Pwärätä 20:4 - Chuukese Bible

⁴ Mürin üa küna ekoch lenien motun king, nge chokewe mi mot wor ra angei ewe pöchökül pwe repwe tongeni eäni kapwüng. Üa pwal küna ngünün chokewe mi ninnila pokiten ar arongafeili ewe let Jesus a pwärätä me än Kot kapas. Ir chokewe resap fel ngeni ewe manmwacho ika uluulun we, resap pwal angei asisilen ewe manmwacho won chamwer ika won pöür. Ra manausefäl o eti Jesus le nemenem lon ükükün engeröü ier.

Pwärätä 20:4 Iomraidhean Croise

Taniel 2:44

Iwe, lon fansoun mwün ekewe king, ewe Koten läng epwe aüetä eu mwü esap tongeni tala, esap pwal wor eu mwü epwe tongeni akufu. Iwe, ei mwü epwe ataela o arosala ekewe lusun mwü, nge epwe püsin nom tori feilfeilachök.

Taniel 7:18

Nge chon pin kana nöün Ewe mi Fokun Tekia repwe angei ewe mwü o mwüni tori feilfeilachök.”

Taniel 7:22

tori Kot ewe mi nom seni me lomlom a war o peni ekewe chon pin nöün Ewe mi Fokun Tekia lon kapwüng. A war ewe fansoun pwe ekewe chon pin ra angei mwür.

Taniel 7:27

Nge ewe mwichen chon pin nöün Ewe mi Fokun Tekia repwe angei nemenem me ling, pwe repwe nemeni mwü kana meinisin mi nom won fanüfan. Iwe, mwür epwe nonom tori feilfeilachök, nge sounemenem meinisin repwe angang ngeniir o aleasochisiir.”

Taniel 7:9

Iwe, üa nengeni o küna pwe ra amolätä lenien motun king, nge Kot ewe mi nom seni me lomlom a mottiu won eu. Iwe, üfan a pwechepwech usun snow, möküran a üwan usun chök ülen sip mi pwechepwech, nge an lenien mot me willan kewe ra usun chök pulopulen ekkei.

Malakai 4:5

Nengeni, ngang üpwe tinala remi ewe soufos Elias me mwen ränin ewe Samol mi Lapalap epwe war, ewe rän mi lap o eniweniu.

Mateus 19:28

Jesus a üreniir, “Enlet, üpwe ürenikemi, pwe lupwen Nöün Aramas epwe mot lon an lenien motun king mi ling lon fansoun mettoch meinisin repwe försefäl, mürin ämi mi tapwela müri oupwe pwal mot won engol me ruu lenien motun king, pwe oupwe nemeni ekewe engol me ruu ainangen Israel.

Mateus 24:10

Iwe, chomong repwe fangatä ar lükülük lon ena fansoun, repwe afangamäfengeniir lefiler o oputafengeniir.

Markus 6:16

Lupwen Herotes a rong ekei kapas a apasa, “Johannes, ätewe üa pöküela üan a manausefäl.”

Markus 6:27

Iei mine lon ewe chök otun Herotes a tinala eman sounfiu seni ewe mwichen chon tümwünü ewe king o a allük ngeni, pwe epwe uwato möküren Johannes. Iwe, ewe sounfiu a feila lon ewe imwen fötek o pöküela üen Johannes.

Markus 9:11

Iwe, ra aisini Jesus, “Pwota ekewe Sensen Allük ra apasa, pwe Elias epwe akomwen feito?”

Lukas 1:17

I epwe akom mwen ewe Samol lon tufichin ewe Ngün me ewe manaman mi nom ren Elias. Epwe akulu leluken ekewe sam ngeni nöür o akulusefäli letipen ekewe aramas mi lükümach, pwe repwe eäni ekiekin ekewe chon pwüng. Pun epwe amolätä fän iten ewe Samol eu mwichen aramas mi amolöch.”

Lukas 14:14

Iwe, ren ei kopwe feiöch, pun resap tongeni aliwini ngonuk mine ka föri ngeniir. Kot epwe liwini ngonuk lon ewe ränin manausefälin ekewe chon pwüng.”

Lukas 22:30

Oupwe mongö o ün won ai chepel lon mwüi, oupwe pwal mot won ekewe lenien motun king o nemeni ekewe engol me ruu ainangen Israel.

Johannes 14:19

Mürin ekis chök fansoun, chon fanüfan resap chüen künaei. Nge ämi oupwe künaei. Iwe, pokiten ngang üa manau, ämi oupwe pwal manau.

Nöün Paulus Toropwe ngeni ekewe Souläng lon Rom 11:15

Pun lupwen Kot a pöütiirela, chon fanüfan ra chä ngeni Kot. Iwe, met epwe fis lupwen Kot epwe etiweer? Epwe fis manau seni mäla.

