ekewe föün wiich me wain me apüra, pwal ren ekewe nienifön sip me kow. Iwe, repwe usun chök eu tanipi mi atütü ngeni koluk, nge resap chüen aiengau.

Jeremaia 31:13

Mürin, ekewe föpwül repwe meseik lon ar pwörük, nge ekewe alüal me chinlap repwe pwapwa. Üpwe awili ar letipeta ngeni pwapwa. Üpwe achipeer o fang ngeniir pwapwa akasiwilin ar lolilen.

Osea 13:14

Üpwe fokun amanaueer seni ewe lenien sotup. Üpwe angaseer seni ewe manamanen mäla. En mäla, ifa om kewe mätter? En lenien sotup, ifa om afeiengau? Usap chüen tongei ekei aramas.

Mateus 24:35

Läng me fanüfan repwe morola, nge ai kapas kana resap fokun morola.

1. Korint 15:26

Iwe, ewe amüchülan chon oputan epwe mola, iei mäla.

1. Korint 7:31

nge chokewe mi aea mettochun fanüfan repwe usun itä nge resap aea. Pun lapalapen ei fanüfanen ikenai epwe morola.

2. Korint 5:17

Iei mine are eman a nonom lon Kraist, i eman förien Kot mi fö. Ewe manauen lom a wes, nge eu manau mi fö a fis.

2. Korint 6:17

Iei mine ach Samol a apasa, “Oupwe towu seniir o aimwükemiila seniir. Ousap atapa och mettoch mi limengau, pwe üpwe etiwakemi.

Ipru 12:27

Ewe kapas “pwal fän eu” a pwärätä pwe ekewe mettoch mi för repwe chechech o morola, pwe ekewe mettoch resap tongeni chechech repwe nonomola.

2. Petrus 3:10

Nge ränin ewe Samol epwe war usun eman chon solä. Lon ewe rän läng epwe morola ren püngün chopulap o minen läng repwe karala o tala, nge fanüfan me meinisin mine a nom lon resap chüen nom.

1. Johannes 2:17

Iwe, fanüfan me mettochun lon aramas ra kon mochenia ngeni repwe morola, nge iö a föri letipen Kot epwe manau tori feilfeilachök.

Pwärätä 20:13

Mürin ewe matau a fangewu ekewe mi mäla ra nom lon, pwal mäla me ewe lenien sotup ra fangewu ekewe mi mäla ra nom lor. Iwe, ir meinisin ra küna kapwüng won meinisin mine ra föri.

Pwärätä 20:14

Mürin mäla me ewe lenien sotup ra koturulong lon ewe nomun ekkei. Ei nomun ekkei, iei ewe aruen mäla.

Pwärätä 21:1

Mürin üa küna eu läng mi fö me eu fanüfan mi fö, pun ewe poputän läng me ewe poputän fanüfan ra morola, nge matau esap chüen wor.

Pwärätä 22:3

Esap wor och mi nom fän än Kot anümamau epwe nonom lon ewe telinimw. Än Kot me ewe Lam lenien motun king epwe nom lon ewe telinimw o nöün kewe chon angang repwe angang o fel ngeni.

Pwärätä 7:17

Pun ewe Lam mi nom lukalapan mwen ewe lenien motun king epwe nöür chon mas o emweniir ngeni ekewe puächen kolukun manau. Iwe, Kot epwe talüpwasei chönün mas seni won meser meinisin.”