Pwärätä 21:2 - Chuukese Bible

² Iwe, üa küna ewe Telinimw mi Pin, ewe Jerusalem mi fö, a feitiu me läng seni Kot, a molotä usun eman fin apwüpwülü söfö a tolong lon foutan pwe epwe apwüpwülü ngeni pwülüan.

Pwärätä 21:2 Iomraidhean Croise

Kölfel 87:3

A eäni pworaus mi amwarar usum, en telinimwen Kot.

Aisea 1:21

Ewe telinimw mi pwüng me lom a usun chök eman fefin mi föri föförün lisowu. Me lom aramas mi pwüng ra imweimw lon, nge ikenai chon niela aramas ra choni.

Aisea 52:1

Kopwe pwätä, kopwe pwätä, Jerusalem, kopwe angei pöchökül pwe kopwe pöchökülsefäl. Kopwe pwilitalong womw ufom mi ling, en Jerusalem ewe telinimw mi pin. Iwe, chokewe resap sirkomsais pwal chokewe mi limengau resap chüen tolong lomw.

Aisea 54:5

Pun Ewe mi Föruk epwe usun chök pwülüom reöm, itan Samol mi Unusen Manaman. Ewe mi Pin lon Israel om Chon Amanau, i ewe Kot mi nemeni unusen fanüfan.

Aisea 61:10

Üpwe fokun pwapwa ren ewe Samol mi Lapalap, ngüni epwe mwänek ren ai Kot. Pun a aüföüfa ngeniei manau, a pwal pwilitalong woi pwüng pwe ina üfei. Üa wewe ngeni eman mwän apwüpwülü söfö, a foutei ngeni foutan, üa pwal wewe ngeni eman fin apwüpwülü söfö, a mwärämwär mwärin fau aüchea.

Aisea 62:4

Iwe, kosap chüen iteni “Pöütüla”, fanüom esap pwal chüen iteni “Fanüapö”. Nge kopwe iteni “Hefsipa” , fanüom epwe iteni “Piula” , pun ewe Samol mi Lapalap a pwapwaituk, epwe usun chök ngei pwülüen fanüom.

Jeremaia 31:23

Iei alon ewe Samol mi Unusen Manaman ewe Koten Israel, “Lupwen üpwe aliwinisefäli ekewe aramas ngeni fanüer, repwe apasasefäli ekei kapas me lon ewe fanü Juta me telinimwan kewe, ‘Ewe Samol mi Lapalap epwe afeiöchuk, en leni ia pwüng a nom ie, en chuk mi pin.’

Johannes 3:29

Ewe mwän apwüpwülü söfö i pwülüen ewe fin apwüpwülü söfö. Nge chiechien ewe mwän apwüpwülü söfö mi ü ünükün o aüseling a pwapwa lupwen a rongorong mwelien ewe mwän apwüpwülü söfö. Iei usun ai pwapwa a unusöchüla.

2. Korint 11:2

Üa lukomong womi, usun chök Kot a lukomong womi. Ämi oua wewe ngeni eman föpwül mi limelimöch, üa pwon pwe epwe pwülüeni eman chök mwän, iei i Kraist.

Ipru 11:10

Pun Apraham a witiwiti ewe fansoun pwe epwe nom lon ewe telinimw Kot a föri liosun o aüetä, ewe telinimw a wor longolongun esap tongeni tala.

Ipru 11:16

Nge ra ösüküsükü eu fanü mi mürina seni, ewe fanü mi nom läng. Iei mine Kot esap säwäsiniir ar repwe aita ngeni i ar Kot, pun a amolätä eu telinimw fän iter.

Ipru 12:22

Nge ämi oua feito ngeni ewe Chuk Sion, pwal ngeni ewe telinimwen ewe Kot mi manau, ewe Jerusalem mi nom läng fiti ngeröün chon läng.

Ipru 13:14

Pun esap wor ach lenien wilipos ikei won fanüfan, pwe sia kütta ewe leni a souni kich me mürin.

Pwärätä 1:1

Iei ewe kapasen pwärätä seni Jesus Kraist, Kot a ngeni an epwe pwäri ngeni nöün kewe chon angang usun met epwe müttir fis. Kraist a asile ngeni nöün we chon angang Johannes ekei mettoch ren an tinala nöün chon läng ren.

Pwärätä 1:4

Kapong seni Johannes ngeni ekewe fisu mwichefel lon ewe fanü Asia: Ümöümöch me kinamwe seni Kot epwe nonom remi, ewe Kot mi nom iei, ewe a fen nonom me ewe epwe feito me mürin, pwal seni ekewe füman ngün mi nom mwen an we lenien motun king,

Pwärätä 1:9

Ngang Johannes, pwiimi we lon Jesus, üa chienenikemi lon ämi likitü fän mosonotam lon ewe riaföü mi tori chokewe ir chon mwün Kraist. Ra anomuei won ewe fanü Patmos pokiten üa arongafeili än Kot kapas me ewe let Jesus a pwärätä.

Pwärätä 11:2

Nge kosap aükü ekewe leni lükün ewe imwenfel, pun Kot a ngeni ekewe chon lükün Israel ar repwe puri ewe Telinimw mi Pin lon ükükün faik me ruu maram.

Pwärätä 21:10

Iwe, lupwen ai nom lon ngün, ewe chon läng a uweieila won ungen eu chuk mi fokun tekia o a aküna ngeniei Jerusalem, ewe Telinimw mi Pin, a feitiu me läng seni Kot,

Pwärätä 21:9

Mürin eman me lein ekewe füman chon läng mi fen wor rer ekewe fisu sepi mi ur ren ekewe fisu amüchülan feiengau a feito rei o a apasa, “Kopwe etto pwe üpwe aküna ngonuk ewe Fin apwüpwülü söfö, iei i pwülüen ewe Lam.”

Pwärätä 22:17

Iwe, Ngünmifel me ewe Fin apwüpwülü söfö ra apasa, “Etto!” Ir meinisin mi rongorong ekei kapas repwe apasa, “Etto!” Iwe, iö mi kaka epwe etto, nge iö a mochen epwe ünümi ewe kolukun manau, nge esap möni, epwe etto.

Pwärätä 22:19

Nge are eman epwe angei och seni ekewe kapasen osuni mi mak lon ei puk, Kot epwe angei seni wisan me won ewe irän manau pwal wisan me won ewe Telinimw mi Pin usun a mak lon ei puk.

Pwärätä 3:12

Iö mi pwora ngeni mine a ngau üpwe föri pwe epwe efoch ür lon än ai we Kot we imwenfel, nge esap chüen towu seni. Iwe, üpwe makkei won iten ai we Kot, pwal iten än ai we Kot we telinimw, ewe Jerusalem mi fö, epwe feitiu me läng seni ai we Kot, üpwe pwal makkei won itei we mi fö.