Nöün Paulus Toropwe ngeni ekewe Souläng lon Rom 8:17

Nge pokiten sia nöün Kot, sipwe feiöchüni ekewe feiöch i a amolätä fän iten nöün kana, sipwe pwal eti Kraist le wöüni ekewe wöün Kot a amolätä fän itan. Pun are sia eti Kraist lon an riaföü, sipwe pwal eti i lon an ling.

2. Timoty 2:12

Are sia likitü, sipwe eti i lon an nemenem. Are sia amamäsini i, i epwe pwal amamäsinikich.

Pwärätä 1:2

Iwe, Johannes a pwärätä meinisin mine a küna, iei än Kot kapas me ewe let Jesus Kraist a pwärätä.

Pwärätä 1:9

Ngang Johannes, pwiimi we lon Jesus, üa chienenikemi lon ämi likitü fän mosonotam lon ewe riaföü mi tori chokewe ir chon mwün Kraist. Ra anomuei won ewe fanü Patmos pokiten üa arongafeili än Kot kapas me ewe let Jesus a pwärätä.

Pwärätä 11:11

Nge mürin ülüngat esop rän eu ngasangasen manau seni Kot a tolong lor, iwe, ra ütä o chokewe meinisin mi küneer ra fokun rükö.

Pwärätä 11:15

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”

Pwärätä 11:3

Iwe, üpwe tinala nei kewe ruoman chon pwärätä mi üföüf üf seni tuk, repwe arongafeili än Kot kapas lon ekewe engöröü ruopükü wone rän.”

Pwärätä 11:7

Iwe, lupwen repwe wes le arongafeili ar afalafal, ewe manmwacho mi towu seni lon ewe pwang mi alolol epwe maun ngeniir. Iwe, epwe akufuur o niirela,

Pwärätä 12:11

Pwiich kewe ra akufu Satan ren chaan ewe Lam, ren ewe kapasen manau ra pwärätä, pwal ren ar mochen fangatä manauer pwe repwe mäla.

Pwärätä 14:11

Iwe, ötüötün ewe ekkei mi ariaföüür a ötütä tori feilfeilachök. Lerän me lepwin esap wor ngas fän iten chokewe mi fel ngeni ewe manmwacho me uluulun we, fän iten chokewe meinisin mi eäni asisilen itan.”

Pwärätä 15:2

Mürin üa küna och mi usun chök eu matauen kilas mi nofitfengen me ekkei. Üa pwal küna chokewe mi akufu ewe manmwacho me uluulun we, ra pwal akufu ewe eman itan a iteit lon nampa. Ra ütä ünükün ewe matauen kilas o ra amwöchü ekewe kitar Kot a ngeniir.

Pwärätä 17:8

Ewe manmwacho ka küna a manau me lom, nge iei esap chüen manau, epwele feitä seni lon ewe pwang mi alolol pwe epwe tolong lon feiengauen pöütmwälila. Ekewe aramas mi nom won fanüfan iter esap mak lon ewe puken iten chon manau me mwen än Kot esamwo föri fanüfan, ir meinisin repwe mairü lupwen repwe nenengeni ewe manmwacho, pun a manau me lom o iei esap chüen manau, nge epwe pwal pwäsefäl.

Pwärätä 2:26

Iö mi pwora ngeni mine a ngau o sopwela le föri letipei tori lesopolan, üpwe ngeni nemenem won ekewe mwü,

Pwärätä 20:6

A feiöch o pin iö a eti ewe aeuin manausefäl. Ewe aruen mäla esap wor an nemenem wor, nge repwe nöün Kot me nöün Kraist souasor, repwe pwal eti Jesus le nemenem lon ükükün engeröü ier.

Pwärätä 22:5

Esap chüen wor pwin, esap pwal chüen lomot rer lamp ika akkar, pun ewe Samol Kot epwe ar saram, nge repwe nemenem usun king tori feilfeilachök.

Pwärätä 3:21

Iö mi pwora ngeni mine a ngau üpwe mwüt ngeni pwe epwe etiei le mot won ewe lenien motun king, usun pwal ngang üa pwora o mot ren Semei won an lenien motun king.

Pwärätä 4:4

Iwe, pwelin ünükün ewe lenien motun king a wor rüwe me rüanü lenien motun king ia rüwe me föman souakom ra mot ie, ra üföüf üf mi pwechepwech o mwärämwär mwärämwär seni kolt.

Pwärätä 6:9

Mürin ewe Lam a ülei ewe alimuen pwau. Iwe, üa küna fän ewe rongen asor ngünün chokewe mi ninnila pokiten ar arongafeili än Kot kapas o eäni allükülük lon ar pwärätä itan.

Pwärätä 7:3

A apasa, “Ousap afeiengaua fanüfan, ewe matau ika ekewe irä, tori aipwe pwauni won chamwen ekewe chon angang ngeni ach we Kot.”