Pwärätä 21:11 - Chuukese Bible

¹¹ a saramaram ren än Kot we ling. Ewe telinimw a tittin usun eföü fau aüchea itan jasper, a kurufat usun ewe fau itan kristal.

Pwärätä 21:11 Iomraidhean Croise

Hiop 28:17

Kolt me kilas mi aüchea resap wewe ngeni aüchean tipachem, fout seni kolt mi mürina esap tongeni akasiwil ngeni.

Aisea 4:5

Mürin, ewe Samol mi Lapalap epwe awara eu kuchun ötüöt lerän won unusen ewe chuk Sion pwal won chokewe mi mwichefengen ikenan, nge lepwin epwe awara eu kuchun ekkei mi fokun saramaram. Iwe, an ling epwe pwölüela unusen ewe leni.

Isikiel 1:22

Iwe, asen ekewe mönümanau a wor och mi wewe ngeni eu läng mi meresila me won mökürer, a molupolup o kurufat usun ewe fau itan kristal.

Isikiel 1:26

Iwe, asen ewe läng me won mökürer a wor och mi wewe ngeni eu lenien motun king mi för seni ewe fau aüchea itan safaia. Nge ewe mi mot won a lapalapeni lapalapen eman aramas.

Isikiel 28:16

Ren watten om angangen amömö ka uren föförün mwänewüs o turulong lon tipis. Iei popun üa aturuketiu seni won ewe chukun Kot usun eman chon tipis, üa pwal asüükela seni lein ekewe fau mi meriweriw, en kerop chon tümwün.

Isikiel 43:2

Ikenan üa küna lingen ewe Koten Israel, a feito seni ötiu. Iwe, üngüngün an feito a usun chök üngüngün nonoon lematau, nge won fanü a saramaram ren lingan.

Isikiel 48:35

Iwe, langatamen unusen tittin ewe telinimw ükükün engol ngeröü walik iach. Nge seni ei otun ewe telinimw epwe iteni: Ewe Samol mi Lapalap a nom ikenan.”

Pwärätä 15:8

Iwe, ewe imwenfel a ur ren ötüöt mi feito seni än Kot ling me manaman, nge esap wor eman a tongeni tolong lon ewe imwenfel tori repwe wesila ekewe fisu feiengau seni ekewe füman chon läng.

Pwärätä 22:1

Mürin ewe chon läng a pwal aküna ngeniei ewe chanpupun kolukun manau, a kurufat usun ewe fau itan kristal, a pupu seni fän än Kot me än ewe Lam lenien motun king

Pwärätä 22:5

Esap chüen wor pwin, esap pwal chüen lomot rer lamp ika akkar, pun ewe Samol Kot epwe ar saram, nge repwe nemenem usun king tori feilfeilachök.

Pwärätä 4:3

Won mesen ewe mi mot a saramaram usun ekewe fau aüchea mi arauarau fetil me par iter jasper me karnelian, nge pwelin ünükün ewe lenien motun king a wor eu resim mi wewe ngeni anüen eföü fau aüchea itan emeralt.

Pwärätä 4:6

Me mwen ewe lenien motun king a pwal wor och mi usun chök eu matau seni kilas, a kurufat usun ewe fau itan kristal. Iwe, pwelin ünükün ewe lenien motun king me rüanü pekin a wor föman mönümanau, ra kula ren föün mas me mwer pwal me lükisökürür.