Pwärätä 21:12 - Chuukese Bible

¹² A wor eu tit mi pöchökül o tekia pwelin ünükün ewe telinimw, a pwal wor engol me ruu asamalapan, nge engol me ruoman chon läng ra mamasa ekewe asam. Iwe, won eu me eu ekei asamalap a mak iten eu me eu ekewe engol me ruu ainangen aramasen Israel.

Pwärätä 21:12 Iomraidhean Croise

2. Kronika 9:19

Nge mi pwal wor uluulun engol me ruoman laion won ewe latö, eman uluulun laion a nom lesopun me ruu ekewe wonu foso. Ei sokun lenien motun king esap fokun wor esin lon ekewe mwü.

Esra 9:9

Iei mwo än aramas nöünikem amanau, nge en äm Kot kosap likitikeemila lon äm riaföü. Ka föri pwe ekewe kingen Persia ra eäni kirikiröch ngenikem, pwe ra mwüt ngenikem pwe aipwe manau o aüsefälietä imwomw we imwenfel mi tala, ra pwal mwüt ngenikem pwe aipwe nom lon Juta me Jerusalem fän kinamwe.

Nehemia 12:27

Iwe, lupwen fansoun efinünen ewe tittin Jerusalem ra kütta ekewe mwän seni ewe ainangen Lefi lon lenier kewe meinisin o emwenireto Jerusalem, pwe repwe föri efinünen ewe tit fän pwapwa, fän kölün kilisou, fän ar pisekin kaktai, fän tikin kitar me ükülele.

Kölfel 122:7

Epwe wor kinamwe lon tittum, Jerusalem, o imwom kewe imwen king repwe nükünük.”

Kölfel 51:18

Ai Kot, kopwe kirikiröch ngeni Sion fän pwapwan letipom. Kopwe aüsefälietä tittin Jerusalem.

Ekistos 28:21

Iei usun epwe wor engol me ruoföü fau ükükün iteiten nöün Israel kewe mwän. Iwe, iteiten eföü me eföü kewe fau epwe rup iten ekewe engol me ruu ainangen Israel won, nge ewe mak epwe usun chök rupun won ringen pwau.

Aisea 54:12

Üpwe pwal föri ungom kewe seni ewe fau akit , asamalapom kewe seni fau mi meriweriw, nge tittum meinisin seni fau aüchea.

Aisea 60:18

Esap chüen wor pworausen chon mwänewüs lon fanüom, esap pwal chüen fis maun me feiengau me lon kiännin fanüom. Iwe, tittin telinimwom kopwe aita ngeni “Manau”, nge asamalapan kopwe aita ngeni “Ingemwar”.

Mateus 18:10

“Oupwe tümwünüfichi pwe ousap aücheangauei eman ekei kükün. Pun üpwe ürenikemi, pwe nöür chon läng ra nom mwen Semei lon läng fansoun meinisin.

Lukas 15:10

Ngang üpwe ürenikemi, ina chök usun nöün Kot kewe chon läng repwe fokun pwapwa fän iten eman chon tipis mi aier.”

Lukas 16:22

Iwe, a fis pwe ewe mi wöüngau a mäla, nge ekewe chon läng ra uweatä o amota lewon pechen Apraham. Iwe, ewe mwän mi pisekisek a pwal mäla o peias.

Föför 26:7

ewe chök pwon aramasach kewe seni ekewe engol me ruu ainang ra apilükülükü pwe repwe angei lupwen ra fel ngeni Kot lerän me lepwin. Iwe, ämäfen king, pokiten ei apilükülük ekewe chon Juta ra atipisiei ren.

Ipru 1:14

Iwe, nge met ren ekewe chon läng? Ir meinisin ngün mi angang ngeni Kot. Kot a tiniirela pwe repwe alisi chokewe repwe küna manau.

Pwärätä 21:13

A wor ülüngat asamalap won eu me eu pekin: ülüngat me peliötiu, ülüngat me peliör, ülüngat me peliefeng pwal ülüngat me pelilotou.

Pwärätä 21:15

Iwe, ewe chon läng mi kapas ngeniei a amwöchü efoch wokun aükük mi för seni kolt, pwe epwe aükü ewe telinimw, asamalapan me tittin.

Pwärätä 21:25

Ekewe asamalapen ewe telinimw ra suk unusen rän me rän, nge resap kapüngüla, pun esap chüen wor pwin ikenan.

Pwärätä 22:14

Ra feiöch chokewe mi limeti üfer pwe repwe limöch, pwe epwe wor ar pwüüng ar repwe mongö seni uän ewe irän manau, repwe pwal tolong lon ekewe asamalap o tolong lon ewe telinimw.