Pwärätä 20:8 - Chuukese Bible

⁸ Epwe feila pwe epwe atupu chon ekewe mwü won unusen fanüfan, ekei mwü Kok me Makok. Satan epwe achufengeniir meinisin pwe repwe maun, iteiter meinisin ra usun iteiten föün pien aroset.

Pwärätä 20:8 Iomraidhean Croise

1. King 4:20

Iwe, chon Juta me chon Israel ra fokun chomong usun chök chomongun föün pien aroset. Ra momongö, ra ükkün o pwapwa.

2. Kronika 18:21

Ewe ngün a pälüeni, ‘Üpwe feila o föri pwe nöün kewe soufos meinisin repwe eäni kapas chofana.’ Iwe, Kot a üreni, ‘En kopwe atupu Ahap, nge om angang epwe fisiöch. Kopwe feila o föri iei usun.’

Aisea 10:22

Pun inamwo ika ekewe chon Israel ra chomong usun chök pien aroset, ekoch chök leir repwe liwinsefäl. Iwe, Kot a apwüngala fän pwüng an epwe afeiengaua chon Israel.

Jeremaia 33:22

Usun ekewe fün läng resap tongeni lea, pwal usun ekewe föün pien aroset resap tongeni aükük, iei usun üpwe achomonga ekewe mwirimwirin Tafit nei chon angang me ekewe souasor seni ewe ainangen Lefi mi angang ngeniei.”

Isikiel 38:1

Iwe, ewe Samol mi Lapalap a kapas ngeniei,

Isikiel 38:2

“Nöün aramas, kopwe newenewen ngeni Kok ewe samollapen Ros, Mesek me Tupal lon ewe fanü Makok, kopwe pwal osuni usun an epwe feiengau.

Isikiel 39:1

“Iwe, nöün aramas, kopwe pwal osuni usun än Kok epwe feiengau. Kopwe apasa pwe iei aloi ngang Kot ewe Samol mi Lapalap: Üpwe ü ngonuk Kok, en samollapen Ros, Mesek me Tupal.

Isikiel 39:6

Üpwe tinala ekkei won ewe fanü Makok, pwal won chokewe mi nonom fän kinamwe lon ekewe fanüen aroset. Mürin, aramas meinisin repwe silei pwe ngang ewe Samol mi Lapalap.

Isikiel 7:2

“Nöün aramas, iei aloi ngang Kot ewe Samol mi Lapalap ngeni ewe fanü Israel: A tori sopolan. A tori sopolan unusen ewe fanü.

Ipru 11:12

Inamwo ika Apraham a usun chök eman mi mäla, seni ei chök eman mwän a wor chomong mwirimwirin usun chomongun ekewe fü, pwal usun chomongun ekewe pien aroset.

Pwärätä 12:9

Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.

Pwärätä 16:14

Ir anün rochopwak mi föri manaman. Ekei ülüman ngün ra feila ren ekewe kingen unusen fanüfan ar repwe achufengeniir, pwe repwe maun lon ewe rän mi lap än Kot ewe mi Unusen Manaman.

Pwärätä 20:10

Mürin ewe Tefil mi atupur a koturulong lon ewe nomun ekkei me primston ia ewe manmwacho me ewe soufos chofona ra fen koturula ie. Iwe, repwe küna riaföü lerän me lepwin tori feilfeilachök.

Pwärätä 20:3

Iwe, ewe chon läng a aturalong i lon ewe pwang mi alolol, a lokeela o pwauni, pwe esap chüen tongeni tufichin atupu chon ekewe mwü tori ekewe engeröü ier repwe sopola. Mürin ei, ewe trakon epwe fokun musala lon ekis chök fansoun mochomoch.

Pwärätä 7:1

Mürin ei, üa küna föman chon läng ra ütä le pwokukun fanüfan me rüanü, o ra amwöchü ekewe rüanü asepwäl, pwe esap chüen wor asepwäl a enien won fanüfan, ika won matau, ika won efoch irä.

Soukapwüng 7:12

Iwe, ekewe chon Mitian me chon Amalek, pwal ekewe aramas meinisin seni ötiu ra nom lon ewe lemol, usun epwi pwiin lifichimas ren chomongur. Nge nöür kamel ese lea, pun ra usun chök föün pien aroset.

1. Samuel 13:5

Iwe, ekewe chon Filistia ra amwichafengeniir pwe repwe maun ngeni chon Israel ükükür ilik ngeröü woken me wonongeröü chon wawa oris, nge ükükün ekewe sounfiu usun föün pien aroset ren chomongur. Ra feitä Mikmas ötiuen Pet-awen o nonom ikenan.